هل أخبر أختي أم لا ؟

15-02-2014 10:11 AM

تعديل حجم الخط:

سرايا - سرايا - انا ضليت اسمع عن الرجل يللي بيخون زوجته لحتى شفت هالشي بعيني
وبنفس الوقت حرام اظلم الكل لانه مو كل الرجال نفس الشي

المهم زوج اختي كان عنده مشكله في النت على الموبايل ما كان شغال وطلب مني اني اشوف له إياها
وانا عم بعمل في اعدادات الهاتف وصل مسج من رقم غير مخزن ومكتوب فيه (بحبك) !!
اقسم بالله العظيم اني انصدمت وما عرفت شو بدي احكي وهو تصرف على اساس إنه مستغرب وحكى شو هاد ولمين هاد الرقم ؟؟

خليت حالي مو مهتمه للموضوع بس انا هلأ زعلانه على اختي ومحتاره ومش عارفة شو بدي اعمل
مره بحكي لحالي احكيلها ومره بحكي لا بلاش اخرب حياتها !!
المشكله انه اذا سكتت خايفة الموضوع يكبر اكتر من هيك وتروح فيها اختي واذا حكيت كمان ممكن أخرب بيتها بسببي انا !

مع إنه والله اختي ماشاء الله عليها وعندها ولدين وبنت متل القمر ومعدله وست بيت صح ومش منقصه عليه اشي ابدا
ليش هيك بيعمل ؟؟ ما بعرف

ياريت حدا بنصحني شي نصيحه تفيدني احل الموضوع بدون مشاكل او خراب بيوت لانه بالنهايه في اطفال ما الهم ذنب لو مافي اطفال يروح على جهنم ويعمل يللي بده اياه

امانه اللي عنده نصيحه تفيدني يحكي لي اياها ..وشكرا لكم

طباعة

المشاهدات: 59129


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	15-02-2014 10:11 AM سرايا
2 -	تعتذر " سرايا " عن نشر أي تعليق يحتوي أسماء داخل التعليق أو عناوين أو هواتف أو إيميلات . كما ونرجو من الإخوة المعلقين احترام جميع المعلقين وعدم انتحال الشخصيات الأخرى وعدم تجريح أصحاب المشكلات المطروحة حفاظاً على الهدف من فتح باب التعليقات.	15-02-2014 10:12 AM سرايا التبليغ عن إساءة
3 -	لا ما تحكيلها لانه الزلمة اجاه مسج من وحدة نفترض وبجوز هاي الوحدة بتحبه وهوا مطنشهاا او مش معبرها بس هيا بتضل اتضايقه .نظلم الزلمة بمسج من وحدة وهوا مش راادد عليها الاشي مش خطير كثير لما ايكون في مسجات هوا رادد عليها برسائل غرام هاد الي ممكن تحكيلها عنه وبصراحة ما كان لازم تفتحي المسج واتشوفي مضمونه واذا هو فتحه وانت كنت جنبه معناته هوا مش متوقع مسج زي هيك ولا كان ما قرءه واجل قراته بعدين .	15-02-2014 10:29 AM om.marah التبليغ عن إساءة
4 -	نصيحتي اعملي حالك ما شفتي اشي ... انا زوج اختي لقيته مع وحدة وصرت امزح معه واقله يا رجل حرام عليك عندك 7 اولاد وعاهدني انه ما يعيدها بس انك تحكي لاختك هاي اكبر غلطة ممكن توقعي فيها ... وغالبية الرجال هيك بس برجعو بكنو ما تخافي بس انت ضلك ادعيلو انه الله يهديه وابعتيلو عالواتساب شغلات اذكره برب العالمين وانه يحافظ على اهل بيته .. والله من وراء القصد	15-02-2014 11:00 AM محمد اللحام التبليغ عن إساءة
5 -	حاول تحكي مع زوج أختك واحلفلو انك مراح تحكي لحده وحاول انك تخلي يبعد عنا البنت الثانية	15-02-2014 11:06 AM ميوش التبليغ عن إساءة
6 -	لا تحكي ولا عبالك كل الزلام هيك وانا اولهم بحكي مع عشره ومتزوج	15-02-2014 12:15 PM واحد التبليغ عن إساءة
7 -	انت حكمت مباشرة عليه بالخيانة لمجرد مسج بكلمة واحدة وربما هناك فتاة تلاحقه وربما هناك فعلا علاقة بينهما ولكن ربما تكون علاقة شريفة بغرض الزواج فلا تخربي على أختك بيتها والمطلوب منك تحكي لحدا عاقل مثل أبوك او ابوه ويناقشه في الموضوع ولا ضرر ان كان ينوي الزواج باخرى فهذا لا يعتبر خيانة وخصوصا انه مطلب شرعي في الوقت الراهن لانتشار العنوسة وزيادة نسبة الإناث عن الرجال	15-02-2014 01:23 PM سمير التبليغ عن إساءة
8 -	بنصحك تحكي لاختك لانها رح تتفهم الموضوع احسن ما تعرف من حده تاني وتصير مشكلة. وفهمها لاختك انو يمكن مش قزدوا يعمل هيك	15-02-2014 01:52 PM sara3 التبليغ عن إساءة
9 -	صباح الخير استني شوي ولا تستعجلي بس راقبي زوج اختك وشوفي نفس الرقم عم بعثلو مسجات وقتها بكون المسج من بالغلط وقتها نبهي اختك عن زوجها	15-02-2014 02:01 PM moh . alaydi التبليغ عن إساءة
10 -	يعني انت مبسوط على حالك !!!	15-02-2014 02:22 PM الى تعليق رقم 5 التبليغ عن إساءة
11 -	اتساءل هل قلب الرجل يتسع لاكثر من حبيبة وهل الرجل لا تشبعه واحدة وهل خراب البيت شيء سهل اجيبوووووووني	15-02-2014 02:40 PM واحدة التبليغ عن إساءة
12 -	اختي العزيز انا مريت في نفس التجربه وكشفني ابن اخت عيلتي وما حكى لزوجتي بعديها استحيت من نفسي وحكيت للبنت انوانا متزوج وعندي اولاد ومابقدر ارتبط فيكي لأني بحب اولادي وزوجتي	15-02-2014 05:31 PM حويطي حر التبليغ عن إساءة
13 -	انت فعلا انسان ما (.......) يعني شايف صح يلي عم بصير يعني بدون تعليق(................)علا كل واحد من شكلك	15-02-2014 07:04 PM الي تعليق رقم ٥ التبليغ عن إساءة
14 -	اسمعي انت من غير ما تعملي شي ولا تحكي لاختك جيبها جد بمزح احكيلها والله انا اذا كنت متزوجه بضل افتش بتلفونه وبحاول اسال عنه واذا كنت مش متزوجه احكلها لو انا متزوج بضل افتش ورا زوجي بالتلفون وبشغله خليها هي يعني تتحرك وتصير تشك في زوجها يعني هي تراقبه وتراقب التلفونات الي عم تيجيه يعني كمان ما بصير تحط اديها واجريها بمي بارده الرجال ما عليهم امان بتلاقي الواحد مرته حلوه ومودبه بس خلص عينه لبرا قله حيا بس انا ما قصدي خراب بيت الواحد ما بتمناه لحد بس يعني حرام يكون يخونها وهي متل الهبله بس تخلف وتربي وهو داير يعني علا القليل يقدر هاالشي وصي اختك تدير بالها علا جوزها منيح بحجه انه ما في امان ولا تحكيلها عن المسج	15-02-2014 07:13 PM اردنيه التبليغ عن إساءة
15 -	يعني انت بترضا علا اختك ولا بنتك جوزها يتجوز عليها يعني واذا عنوسه كتير يعني يتجوزو الرجال علا زوجاتهم فعلا (...............) الى صاحبه المشكله في ناس بتخبص صارت (......) شي عادي انت اشتغلي بحكمه فكري منيح قبل لا تتصرفي باي خطوه اي غلطه محسوبه عليكي اختك عندها عيله	15-02-2014 07:18 PM الي تعليق سمير التبليغ عن إساءة
16 -	لا ارى ضررا عليها ان هو تزوج عليها بدلا من ان يخونها بالحرام او يطلقها او اي شيء اخر وانا لا أمانع أيضاً ان يتزوج زوج اختي عليها فهو حر وهذا حقه الشرعي بما ان أسبابه توفرت في الوقت الحالي وللا عاجبك يعني حال البنات ومعدلات العنوسة عندنا وللأسف الناس أصبحوا حاليا لا يزوجون من استطاع الباءة بل ويعجزونه بطلباتهم واراهم لا يمانعون من تزويج بناتهم للمقتدر وصاحب المال حتى لو كان متزوج ثلاثة قبلها وأخيرا الامر يخصها هي وحدها فنحن نطرح الحلول وهي لها حرية التفكير بما يناسبها منها او غيرها فكل منا يرى انه على صواب وشكرا لك	15-02-2014 09:13 PM سمير الى رقم ١٤ التبليغ عن إساءة
17 -	اختي ما تحكي ولا ع بالك ...احتمال تكون وحدة متطفلة عليه..ولكن احتياطا للامر خليه يشعر منك بانك قراتي المسج بالصدفة ومو قاصدة تتجسسي عليه علما انه تصرفك خطأ " يا ايا الذين امنوا لا تسألو عن اشياء ان تبد لكم تسوءكم" وبالنسبة لاختك ما تحكيلها اختك متزوجة وعندها اولاد بلكي ربنا هداه..واهلك اعتقد عندهم اللي يكفيهم بجوز ما يتحملوا تحرد او تتطلق ازا ركبتت راسها..وتكوني سبب خراب البيت..ولعلمك في اتنين بالدنيا بيتناطحوش مناطحة "الدولة والرجل"...اختصري الشر ولا تكوني انتي الذي اشعل الشرارة في الخشب	15-02-2014 10:08 PM مورية التبليغ عن إساءة
18 -	يا لمجتمعنا !! يقترف الرجل المحرم وتقولون لا مشكلة!! اما عرفتم الله؟! وتفهمون التعدد والزواج كما تريد نفوسكم!! تتظاهرون بالرحمة ، والاخلاص ثم لا ترحمون زوجة وافقت مشاركتكم حياتها تعبت وانجبت اطفالكم!! الهي زكي انفسنا واهدنا جميعا ولان اعيش وحدي طول عمري خير من ان اتزوج شخص لا يخلص لي لاني عقدت النية على ان اكون مخلصة صادقة وان احب زوجي في الله ♥ بإذن الله	16-02-2014 12:16 PM الهي انت مغيثي التبليغ عن إساءة
19 -	لاتحكيليها لاتحاول تخربي بيت اختك خليها تعرف من ناس تانية احس وكمان بلاش تظلميه	16-02-2014 12:33 PM فاعلة الخير التبليغ عن إساءة
20 -	يعني انت مبسوط انت (....) ما تضحك ع زوجتك انت تضحك ع حالكـ وع اولادك الواحد اذا بحب يروح يتزوج والله حل بالشرع أربعه بس مو من ورى لورى.. أماااا عن مشكلتك يا أختي .. اااناا أتوقع انك ما تحكي مع أختك بهدا الموضوع ولازم تحكي مع زوج أختك وما دخلي نااس وتحكو مع بعض بأنفراد ولا دخلي أي شخص ...وانيت كماان لساتك مو متأكده من علاقتها يمكن في ناس تحاول تخرب بينتهم والله أعلم......	16-02-2014 01:48 PM الى 5 التبليغ عن إساءة
21 -	حرام لا تظلموه بمجرد مسج!!!أصلا هو من براءته خلاكي تضبطي موبايله ،يمكن حدا هبلة،انا عن نفسي بتجيني مسجات غزل كتيييرة ،ولا بعطيهم وجه،أنتبهي من الخراب ،ولاتفهمي الزلمة غلط	16-02-2014 06:24 PM مممم التبليغ عن إساءة
22 -	نصيحتي ان تنسي الموضوع ولا تحتكي بزوج اختك	16-02-2014 10:20 PM الزبيدي التبليغ عن إساءة