ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

تعتذر " سرايا " عن نشر أي تعليق يحتوي أسماء داخل التعليق أو عناوين أو هواتف أو إيميلات .

كما ونرجو من الإخوة المعلقين احترام جميع المعلقين وعدم انتحال الشخصيات الأخرى وعدم تجريح أصحاب المشكلات المطروحة حفاظاً على الهدف من فتح باب التعليقات.

هاد زواج حط الحب والحكي الفاضي ع جنب ...... بدك تدور ع نصك التاني الي تقدر تعيش معك ومع اهلك والشي الي رح تسكت عنو اليوم رح يطلعلك بكرااااا

بصراحة زوجتك معها حق بالزات انها جاية من مكان كويس لعيشة ادنى بالذات شغلة العادات والتقاليد بصراحة اهل المدن بعاداتهم وتقاليدهم احلا وارقى ومنطقية اكتر من اهل القرى. ربي يصلحكم ويخفف عنكم

والله انه كلامك مزبوط عادات اهل المدن اكتر منطقية ولو بدنا نيجي للصح اهل المدينة ملتزمين بالدين اكتر من القرى3

"سيبك من قلة العقل وكزدر معي شوي" جمله بحكوها قرويه امثالي وامثالك لذلك صديقي سيبك منها وفكك من الحب الي ما بستمر وشوفلك بنت من قريتك تفهمك وتفهمها وتحطش حالك بمواقف انته بلغنى عنها بين قرايبك واهلك . غيرك جرب وعمل مثل هيك وفشل بلعربي ما بتزبط .

اترك جميع المثاليات والكلام الفارغ والرومنسيات الكاذبة في فترة التمثيل على بعض ... نصيحة لوجة الله سوف تندم انت وهي وسوف تصتدم بواقع مرير فالافضل لك ولها ان يذهب كل في طريق لانة لن يكون هناك انسجام مهما طال الزمن .

عزيزي
بما انو كانت فكرة النفصال عن بعض فكرتها ورأيها هذا دليل انها مو مستعدة تتقبلك متل ما انت وانت مو قادر تتقبلها متل ما هي
والاحسن الكم انو كل واحد ديروح بطريق
هلا انت بتشوف هاي الفروقات بسيطة وممكن تتنازلو بس بكرة ما حد فيكم راح يتنازل

خطيبتك مواليد سويسرا شي

احسن اشي انك تتطبع على طبايع ها لانه عادات وتقاليد اهل القرى افضل بكتير

بصراحة عادات وتقاليد المدن احسن من عاداتنا وتقاليدنا.

الى تعليق رقم 3\4 يكفي ان اهل القريه متمسكين في عاداتهم وتقاليدهم وعندهم تكافل اجتماعي وترابط اسري لكن في المدينه العس تماما الجار مايعرف جاره والاخ ما يعرف اخوه على ايش عادات المدينه احلا البنات دايرات في الشوارع على حل شعرهن

يبدو من رسالتك ان خطيبتك تحبك كثيرا لأنها قدمت لك كثير من التنازلات مثل اقامةالعرس بالقرية وتفكيرها بلبس الحجاب .....وهي من الأمور التي يصعب على الفتاة التي تعودت على بيئة معينة وظروف معينة ان تتقبل بها....ولولا محبتها لك ما ناقشت مثل هذه المواضيع اصلا معك....انصحك...بالجلوس معها وتحديد كل الأمور بينكما ولا بد لك ان تكون صريح معها فيما تتفقان عليه...خاصة مثل موضوع عملها وموضوع لباسها وحجابها..وموضوع مكان السكن ...كما وانصحك بالدخول عليها بموضوع اللباس من الناحية الدينية ومن ناحية انك تغار عليها...ولا تحب ان تسمع احدا يتحدث عنها بسوء....واعلم ان مشاعر مثل هذه المشاعر تنتاب كثير من الفتيات وكثير من الشبان الخاطبين فهو والله من الشيطان لأن هدفه الرئيسي عدم اتمام الزواج وإن تم يسعى لإفساده...لذلك حصن نفسك وخطيبتك من الشيطان......الله اسأل ان يتمم زواجكما على خير ويصرف عنكما الشيطان وكيده...محب فلا تلوموني

حراممم!!تتركها اذا بتحبها لانو انا بنت قروية اذا حبني واحد من المدن رح يتقبلني مثل ما انا فما بالكو العكس ‎;-(;-(‎اذا بتحبوا بعض ما تتركها !!!رح تتغير مع الرمن

يا اخي شو بدك بالعرس العربي تبع القرى المناسف وهالشغلا ت روح شو حياتك احجز بصاله مرتبه محترمه ترفع الراس واعزم اهلكو وقرايبكو احلا واوجه من العرس القروي والله الحق معها انها ما تقبل وانا شخصيا معها وشغله الحجاب بتيجي شوي شوي بالكلام الحلو وبمدى حبها الك وان شالله الله يوفقكو ويجمع بينكم بس المهم ادرس موضوع العرس هاي فرحه مره بالعمر وحاب تعمل عرس عربي اعمل اول يوم بصاله وخدها عندك وتاني يوم عزايم المناسف في كتير ناس بتعمل هيك مع تمنياتي لك بالتوفيق

ازا انتوا التنين بتحبوا بعض وانتوا التنين اخلاقكم منيحة وقلبكم طيب
فكملوا مع بعض بشرط الاحترام المتبادل
وخطيبتك لازم تلبس الحجاب لانه هدا رضا لله تعالى
وعشان حبكم يستمر تحابا في الله واعينوا بعض عالخير وعلى حب الله والرسول عليه افضل الصلاة واتم التسليم وبتكونوا سعداء بإذنه

نصحية لوجه الله تعالى كل واحد يروح بطريقة لان امور الحب كلها بتروح عند اول اسبوع بس تبلش المشاكل بينكم بسبب اختلاف البيئات بينكم

وانا عانيت و ما زلت اعاني والله يفرجها عليك و علي

عالاقل عاداتنا منطقية وعادلة يعني القرى بشددوا كتيييير عالبنت وبرخوا الحبل عالشباب كتيييير وبيعملوا حالهم محافظين عبناتهم وملتزمين بالدين رغم انه المنطق مبين يعني لو انهم فعلا محافظين كان مابيسمحوا للشباب يعاكسوا بنات الناس ويتحركشوا فيهم او يحاولوا يضحكوا عبنات الناس يعني انا بحكي لو انه التشدديد والتعييب عالشباب والبنات بكون استر وافضل بكتييييير من انه يكون عالبنت لحالها لانه هيك بكون اسمه ظلم . احنا اهل المدن الحمد لله عادلين وبنفس الوقت محافظين ومنطقيين مش متشددين .

معني انا بنت مدينه بس ما بلائي متل اهل القرى ما في منهم وعندهم دين واخلاق وزلوميه يعني مو زي شباب المدينه وبعدين بما انكو بتحبو بعض لازم ما يمكون عندكم تحسس من ئصه انك قروي وهي من المدنيه جميع ناس خير وبركه

مش شرط . الدين الحقيقي عندنا يا اهل المدن اكتر من اهل القرى يكفي اننا مابنروح عجاراتنا لحتى نستغيب بجاراتنا التانيات ونضيع كل حسناتنا يلي جمعناهم باليوم . الله يهدي الجميع

انا مع تعليق ٨

الموضوع ما بدو كل التعقيد طالما انتم اخترتم بعض عن طريق الحب فلا يوجد اي مشكله ولا تتشدد بموظوع القريه ... والله يوفقكم

يا خوان اهم شي في زواج رضا الله تعالى وعلى ما اعتقد ان الحجاب فرض من فروض الله تعالى وبكفي فلسفه زايده وبالعكس اهل القرى معروفين بالحفاظ على عاداتهم وتقاليدهم وشرف لك بنت انت توخذ قروي بكفي ان عنده شهامه وعزه نفس مو زي بعض شباب طنطات وما يعرفو شي عن المسوليه شي

الحب لا يمنعه قرية او مدينة او اعراف او او..والمحب يتنازل عن اي شئ للحبيب وتزول الفروق بينهم...ان لم تفقوا لا تكمل مع اني لا ارى مانع سوى الحجاب فالحجاب اخي تركه معصيه لله انصحها وعلمها... وهداكم الله ويسر لكم كل خير

مين حكى انه احنا ما عنا مسؤولية او شهامة بالعكس بعدين اذا شفت واحد او اتنين مدنيين من هالنوعية لاتحكم عالكل انهم ماعندهم شهامة وكرم . يكفي عقولة بعض المعلقين لنه عنا عادات وتقاليد منطقية وعالاقل احنا بنحأفظ عبناتنا وشبابنا عحد سواء ما بنشد عالبنت وبنترك الشب يضحك عبنات الناس عكيف كيفه.

انا معك يا 24

شو هاد شو هالكلام الفاضي والله في ناس عايشين في القرية ارقى من المدينة بعيد عن الزحمة والازعاج والضياع

بعدين احنا بالاردن المدينة والقرية نفس لشى

بسم الله الرحمن الرحيم ...غريبة انتي خالدي وتنتقدين اهل القرى ؟فما بالك باهل البداوه هل هم اقل من ان تتكلمي عليهم ام العكس ..؟اولا وليعلم الجميع ان الحضاره ثقافه ويمكن اكتسابها ولا دخل لها بموضوع السكن سواء مدينه او قريه وليعلم من ايدو الخالدي ان الكثير ممن تزوجن يقروي سعيدات وكثير ممن تزوجن بمدني تعيسات والعكس صحيح ولكي تحكمي على سلوك القلرى فلابد لكي ان تتحرري من نفسك ورغباتها لانك تلاحقين شيئا ليس لكي وهو ما اشرت له ببداية كلامي ولتعلمي ان الدين مصدر الاخلاق والسلوك وليس السكن والا لما وجدنا التصرفات السيئه في ارقى الدول واعلمي ان من استشارك مخطىء فعدم قدرة الشخص على تشخيص الشخص المقابل اذى وهو سبب الخلاف والا لما كانت الخلافات موجوده فيجب ان يتحرر من السرمديه الهالكه ويصارحها بما يستطيع ان يفعل وكيف يرغب بالعيش فان وافقت فنعمت وان لم توافق بالناقص من هالقضيه فمعيار العقل والدين اكير من معايير السرمديه التالفه.......

اخي الكريم قد تجد من أهل نفس القرية و اهل بيتك من لا يتفق معك برأي معين , و لولا إختلاف الأذواق لبارت السلع .

الخير في أمتي الى يوم الدين , لم يخص الحديث أهل فئة معينة او أهل القرية او المدينة فهنالك خير بكل مكان بالعالم لكن قد يكون الخلاف بينكم ليست بالعادات و التقاليد و إنما بالتفكير و امور انت تراها مناسبه و هي عكس ذلك . فكثير من اهل المدن يتطابق تفكيرهم و عاداتهم و تقاليدهم مع اهل القرى و العكس صحيح .

بعيدا عن كل ما ذكرتة أخي التوافق بالتفكير و الإتفاق مطلوب من البداية و عليك بالجلوس معها و وضع النقاط على الحروف بعيدا عن كلمة قرية و مدينة انا اريدك على هذا الحال ان تكوني و هي تريدك ان تكون على هذا الحال و التنازلات التي تتكلم عنها إذا كانت مرهونه فقط بفترة الخطبة و الزواج فتجاوزها كلاكما أما اذا كانت ستمتد للمستقبل و سيكون الأمر عبارة عن تنازلات و انا تنازلت و انت ما تنازلت فعليكم بأخذ قرار حاسم لإنهاء
هذه بحل جذري او آسف و ادعو الله أن تكون آخر خياراتكم فلا تقدموا على خطوة لعلاقة ستكون نهايتها الفشل .

و ادعو الله من كل قلبي والله أن يكون الحل موجود و ان تنتهي هذه الامور بينكم على خير و تتم الزيجة و بأحسن الأحوال.

الدعوه من قلبي فعلا لأني ذكرت لك خيار الإنفصال في حال لم تجد حل جذري لكن كن متعقلا و ادرس الموضوع بكل النواحي عل الله يهديك الى سبيل لحل هذه الأزمة.


و بالنهايه كل الناس خير و بركه اهل مدينة او اهل قرية اتمنى ان نكون جميعا أهل خير .

مع فائق الإحترام للجميع