ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

مستحيل أهل يرفضوا شخص منشان انه اصغر منها لكن اذا في مواصفات فيه مش منيحة معناها رح يرفضوا منشان هيك اما ابشري ياعمري مافي أهل بينظروا لأمور تافهة متل هيك الا اذا كان فارق السن كبييير جدا وانا ما بتوقع هلشي ، فأنت ريحي نفسك وانظري لأمور تانية

ليش هو من متى لازم الزلمة يكون هو الاكبر ؟؟؟؟؟؟ شو هالقاعدة الغبية

أول إشي لازم تحكيلنا كم عمرك وكم عمرو عشان نقدر نعطيكي رأينا.. لازم يكون بين الزوجين توافق من جميع الجوانب علميا واجتماعيا ..بس أحيانا بكون ربنا كاتب للإنسان يتزوج وحدة أكبر منو وبصير النصيب وبعيشوا سعداء.....إذا بتشوفي إنه أنسان محترم وقادر يفتح بيت ويحافظ عليه ومتأكدة إنو بحبك خلص توكلي على الله وكلام الناس ولا تسمعيه لأنه بوجع الراس...وتأكدي إنه إذا ربنا كاتبو إلك رح تتزوجيه غصبن عن الدنيا كلها والله يوفقك واستخيري ما رح تندمي

مادام انه في حب وتفاهم معناها عادي بعدين شغلة تانية احكي لاهلك انت يلي بدك تعيشي معه مش أهلك واحكي لأمك خليها تحط حالها مكانك هي أو أبوك وشوفي كيف رح يحسوا فيك . نيال حبيبك بياخد يلي بدياها بدون مايحسب حساب انهم اهله يرفضوا.

يآآآآ ألله شو مشكلتك بتحزن الحقوها ياناس قطعت قلبي من هالهموم يلي شاليتها هههه قال خايفة اهلها يرفضوا منشان سبب سخيف ههههه علي الجيرة انه حبيبها فيه عيوب كتير وقاعدة بتقنع نفسها انهم أهلها رح يرفضوا منشان هالسبب .

ليش هيك الاهالي بس يعرفوا انه يلي تقدم لبنتهم الشب يلي كانت تحبه بصيروا يطلعوا عليه 100 عيب ليش يعذبوها وهم عارفين انهم بالنهاية رح يوافقوا ؟؟؟؟؟

كلنا حبينا

بس يتقدملك لوقتها فرج لانه اكيد رح يوافقوا شيلي هالوسوسات من راسك .

ستنا خديجة أكبر من سيدنا محمد ص فلذلك رسولنا هو أهم قدوة والسلام عليكم.

مش هالمشكلة الكبيرة بعدين ما بتوقع أهل يرفضوا شب منشان هيك شي وفرضا صار هالاشي ورفضوا احكيلهم انهم مايهتموا بكلام الناس لانه كلام الناس بهيك امور لابقدم ولابأخر .

احكيلهم يحطوا حالهم مكانك واحكيلهم : اذا انكم بتحبوني وبتحبولي الخير وبتهمكم مصلحتي معناها زوجوني لحبيبي وأنا مستعدة أعيش مع واحد اصغر مني انتوا شو مضايقكم ؟ انا يلي عايشة معه مش انتوا .

طيب بتحبي واحد أصغر منك بس احنا شو دخلنا؟

قوليلهم وين العدل وين المساواه فهمي اهلك هيك قوليلهم افرضو واحد اصغر مني اجا يخطبني بتقبلو ؟ بس كيف هوه بيحبك وانتي متاكده وابصر شو ومتفقين يتقدملك شكلك مش عارفه وين الله حاطك

نصيحتي الك لاتاخدي واحد اصغر منك

الحب حرام هيك حكولنا بالمدرسه

بالعكس لازم انا اكون أصغر من زوجتي منشان تتساوى عقولنا مع بعض . بمعنى اخر انه المرأة معروفة انه عقلها قليل فايش حال لما تكون أصغر مني فلذلك لازم أخذ وحدة أكبر مني منشان يكون عقلها قريب لعقلي ومع ذلك يادوب .

ياريت تحكي هالحكي للشباب بس شكلك ........بتحرمي الحب عالبنت بشدة وبتحلليه للشب بشدة هههه

تاتعرف تعلق تعليق سليم بعدين تعال علق

انتي بالمدرسة ولااااااابالجامعة ولا بتشتغلوا؟ واهلك بس هاي هي مشكلتهم العمر؟واهله موافقين عليكي ولا بدوا يقنعهم لسا خافي ربنا باهلك ولا تبهدليهم

لا اعتقد اهلك سيرفضوه لانه اصغر منك ولكن ربما الرفض لاسباب اخرى انت تعلمينها

مادام انه الحب والتعلق موجودين خلص أنا بحكيلك صدقيني غير يوافقوا بعدين مش كاينة مشكلة انه يكون أصغر منك دوري عأشياء تانية بعدين احكمي عالشب .

الله يهونها عليكي وما تخافي لانو ازا كان من نصيبك والله لتاخدي غصب عن الجميع وان شالله يكون من نصيبك .... واسمعي الشي الايجابي بخصوص هاد الموضوع ....

كتير في قصص متل قصتك بالزبط بتلاقي الشب أصغر من البنت بسنتين وتلات وعادي بيتزوجوا وبخلفوا وماشالله عليهم . وقت مايتقدملك استخيري انت وأهلك وتوكلوا عألله .

انا ما بحكي مع شباب لأنهم مو كويسين لأنهم نوتي روح يا زلمه انت الثاني قال حب وعشق وكلام خراريف بتضحكو فيه على حالكو وأزا شفتو بنت أحلى بتصيرو تحبو غيرها يعني انا مين بدو يحبني مثلا وانا عندي مناخير مثل نقار الخشب انا معقده لهيك بحرمو عالبنات الحلوين بغار ههههههع

عادي يا اختي انا زوجتي اكبر مني ..... وين المشكله .....

أنا مشكلتي انه أهلي وأهله رافضين يزوجونا لبعض

اخيتي ...رسالتك مختصرة جدا ولو ذكرت بعض المعلومات عنك وعنه من ذكر السن مثلا طبيعة العمل والوضع المادي لكان افضل ....وبخصوص الحب الذي بينكما..اسال الله ان لا يكون فيه اي مخالفات شرعية (من لقاءات ومكالمات وهمسات و....و....)لان حب مثل هذا حب يعاقب عليه الإنسان والواقع والمشاهد من مثل هذه المحبة ان من احب بغير شرع الله عوقب به..سواء بالحرمان من ان يجتمعا وإن اجتمعا على اغلب الأحوال يختلفا ويتفرقا ولو بعد حين...إلا من رحم ربي....والقصص في ذلك كثيرة ....وإن كان حبك شريف طاهر...لا يتخلله ما يغضب الرب...اسأله تعالى ان يجمع بينكما على خير...وبخصوص مشكلتك وبماذا ننصحك:1.بداية لا بد لك ان تتوبي من اي مخالفات شرعية حصلت في محبتك لهذا الشاب..وتستغفري الله وتدعيه ان يكتب لك الخير في هذه المحبة...2.لا بد لك ايضا ان تعلمي ان من مقومات اختيار الفتاة لشريك حياتها ان يكون صاحب دين وعلى خلق..لذلك لا بد ان تتوفر هذه الصفات بحبيبك حتى تكون عونا لك على اقناع اهلك...3.قبل ان تطلبي من الشاب بالطرق الشرعية ان يتقدم لخطبتك تحاولي قدر المستطاع ان تسمعي اهلك محاضرة للشيخ خالد الراشد اسمها(زوجوا الشباب)وقد تجديها تحت اسم (رغبات البنات)تضعيها مثلا في السيارة...فهذه المحاضرة كفيلة ان تهيأ اهلك لتقبل فكرة زواجك سواء من شاب اصغر منك او اكبر منك...4.ابحثي من بين اخوتك على من يتصف بالحكمة والعقل وصارحيه بمحبتك..ليكون عونا لك على اقناع اهلك...وإن لم تجدي تصارحي والدتك بالموضوع وتبيني لها مدى اقتناعك بهذا الشاب...5.مهما كانت ردة فعل والدتك تطلبي من الشاب ان يتقدم لخطبتك بشكل رسمي...مع كثرة الإستغفار والدعاء....وبناءا على ذلك يتم التصرف وحسب ردة فعل والدك:إن وافق كان خير وحصلت على ما تريدين...وإن كان رده الرفض تبحثوا على من له تأثير على والدك من عم او جد او صديق...وإلا يبحث الشاب عن اي (واسطة) اناس لها قيمة ومكانة عند والدك...ويجعلهم يطلبوك له...(واقول هذا الكلام من واقع حصل ..اب رفض تزويج ابنته ممن تحب ورفضه اكثر من مرة واخر مرة احضر الشاب بعض وجهاء العشائر الذين لهم مكانة عند اب الفتاة وعندها وافق وتزوجا)6.إن باءت جميع الوسائل بالفشل ما عليك إلا بالدعاء وكثرة الإستغفار...واعلمي ان الأهل قد يكون لهم نظرة معينة في تزويجك وهم لا يريدون إلا مصلحتك اولا وآخرا فكوني مع اهلك واقبلي بردة فعلهم...الله اسأل ان كان هذا الشاب يصلح ان يكون زوجا صالحا لك ويكرمك ولا يهينك ويكون عونا لك على امور دينك ودنياك ان يجمع بينكما على خير وان يرقق قلب اهلك عليك وان يعجل في زواجكما...محب فلا تلوموني

ماااا أروعك

من تجربتي .. العمر لا يشكل عائق امام الحب الحقيقي ..

فعمري 28 سنة تزوجت من فارسة احلامي و عمرها 42 سنة و لها من الاولاد 4 ..

فخبرتها و حكمتها تعني لي الكثير ..واولادها هم اولادي

للاسف نحن نعيش في مجتمع لا يرحم ورغم ذلك دائما نستشهد باشرف الخلق سيدنا محمد عليه افضل الصلاة والسلام وزواجه من السيدة خديجة رضي الله عنها والتي تكبره ب15 عاما وكانت له نعم الزوجة ونعم رفيقة الدرب
انا اؤمن ان الحب الحقيقي يتجاوز كل الامور مهما كانت فقط اذا كان صادقا ونابعا من القلب ولي صديقة زوجها يصغرها ب16 عاما وامورهما على افضل حال
كما ان احد زملائي في العمل ويصغرني بنفس الفترة تقريبا يحبني كثيرا ويرغب بالزواج مني ولكن خوفي من المستقبل ومن السنة الناس يمنعني ويشعرني بخوف كبير رغم قناعتي به وبنضوجه فهو شخص ناضج ويحبني كثيرا
اسال الله ان يريح قلبي وقلبك ......دعية يتقدم لك ودافعي عن حبك بكل قوتك فالحب الحقيق لا يأتي سوى مرة واحدة في العمر فلا تدعيه يذهب وتتجرعي الحسرة لباقي عمرك
وفي النهاية.....ارادة الله هي من سيحكم في هذا الامر

طيب انا بحب واحد وهو بحبني بس صاحبو بحبني بس وانا محتارة مين أحب انا بدي مساعدة

بنصحك لا تحبي واحد اصغر منك بدي اسأل سؤال انا بحب واحد وهو بحبني وانا كتير بحبو بس المشكلة انو صاحبو بحبني وانا ما بحبو شو أعمل