كيف اتعامل مع خطيبي

04-08-2015 08:26 PM

تعديل حجم الخط:

سرايا - سرايا- مرحبا ... انا بنت عمري ٢١ خاطبة الي شهرين ... مع انه ما كنت ناوية اخطب قبل ما اخلص جامعة بس لانه خطيبي ما شاءالله صاحب دين واخلاقه عاليه ... ما حبيت ارده بناء على حديث النبي صلى الله عليه وسلم ... واهلي شجعوني لانه محترم وخلوق كتير خصوصا انه الناس مدحوه ... المهم،الحمدلله كويس ومحترمني وانا حبيته لانه اول حدا بحياتي الحمدلله ما الي علاقات ابدا والله يبعدني عنها ... بس المشكله انه انا خجولة كتير والله حتى بخجل من اخواني وبالجامعة بكون من محاضرة لمحاضرة وببعد عن التجمعات ... وبس اخلص على طول عالبيت ... المهم الخجل مأثر علي بشكل كبير مع اني اجتماعية وبحكي وبكون مبسوطة بس مع البنات والنسوان ... بس اذا بكون في شباب حتى لو قرايب بكون ساكتة واذا بشوف حدا يطلع علي بصير وجهي احمر ... ما بعرف ليش يمكن لاني وحيدة على اربع شباب وانا اصغر وحده... ولما خطبت زاد عندي الخجل ودئما خجلانه من خطيبي لدرجة انه بالبداية كنت استحي ارفع عيني فيه ...بالاول كان متفهم بس بعدين صار يضايق من هاي الشغلة ... يعني ما بحكي اذا هو ما حكى وبس يحكيلي غزل بجمد وبضلني ساكتة ... حتى صرله فتره انصالاته وزياراته خفانه وبحكيلي ليش ما بتبادري وبتحكي حمي حلو ... يعني والله انا ما بعرف والله اول مرة بقعد مع شب ... عارفة انه خطيبي وكاتبين الكتاب عادي بس مش قادرة اتعود بسرعة ... وهو دائما بحكيلي انتي مرتي على سنة الله ورسوله ولازم ما تخجلي معي ولازم تتكيفي معي ... بس والله مش بايدي انا،حابه ارضيه واسعده بس مش عارفه كيف خصوصا ما عندي اسالهم وبستحي اسال ماما ... بدي منكم تساعدوني كيف استقبله شو احكي معه وكيف ومتى اعبرله عن مشاعري وشو اللي بخليه مبسوط

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 95029


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	04-08-2015 08:26 PM سرايا
2 -	خديلك كورس من بنت من بنات هالايام	04-08-2015 08:56 PM Omar التبليغ عن إساءة
3 -	عجلي بالزواج ما استطعتي والحياء شعبة من الايمان	04-08-2015 09:05 PM يحيا المبيضين التبليغ عن إساءة
4 -	عادي الحياء مطلوب في الأول بس الكم شهرين خاطبين المفروض تعودتي عليه انا هيك كنت .. حاولي احكيله أي شي أي كلمة حلوة بعدين بتتعودي هي بالأول بتخجلي .. بعدين البس شي حلو لما يجي عندكم انت لحالك بطلع منك الكلام الحلو لا تخسريه انا رأي كمان تعجلوو الزواج	04-08-2015 09:42 PM عبير التبليغ عن إساءة
5 -	شهرين فتره مو قليله للتتقربو من بعض بعدين هو اذا ضليتي ع هاي الحاله رح يكرهك ويمل من هلاسلوب قابليه بلمنظر الحلو والحكي الحلو ولازم تبيني الو انك مهتمه فيه كثير قدام اهلك لانو اكثر شي بخلي الخطيب يحب خطيبتو هو الاهتمام ولا تستحي منو لانو هاذ بكره رح يكون زوجك	04-08-2015 10:11 PM حنان التبليغ عن إساءة
6 -	الله يحميكي والله يلي متلك قلال انا صراحة شايفة انو شهرين مش هالمدة الكبيرة حتى تكوني تعودتي (هاد رايي ) بس انتي زيدي اهتمام شوي في يعني كتري اتصالات وهيك ومعك معك بتتعودي والله يوفقك كل الاحترام الك	05-08-2015 12:40 AM Heba التبليغ عن إساءة
7 -	الله يحميكي والله يلي متلك قلال انا صراحة شايفة انو شهرين مش هالمدة الكبيرة حتى تكوني تعودتي (هاد رايي ) بس انتي زيدي اهتمام شوي في يعني كتري اتصالات وهيك ومعك معك بتتعودي والله يوفقك كل الاحترام الك	05-08-2015 12:41 AM Heba التبليغ عن إساءة
8 -	اختي عليكي اتباع الطرق التاليه 1 احكي تلفون معه كثير حتى تتعودي عليه البسي لبس حلو واعمل تسريحه يشعرك 3 خلي وحده من صاحبتك المتزوجات يعلمنك كيف تحكي مع خطيبك 4 عليكي باسراع في الزواج وتحية لكي	05-08-2015 01:49 AM مها احمد. التبليغ عن إساءة
9 -	إلى حبيبة قلبي عبير خذي هذا شعر حلو زيك عبير يا حلوه ياللي بتعليقاتك منوره لا تهتمي بتعليقات كلي واشربي ميه انت الله اعطاني ايا كي أحلى هديه	05-08-2015 02:01 AM مها احمد التبليغ عن إساءة
10 -	الله يرزقني وحده مثلك	05-08-2015 08:06 AM قلبي مدمدم التبليغ عن إساءة
11 -	ديري بالك على خطيبك وتمسكي بة حتى النهاية -- اقطع اقطع اقطع	05-08-2015 08:55 AM مهند الصمادي التبليغ عن إساءة
12 -	الحياء مطلوب لكن مع الايام بيتعودوا على بعض	05-08-2015 09:08 AM الى عبير التبليغ عن إساءة
13 -	ما شاء الله عليك..الله يتمملك ع خير. حاولي انك تحكي معاه كلام حلو ...بالبدايه ع التلفون وبعدين بتاخدي ع الوضع	05-08-2015 09:18 AM اميره احمد التبليغ عن إساءة
14 -	مش مصدق انه في بنت بتخجل تحكي مع خطيبها...كيف لو لمسك؟ او طلب منك بوسه؟معناته بكون اخر يوم بحياته. بدك كم حصة خصوصي عند	05-08-2015 09:18 AM حماد التبليغ عن إساءة
15 -	خلي مها أحمد تعلمك وخصوصا وهيا عامله حالها واعظه. اتعلمي يا ست مها شايفه كيف البنات المحترمات والمؤدبات كيف يتعاملن يا ريت تتعلمي منها.	05-08-2015 10:00 AM من متابعه إلى الواعظه!!!! مها التبليغ عن إساءة
16 -	اتصلي فيه واحكي معه كلام حلو، وبدلع. وقولي له دائما انك بتحبيه وبتشتاقي له وما بتقدري تستغني عنه. وكبري رأسه بانه هو الرجل اللي كنت بتحلمي فيه. وانه شخصيته حلوة كثير، وانه هو حلو كثير...... والباقي عندك	05-08-2015 10:41 AM دلع التبليغ عن إساءة
17 -	ليست المخطوبه بحاجه لنصيحة من متزوجه0 بل هي بحاجة للمزيد من الوقت..	05-08-2015 10:52 AM الى الاخت مها التبليغ عن إساءة
18 -	لو مشت زي ما بتحكي ..الاكيد انه الخطوبه راح تفشل ....الصبيه ماشيه ممتاز.....الدلع وحب التلفونات وصور الواتس وتكبير الراس ..والباقي ..هذه امور صغيره وتافهة امام الهدف الاكبر وهو الزواج والاسره والحب الحقيقي وتحمل المسؤليه.	05-08-2015 10:57 AM من متابع الى دلع التبليغ عن إساءة
19 -	راح ارد عليكي رد موثوق فيه لاحقا	05-08-2015 11:25 AM قاهر النمور التبليغ عن إساءة
20 -	نعم الحياء مطلوب في بعض المواقع لاكن حاولي ان تكسبي خطيبكي ولا تنفريه منكي فكتابكم مكتوب على سنة الله ورسوله ولا بد من الاهتمام بالخطيب	05-08-2015 11:30 AM ابو نوفل التبليغ عن إساءة
21 -	الصبية مكتوب كتابها، وانا بحكي هيك لوحدة خجولة، يعني ممكن تطبق جزء من النصيحة ويمكن ولا شيء. والخطيب بحب يسمع من خطيبته هيك. والا بدور على هالحكي مع البنات المو كويسات. ولازم تهيأ نفسها للزواج	05-08-2015 11:45 AM من دلع الى متابع التبليغ عن إساءة
22 -	النور نورك يا حلوة انت والله انت تعليقات اللي منور تنا ايوة هيك هاتي كمان من كلامك العسل متلك	05-08-2015 12:04 PM عبير إلى مها ♡♡ التبليغ عن إساءة
23 -	اختي ليس لديك مشكلة بل المشكلة بالمجتمع وتفكير الناس فأنت مثال للفتاة المسلمة فإنصحك بأن لا تغيري بشخصيتك بل اشرحي لخطيبك وضعك فيقوم هو بمساعدتك ولا تجعلي هذا الأمر يرهقكي بارك الله فيكي وبامثالكي	05-08-2015 12:44 PM برسولي اقتدي التبليغ عن إساءة
24 -	والله يا حبيبتي مش عارفه شو احكيلك ولا عارفة وين الصح لانه تقريبا قصتك زي بس الفرق انه فسخنا الخطوبة ( الله لا يدوق اياها ويتمملك على خير يا رب ) انا زيك بالزبط خجولة لابعد حد حتى من محارمي كمان ، ولما كنت بالجامعة كنت على المحاضرات وبس زي كاني بالمدرسة والحمدلله خلصت جامعة وانا على ترباية اهلي ، والله بالرغم من انه عمري ٢٦ سنة الا انه بالامور اللي بتحكي عنها زي كاني بنت ١٢ سنة والله ما ببالغ ... لاني لما خطبت صار معي هيك حتى كانت ماما توعيني ...كنت اطلعله باحلى شكل واستقبله احلى استقبال واحترمه واحترم اهله واسال عنه والله ما قصرت معه ابدا ... وكنت اخجل منه كتير يعني لما يقعد،جنبي كنت اذوب بثيابي من كتر الحياء وكان يوضحلي انه بده اشياء اكتر من هيك وانا كنت احكيله ما دام انالسا ببيت اهلي لازم يكون لعلاقتنا حدود واذا مستعجل ع اشي خلينا نتزوج ... بالرغم من انه كان يصير بيناتنا اشياء عادية بتصير بين المخطوبين ... بس هو كان بده على مستوى عالي ولما رفضت تحجج بانه انا ما بحبه وما بهتم فيه وما بوثق فيه وانا مرته ... تركني وكان ضايل على عرسنا اقل من شهر ... حسبي الله ونعم الوكيل ما بعرف هي االبنت المربية على الدين والحياء ما بتعجب حدا ليش ؟	05-08-2015 02:26 PM وحدة مكسورة التبليغ عن إساءة
25 -	الله يتمملك على خير يا رب وعفبال العزابية ان شاء الله...	05-08-2015 03:12 PM اللهم صلى على سيدنا محمد التبليغ عن إساءة
26 -	انتي لست مكسورة ...انتي طيبه ..وبعون الله سيبعث الله لكي الافضل....كوني على ثقه من ذلك	05-08-2015 04:30 PM متابع الى وحده مكسوره التبليغ عن إساءة
27 -	جزء من نصيحتك جميل...وجزء لا بد من التفكير به..	05-08-2015 04:31 PM متابع الى دلع التبليغ عن إساءة
28 -	يجب ملاحظة ان هذه الزاويه يجب ان تعالج الامور ولا تزيدها تعقيد....فالصبردائما جميل ..وحسن الخلق والملاطفه يقودان اي مركب الى بر الامان	05-08-2015 04:36 PM متابع التبليغ عن إساءة
29 -	في حد منتحل اسمي مش مشكلة بس الي حكتوا دلع المنتحلة صحيح الخطاب بحبوا الدلع من الخطيبة ليش لأ	05-08-2015 04:54 PM دلع التبليغ عن إساءة
30 -	إلى تعليق رقم 15 انا محترمه أكثر منك يا معفن واقسم بالذي جعلني ادرس 5 سنوات قرآن لأجلك تندم واسمعك كلام بحياتك ما سمعتوا اذا حكيت عني شي يا مصدي	05-08-2015 05:28 PM مها احمد التبليغ عن إساءة
31 -	أقسم بالذي جعلني ادرس 5 سنوات قرآن لأجلعك تندم صاحب تعليق 15 اذا ثاني مره بتحكي عني شي وانا محترمه غصب عنك	05-08-2015 05:37 PM مها احمد التبليغ عن إساءة
32 -	إلى تعليق رقم 24 والله زعلت لما قرأت مشكلتك ظاهر يا اختي العزيزه أن خطيبك السابق رجل مش كويس وكان ناوي لكي على نيه وبعدين يتركك بما انك ما أعطيه اللي بدوا ياه قال أطلقها من الآن شو بدوا فيها انتي يا عمري لا تزعلي لأن واحد مثل هذا ما بنزعل عليه بل أحمدي ربك ليل ونهار انه راح عنك وان شاء الله يا ورده الله يبعث لك الزوج الصالح ويعوضك احسن منه وتحية لكي	05-08-2015 05:54 PM مها احمد التبليغ عن إساءة
33 -	انتي مثال ممتاز للبنت المؤدبة والخطيبة المثالية وانا بحسد خطيبك عليكي ومحبط جدا ياريت ربنا يوعدني بخطيبة مثل صفاتك بالضبط وبالنسبة لموضوع عصبية خطيبك مش غلط تحاولي شوي جريئة معو وماتنحرجي من بعض اشياء مثل قبل وغيرو لانها اشياء عادية وبتحلي جو الخطبة ولازم اهم شي بالخطبة ماتتدخلي باهلو ولا تجيبي سيرة امو ولا هوة كمان هذا سر كبير لنجاح اي خطبة	05-08-2015 06:13 PM قاهر النمور التبليغ عن إساءة
34 -	لابد ان الجميع يتحلا بمكارم الاخلاق قل خيرا او اصمت هداكم الله قد يكون رايك صوابا وتحل المشكله وتوجر ياذن الله	05-08-2015 06:58 PM عماد التبليغ عن إساءة
35 -	لا تدايقي حالك مها .. هل ناس بدهم يستفزوكي ويدايقوكي طنشيهم حبيبتي انا مش عارفة كيف بحكو هيك عنك حرام عليهم (ولا تقذفو المحصنات )هاي وحده غيرانة منك موت	06-08-2015 01:01 AM عبير إلى مها احمد التبليغ عن إساءة
36 -	لا تزعلي يا مها ولا تضايقي حالك --لا تهتمي استمري في الارأء القوية	06-08-2015 01:03 PM مهند الصمادي------------- مها التبليغ عن إساءة
37 -	فشي غلك وغله بتصيرو سمن على عسل	06-08-2015 01:17 PM منى محمد غصاب النمر التبليغ عن إساءة
38 -	شكرا لكي يا عبير والله انك بلسم على قلب والله يا اختي عمري ما أساءت للناس حتى مشاكل الناس بحاول أحلها بدون ما اجرح أو اوا غلط وانتي طبيه وقلبك كبير وأخلاق عاليه والمناسبة اللي بحكي مش وحده اسمها دانا لأنه مستحيل تكون بنت البنت يا اختي عزيزي ما بطعن خاصه ما بعرفها هذا شاب بس لا تخافي علي قدهاوقدود	06-08-2015 03:29 PM مها احمد التبليغ عن إساءة
39 -	إلى أخ مهند صمادي شكرا جزيلا لك بتعرف يا مهند اول ما علقت على مشاكل تعرف حبيت تعليقاتك بتعرف ليش انا ربيت ابن اختي والآن هو في الجامعه بتعرف لما اقرأ تعليقاتك بتخليك انك ابن أخي احتمال لأنك من جيله الله يحفظك	06-08-2015 03:42 PM مهااحمد التبليغ عن إساءة
40 -	انداري....المفروض انك عايشه حياتك مع اربع شباب اخوانك يعني لازم تكوني جريئه اكتر من هيك وهاد خطيبك حلالك انبسطي بحياتك واطلعي معه لشي مطعم وسهره احضرو حفله سوى روحي الملاهي معه احكيله بحبك وبعرف انك زوجي شرعاً ولكن بدك تتحملني فتره انت رجل وهيبتك بتربكني وهيييييييك امور بيكيف خطيبك وبتكسبيه ان شاءالله	06-08-2015 05:47 PM نوور التبليغ عن إساءة
41 -	انداري....المفروض انك عايشه حياتك مع اربع شباب اخوانك يعني لازم تكوني جريئه اكتر من هيك وهاد خطيبك حلالك انبسطي بحياتك واطلعي معه لشي مطعم وسهره احضرو حفله سوى روحي الملاهي معه احكيله بحبك وبعرف انك زوجي شرعاً ولكن بدك تتحملني فتره انت رجل وهيبتك بتربكني وهيييييييك امور بيكيف خطيبك وبتكسبيه ان شاءالله	06-08-2015 05:48 PM نوور التبليغ عن إساءة
42 -	مساء الخير يا ملكة الشااات مها اول مره بشوفك نعصبه هيك انتي لزم تمسكي اعصبك بكل اشي انتي الملكة ولا تزعلي يلي بيحبيقرا تعليقاتك يقراء ما بدو بلاش كل الاحترام والتقدبر اللك الله لا يحرمنا من تعليقاتك يسعد مسائك	07-08-2015 02:16 AM قلب الاسد الى مها احمد التبليغ عن إساءة
43 -	إلى أخ عزيز قلب أسد شكرا جزيلا لك ما شاء الله عليك شو محترم ومودب انا عمري ما كنت عصبيه ويتحمل الناس كلها بس للاسف في أول يوم عيد تعرضت للحادث مما ادى الى كسر في يدي شمال ورجل الشمال وبعض الكسور في أنحاء جسمي والدكتور منعني من وصول الجامع وعندي اموت ولا ما أصل جامع لأنه مكان وحيد بحب اروح عليه بالآخر فوق هم واحد بيجيك واحد بصير يطعن بالشرف كل هذا ما بدك ازعل	07-08-2015 11:05 AM مها احمد التبليغ عن إساءة
44 -	شكرا لك يا اخ قلب أسد والله مو عارفه كيف اشكرك انت وأختي عبير الله يحفظك وا جميعا وأختي الحلوه بثنيه وأخي مهند الصمادي وكل من ساعدني شكرا جزيلا لهم بس بدي أسأل عن أخي عندليب وشبح أحمد شرفات ودلع ونور سماء وين انتوا أظهروا على الشاشه	07-08-2015 03:04 PM مها احمد التبليغ عن إساءة
45 -	اخواني المعلقين حابه ادعوا نايف معاني برغم مابعرفوا بس بدي ادعوا له وسائر الأموات مسلمين اللهم ثبت نايف معاني عند سؤال اللهم اجعل قبره نورا واجعل قبره روضه من رياض الجنه اللهم تجاوز عن سياته الفاتحه على روحه	07-08-2015 09:06 PM مها احمد التبليغ عن إساءة
46 -	شيلى الخجل و عيشى حياتك لتخصرية	19-08-2015 12:39 AM التبليغ عن إساءة