ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

دخلكما ===750=== انصحك بان تستاجري حتى ب 200 وابعدي وريحي راسك

ادخلي عالسوق المفتوح وحطي رقم 150 بالبحث واضغطى اانتر راح يبينلك كل اشي نازل بسعر 150 كل كل اشي وهيك حطي السعر اللي بدك

انا بعتقد انه السكنه في بيت الاهل بجيب وجعه الراس فاذا من اللممكن تطلعو وتخدو بيت لحالكم افضل لو غالي شوي بس بترحو حالكم وبالنسبه للذهب هو اذا حاب يشتري وحاسب حساب ليش تتنازلي هادا حقك هو ما في تقليل من القيمه الشخصيه بس هادا حقك بس تقدري اذا شفتيه مزنوقً انك تخففي عليه وربنايوفقك

مابنصحك تسكني معاهم حتى لو الك غرفه منفصله انا عشت هادي التجربه وكان الي شقه صغيره منفصله وماصدقت اطلعت

من عندهم ، السكن من بيت حماكي كتير بعملك مشاكل وجوزك راح يضل ملزق عندهم

اسكني عنده بالمحل بتوفروا اجار الشقه والمواصلات وبتصيروا تشتغلوا كثير وتطلعوا مصاري كثير خخخخخهههههههههه سنحك على هالموضوع

الزواج مش مزحة انا بقترح انك تتركيه وتستني بلكي ربك بعتلك ابن حلال معو مصاري , وانا بحكي جد مش مزح انا حبيت انسانة وتزوجتها وعندي منها ولدين بس المشكة انو انا حاسس حالي مقصر معها لانو وضعي المادي صعب وهو لو بفهم ما بتجوز بدون مايكون عندو بيت وسيارة ودهب وانتي حرة بس اهم اشي لا تسكني عند اهلو لانو بصيرو يدخلو بكل اشي والله الموفق .

كل بدايه صعبه وكل واحد منا بتمنى يسكن بفيلا وتكون ملك والملك لله بس اذا الظروف ما ساعدت بدها شويت صبر وما بتعرفي ربك شو كاتب لعباده

أختي صحيح السكنة عند الاهل ممكن تسبب ازعاج للطرفين بس إذا كانت حل مؤقت ليش لاء؟؟ وبالنسبة للتأقلم شو المشكلة ما دامك رضيتي تتزوجي الشب ان شالله تتأقلمي مع الاهل !!بالنسبة للذهب ليش لازم تتنازلي عنه بسبب وضعه مثلا لا تتنازلي ولكن ثبتيه بالعقد واشتري ذهب تقليد بمبلغ بسيط ما بتعرفي شو بسير بالمستقبل يعني كمساعده منك لاتمام الزواج ..ما شالله عليكي الله يتمملكم على خير

حد ضل يلبس ذهب هالايام أصلا شرشحه وخلي يجيبلك ايفون 6بداله فشخره

اوعك تسكني عند اهله اياك ثم اياك

هو كل شي نصيب بالدنيا بس برضو هل كيف انك قبلتي تنخطبي بشاب هيك وضعو من الاساس؟؟ وكمان سكنة بيت الحماة مو كويسة لا الك ولا لزوجك ولا الهم خليكي بعيدة عنهم عشان ترتاحي على الاقل من وجعة الراس اللي بتكون من السكنة . اما موضوع الذهب ليش بدك تتنتازلي ومين طلب هالشي منك . الذهب حقك ولازم تثبتيه حتى لو ما جابلك هلا بس بضل حق الك ما بتضمني الايام كيف هي لانو بصراحة وضعك مو مطمئن للمستقبل وربنا يغير الاحول للاحسن

لا تتنازلي عن ذهبك ولا بأي حال من الاحول واسمعي مني هذا حقك انتي وخليه الك للمستقبل مابتعرفي كيف الايام بتدور

اختي الكريمة....تقولي انك تريدي ان تسكني عند نسايبك....لو النفوس كما كانت سابقا والله اشجعك على ذلك ولكن انت تقولي في رسالتك ومن بين السطور (ولكن اني ما رح اتأقلم)..فأنت على معرفة بالنتائج قبل حدوثها وعليه اقول لك وبناءا على نفسيتك نصيحتي لا تسكني عند نسايبك...وحتى تكوني على اطلاع ببعض الأمور..انا الآن اقوم بإصلاح ما بين زوج وزوجته وسبب الخلافات بينهما هم اهل الزوج وبالأخص الأم....حيث انها تدعي كذبا على زوجة ابنها...وتسبب لأبنها المشاكل..والآن الزوج في حيرة من امره ما بين امه وابيه وما بين زوجته وأولاده هذا وهم ليس يعيشون في بيت واحد بل في بيت منفصل وبعيد قليلا عن بيت اهله...فأنا انصح بمحاولة ايجاد بيت صغير ولو بأجار 150 دينار فابحثي واطيلي عملية البحث حتى تجدي...تستطيعي ان تستعيني بموقع السوق المفتوح فهو يوفر عليك عملية البحث ..فقط حددي منطقتك وابحثي فيها وستجدي إن شاء الله....الله اسأل ان يبارك لك في خطبتك ويرزقك حسن التصرف ويعجل في زواجك...اللهم دبر لها فإنها لا تحسن التدبير....محب فلا تلوموني

عزيزتي موضوعك جميل ويستحق من الجميع التفكير وطرح الحلول المناسبه لان جميع شبابنا بكلا الجنسين بعانوا من هاي المشكله في سواء المقبلين على الزواج او الي ساكنين مشترك لكن اسألك سؤال هل الزواج ستره ام فضيحه انت جاوبي اذا كان الجواب ستره هون اتفقنا فشو المانع انك تسكني مشترك وتحبي اهل زوجك وتتعايشي معهم وتصبري على نفسك شوي حتى الامور تتحسن وشاطري ومن ثم ابني فيلا وسكني فيها الان مشكلة الشباب بدهم كلشي على الجاهز لازم تعيشوا الواقع وتنهضوا من احلام اليقظة وترجموها لواقع الحياه الزوجيه ليس كلام انشاء على الورق بل هي جهاد في هذا الوقت من حياه الشباب حتى يستطيعوا ان يتزوجوا ويفتحوا بيت اعود للسكن في بيت حماك اذا كنت انت وخطيبك متفاهمين وبدكوا الستره طبيعي جدا ان يكون هناك بعض المناكفات بينك وبينهم لكن اذا استوعبتيهم وبعد ما تغلقي بابك انت وزوجك يجب ان تتركوا هذه المناكفات خارج الباب وما تدخل معاكوا بمعنى اسمعوا من هون وطيروا من هون بمعنى المشاكل هي شكل ابليس والشيطان وما حدا بحب الشيطان يدخل بيته وينغص عليه عيشته بالتالي بتعيشوا سعداء ولاصل ايضا يكون الكوا خصوصيه انت وزوجك .... لكن اقول لو عكسنا الموضوع وكان السكن عند اهلك انت هل صحيح انه ما رايح يكون مشاكل ؟؟؟؟؟؟؟؟؟؟؟؟؟؟ اذا هذه الامور طبيعيه في حياتنا لكن العاقل هو من يتفاداها ويرميها خلفه وينظر للامام والمستقبل المشرق اذا الحياه بدها صبر والاستعانه بالله سبحانه وتعالى وكل بيت فيه وما بخلا من المشاكل والناس عايشه ومبسوطه وفيما يخص الذهب مش كثير رح اعلق عليه لانه انت وزوجك اهم منه لكن يبقى حق لك الموضوع بمعنى اصح ليس تنازل هذا حقي شرعي لك وبامكانك تسجيله في العقد ويبقى دينا في ذمته امام الله وامام الناس وحتى قيام الساعه في نهاية حديثي اقول ارجعوا الى الله وصلوا وادعوا وداوموا على الصلاه لانها مفتاح القلوب والجسر الذي يقربنا الى الله والذي يوفقنا في كل خطوه بنخطوها ونجسد كلام الله تعالى والذي يقول فيه (( ومن انفسكم ان خلق لكم من انفسكم ازواجا لتسكنوا اليها وجعل بينكم مودة ورحمه.....)) اذا اسالوا انفسكم اين الموده اين الرحمه اين الحب اذي تتغننون به بحبني وبحبوا وبعد شهرين او اقل او اكثر بقليل لاقينا في المحكمه اتقوا الله في انفسكم ولا تجعلوا للشيطان سبيلا الى عقولكم وانفسكم وبيوتكم وطعامكم ....
واخير اتمنى لك الخير ولجميع الشباب والصبايا التوفيق في اختيارهم وهدانا وهداكم الله سبيل الرشاد

اختي الكريمة, لا تسكني عند اهلوا الله بعينكم على الايجار لو كان غالي اهم اشي راحة البال و شو ما كان اهلوا منيحين رح يصير مشاكل و تاثر عليكي و على جوزك و بالنسبة للذهب لا تتخلي عنه لانه هو الضمان الك و خبيه معك اذا احتجتم الى مصاري بيعي منه على قد حاجتكم و الله الموفق

بارك الله فيكي إجابتك واقعية ورائعة اللهم اجعله في ميزان حسناتها

انا بنصحك اختي تستمري بالبحث عن بيت مستقل بغض النظر عن طيب او سوء العلاقة الي بعدها مش مبينه بينك و بين اهل خطيبك بس بشكل عام كوني مستقلة انتي و زوجك احسنلك و اريحلك و رح تكوني انتي سعيدة و بنفس الوقت رح تكون علاقتك ببيت حماكي افضل و كمان علاقتك بزوجك رح تكون مريحة اكتر

الايجارات وما ادراكي ما الايجارات اختي الكريمه انصحك لوجه الله تعالى وباختصار تتحملي وتصبري ورتبي امورك على السكن عند اهله الان انت بتفكري بالوساع انك تسكني بالايجار وتدفعي ايجار لكن اسلي مجرب الايجار .... الايجارات مصيبه .... فوفري الايجارات واثثي فيها بيتك واشتري كل ما يلزمك لان بداية الزواج بكون في نواقص كثيره وبكون الزوج الله اعلم شو وضعه المادي والفرصه الان متاحه تسكني عند اهله والسكن جاهز لكن غدا ما بتعرفي شو بصير.. وخاصه لما بصير عندكم اطفال .. ومصاريف المولود الجديد وتبعاته .... وكونكوا الاثنين بتشتغلوا وين بدكو تحطوا اطفالكوا اذن انت بحاجه ماسه لاهلوا واهلك ايضا تالفوا وتراحموا افضل وفكري بموضوعيه اكثر واذا بدك تشوفي الامور على حقيقتها شوفي الازواج الي الاثنين بشتغلوا واطلعي على ظروفهم واحكمي بنفسك الكل بعاني والكل بشكي من متطلبات الحياه ....اتمنى لك التوفيق

يسعد اوقاتك... معك حق

اختي افضل اللك تسكني في منزل لوحدك
افضل حتى لو كنتي بتحبي دار عمك
الاستقلالية افضل وبعدي عن المشاكل من هلاء اريح لك ما بتعرفي طبيعة الانسان الا لمن تعرفيه مزبوط بلاش بكرى تصير مشاكل وقصص ع اسباب تافهه ...
ربي يسر امورك ....

اذا من الان مش مقدرة وضعو المادي متى بدك تقدري ليش هم اهله ...... وانت احسن منهم
الكماليات دبحت الشباب ...... دين ربى من البنك ... ثم مشاكل ثم طلاق

مرورا بكل ما شاهدت في حياتي ,,, اسكني لحالك لو في مغاره وما تسكني مع اهل الزوج لو كانت امي نفسها بتتغير بس تشوف زوجة ابنها والاهتمام المتحول من الام الى الزوجه ,,, وبتولع المشاكل لا انتي بترتاحي ولا امه بترتاح وبالاخر رح تهربي ,,, طولي بالك ع شو متصربعه صار لك خاطبه شهر ,,,

نصيحتي لا تسكني احسن اختصار للمشاكل حتى لو كانوا مناح و لتعليق ٥ ليشذاقرأ الموضوع

والله انا ساكنة بنفس عمارة دار حماي و راهنت الكل قبل ما اتجوز اني رح انبسط وما رح يدايقوني و خسرت الرهان .. اوعك تسكني عندهم مهما كان التمن.. نفسي ابيع اواعيي مشان اطلع من عندهم ..

اياك اياك اياك لانك رايحة تتغلبي طول عمرك والله لو حماتك خالتك وسكنتي قريبة منها والله لتفرجيكي نجوم الظهر ,ورايحة تتدخل بطلعتك وفوتك واهلك وعزومتك واولادك ووووووووووووووو اياك اياك اياك اسألي مجرب وبحب اقولك والله شو ما ساويتي ما حدا عاجبو

نصيحه انا مجربه استمري بالبحث

كانت تجربتي في هذا الموضوع مريرة عانيت منها 53 سنه لاني غلطت وسكنت زوجتي مع اهلي انجنت امي وابوي طاوعها وتبهدلنا
اياك اياك اياكي تغلطوا زينا رح تندموا كثيرا يوم لا ينفع الندم

لا تسكني عندهم مهما كانت الظروف

دار الحما عمرهم ما بسيرو اهل لو انهم ملائكه خليكي بعيدة بتشتري راحه بالك بس لو كان ممكن يامنوكي بشقه منفصله بعدين خديها

وعسى أن تكرهوا شيئا وهو خير لكم انتي وزوجك اولى فيهم 200 دينار بعدين يمكن اهله يطلعوا كويسين وما بتدخلوا بحياتك انتي وزوجك
جربي وما بتخسري لو سكنتي مده بسيطه حتى تشوفي كيف الوضع

اختي نصيحة الك لاتسكني عند دار حماكي

لانه مهما كانوا اهل الزوج فيهم خير صدقا الا ما يكون فيه تدخلات ...وتاثير على الزوج اكثر

فاصبري ولا تستعجلي بقرارك وادعي ربنا يسخر الك راحة البال وتلاقي بيت مناسب الكم

وبالنسبة للذهب لا تتنازلي فيه كامل وبعدين يمكن تندمي بعد الزواج لازم تفكري بعقلانية اكتر لانه شكلك طيبه كتييييير ولكن مش غلط انك تراعيه بتقليل الذهب او مراعاته بامور اخرى مكمله للزواج

انا مو مع سكنة الكنة مع دار الحماه احكيلك حتى لو كنت ساكنة عند اهلك مش راح ترتاحي بس مع هيك بحكيلك استخير ربك وربنا راح يخترلك الافضل

يا جماعة وقفوا هالهجمة على اهل الزوج الناس مبين وضعهم ووضع ابنهم متواضع جدا من رسالتها وهم ما قدروا يقدموا لابنهم الا هالحل اللي كمان رح يضيق عليهم ... بعدين هي اللي مبين وضعها كويس اذا هي اللي رح تحدد شو بدها والشب مسكين مش معارض على كل حال جربي السكنة واذا ماعجبك السكنة عندهم ارحلي وكلنا هيك عملنا

السكن عند الاهل له مزايا ايجابيه كثيره . بالتوفيق

اختي الكريمة, لا تسكني عند اهلوا الله بعينكم على الايجار لو كان غالي اهم اشي راحة البال و شو ما كان اهلوا منيحين رح يصير مشاكل و تاثر عليكي و على جوزك

انصحك لا تسكني عن بيت الحماه

اذا كان اهل الخطيب مناح وبحبو الخير اسكني عندهم

انا سكنت جنبهم وقرفتهم , انسي اسكني بغيد ولحالك اسلم

لاااااااااااا تتنازلي عن الذهب بترخصي بعينهم حكمي عقلك مش قلبك

اسمعي الدهب لا تتنازلي عنه لانه هاد زمن وما بتعرفي شو مخبيلك وبالنسبه لدار عمك اسكني عندهم موقت لحد ما الله يفرجها وبجوز يطلعوا كويسين وبالاخر القرار برجعلك انتي حره

الى تعليق شو بدها بالايفون بكره بخرب والدهب ما بخرب وبفيدها بالمسقبل