ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

تعتذر " سرايا " عن نشر أي تعليق يحتوي أسماء داخل التعليق أو عناوين أو هواتف أو إيميلات .

كما ونرجو من الإخوة المعلقين احترام جميع المعلقين وعدم انتحال الشخصيات الأخرى وعدم تجريح أصحاب المشكلات المطروحة حفاظاً على الهدف من فتح باب التعليقات.

هم اهلك المفروض خبروك قبل مايخبروهم لكن انا لو كنت مكانك كان رضيت بقدري وخطبتها يكفي انها بتقربلي وجارتي كمان ولو ماكانت مناسبة كان اهلك مابيتصرفوا هالتصرف. خذها وطاوعني لانك لو ما أخذتها رح تجرحها ورح تتسائل وتحكي انا شو ناقصني تامنه مابدياني. ربي يحفظك

الاقربون اولى بالمعروف خذ وحدة بتقربلك اشرفلك من 100 غريبة

خذ وحدة قريبة وبتعرفها اشرفلك ب600 مرة من الغريبة لانه معظم حالات الطلاق لانهم الناس مابيعرفوا بعض لا بالطباع ولا العادات ولا التقاليد فأحسن شي الواحد ياخذ قريبة اله ومع الزمن العلاقات رح تتوطد

تفكير اهلك ما زال قبل العهد العثماني ولا علاقة للسعادة الزوجية بقرابة او غيرها فقد تسعد مع فتاة لاتمت لك بصلة قرابة وقد تشقى مع اقرب الناس لك فقد تكون واحدة غريبة افضل من 900 قريبة والاقربون اولى بالمعروف والتصدق عليهم ان كانوا فقراء وهم ليسو الاولى بالزواج وتغريب النكاح الافضل واتصل مع عمك وكن لبقا في حديثك معه حتى تخرج انت واهلك باقل الخسائر وتنهي هذه الدراما التي وضعك اهلوك في اتونها

الاقربون اولى بان تحسن عليهم ان كانوا محتاجين وليس هم الاولى للزواج منهم ومعظم حلات الطلاق في مجتمعنا الاردني بسبب زاج الاقارب ومعظم المشاكل صارت بعد الزواج وكم من اخ = الان = مقاطع اخاه وكم من اخت انتهت العلاقة بينهما بعد الزواج ومشكلاته وديننا الحنيف والعلم الحديث ==كلاهما== يشجعان على تغريب النكاح

انا مع 2 + 3 +4

أنا مش مع 3+ 4 اختي متزوجة ابن عمها وهو ابن خالتها شايفة الويل وانا متزوجة من شاب لا يمت لي بصلة قرابة وانا من اسعد النساء معه واعرف عشرات الحالات نفس الشيء ابعد تنحب ابعد تنحب

لا المفروض تتزوج من انسانه ترغب بها لحتى ما تظلمها ولا تظلم حالك والزواج لازم يكون فيه رغبه انا انصحك تقنع اهلك انها لا تناسبك والله يوفقك بحياتك

لازم تعرف انو هاااد قرار حياة وماحدا بالعالم شو ماكانت صفته يجبرك بغير اللي بدك اياه ............احكي رأيك وبكل شجاعة حتى لو رح تصير مشاااكل اخرها تنحل المشاكل ..بس ما تجازف بحياتك عشان ترضي غيرك ...صدقني ما حدا بيستاهل

يا ريتني ضليت عند ابوي ولا تزوجت لا ابن عمي ولا غيره ... نصيحة وحده لوجه الله حتى لو ما في مشاكل هلأ بكره رح يصير مشاكل والاخوان ما رح يحكو مع بعض ولا اولاد العم غير تعب البال والهم والنكد .... تزوج من غير اقاربك .هذا لا يعني ان بنت عمك سيئه لكن اذا بدك ترتاااااااح تزوج انسانه مقتنع بها لكن لا تمت لك بصلة قرابه

انت حر باختيارك واذا انت ما بدك بنت عمك وما بتكن الها باي مشاعر نصيحتي لا ترضى وتسكت علا هاالوضع الزواج مو لعبه وهي يو م ولا يومين وبدون زعل ليش يزعلو الاهل اذا روحت الاردن وصارو يحكو معك بالموضوع ااطلب انك تقعد مع البنت لحالها وفهمها انه انت بتحبها كاخت مش اكتر وانك ما بتكن الها اي مشاعر تانيه واللبيب من الاشاره يفهم هي مش رح ترضى علا حالها تتزوجك وما رح يزعل عمك علا ابوك وخلص المهم حياتك انت تعملها متل ما بدك انت مش متل ما بدهم اهلك

صراحة مش حلوة بحق بنت عمك انها تسمع خبر حلو وبعدين تكتشف انه كذب توكل عألله واخطبها بعد الاستخارة طبعا

بنصحك ماتتسرع وترفضها ممكن تكون خير الك

نيالكم يالشباب انتوا بتتزوجوا البنت يلي بدكم
إياها اما نحنا يالبنات مابنعرف وين الله حاطنا وقت الخطوبة المفاجئة.

(....) بكل بساطه لاتنزل ع الاردن

بصراحة خواتي ماخدات قرايبي الا انا متزوجة واحد غريب وماشالله عليهم جيزان خواتي بظلهم يصلوا رحمهم ومابيعملوا مشاكل مع اهلي خاصة انا بنعرف طباعهم من زمان لكن المشكلة بزوجي لانه غريب ومابنعرف عنهم شي فأنا بوجه نداء لكل بنت بدها تخطب لازم تخطب قريبها .

انا بنصحك تعمل الفحوصات اللازمة لما قبل الزواج لانكم اقارب وان توافقت اعطيها فرصة للبنت يمكن هي كمان ما بدها اياك واطلب منها تصلي الاستخارة وبالاخر كل شي نصيب

صاحبة تعليق 15

صلي ع نبي وقولي ما شاء الله مش ناقصنا احنا

اخي الكريم ...قرار الزواج من القرارات الحاسمة في الحياة والتي تحتاج لدراسة وبحث وتثقيف واستعداد تام لمثل هذا المشروع العظيم والذي وصف بالميثاق الغليظ...وذلك لعظمته..ووصف بالرباط المقدس ...لذلك فالقرار بالدرجة الأولى لك....فأقول..عند رجوعك من سفرك تجلس مع اهلك وتبين لهم مشاعرك اتجاه قريبتك...ولتفادي الموقف وخوفا من الزعل بين العائلتين...تطلب الجلوس مع قريبتك جلسة الخطوبة..وتتحدث معها وبعد ذلك تفصح لها عن مشاعرك اتجاهها ومدى احترامك لها وتقول ان اهلك يحبوك وانا احترمك ولكن بموضوع مثل موضوع الزواج شرع لنا الإسلام صلاة الإستخارة ...فتقول لها لا اجد اي مشاعر اتجاهك كزوجة...فتبين لها ذلك..وتتفقان انتما الإثنين على طريقة للخروج من هذه الحالة دون حدوث اي زعل بين العائلتين...والله الموفق...الله اسأل ان يرزقك الزوجة الصالحة التقية الأبية الولود الودود التي تسرك إذا نظرت إليها وتطيعك إذا امرتها وتحفظ مالك وعرضك إذا غبت عنها...اللهم عجل في زواجه....محب فلا تلوموني

صلى استخارة وتوكل على الله عسى أن تكرهوا شئ وهو خير لكم

انا لست مع زواج الاقارب ابعد تحلى لقول الرسول صلى الله عليه وسلم غربوا النكاح لانو ما بتخلى الحياه من مشاكل وخصوصا بين الاقارب رح تنعكس مشاكلكم على الاهل وبيت عمك احكي لاهلك مو مفكر بالزواج الان بطريقه دبلوماسيه بسبب ظروف العمل تحجج ي اخي حتى لاتسبب حرج لاهلك وبيت عمك والله يوفقك

ارحل من ألحاره

بكرة اولادك بطلعوا معاقين او نسبة ذكائهم قليلة جدا هاي احسن حجة تقدها لاهلك

احسن شي زواج الاقارب لانه العلاقات بتتوطد اكتر وانا مجرب هلشي .

أخي اللي صار معك نفس اللي صار معي بس أبن عمي هو اللي خطبني بس انا رفضته لانه بكل بساطه ما بحبه ولا عمري فكرت اني اتزوجه ..بس رفضته وأنتهى الموضوع.
بس أنت موضوعك ما بصير اللي عملوه أهلك وتصرف غلط 100%
الزواج حياه أبديه مع شريك العمر وصعب يكون بالطريقه هاي
لازم تحكيلهم ما بدي اياها وحتى لو عرفت ..يعني ما بصير تضحي بسعادتك عشان ما تجرح بنت عمك !!

أنا مثلك أخي، أهلي يريدون تزويجي بإبنه خالتي .. وهي إنسانة محترمة ومتدينة وجميلة أيضاً .. ولكن المشكلة الكبرى أنني لا أكن لها أي مشاعر إطلاقاً، لا أعرف ما السبب.!
طبعاً أخوها صديقي الصدوق منذ الصغر، وكنت أذهب لبيتهم وأنام معهم بالأيام والأسابيع ..

أكثر ما يفطر قلبي أنّها يتيمة، فقد توفى أباها وهي في سن الرابعة فقط، الآن أنا محتار .. أبي يريد تزويجها لي من ناحية، وأمّها هي من ناحية لأنها تلمّح لي كثيراً أنها تريدني لبنتها الصغيرة.

والمشكلة الأخرى زواج الأقارب وما يأتي به من أمراض ونسبة تشوهات كبيرة للأبناء.

البنـت متكاملـة الصراحـة، ولكن ما باليد حيلـة، سأبقى أتهرب حتى يأتي شخص آخر ويخطبها، وسأماطل حتى لا تحدث مشاكل في العائلة، ولحسن حظي فأهلي لم يتحدثوا مع أهلها بعد ..

والحمد لله على كل حال.

أصبحنا في القرن الواحد والعشرين ومازال البعض يشجع على زواج الأقارب وبنت العم وبنت الخال حتى وإن كنت لا تحبها ولا تريدها !! يا أخي انقرضوا