ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

( وقضى ربك ألا تعبدوا إلا إياه وبالوالدين إحسانا إما يبلغن عندك الكبر أحدهما أو كلاهما فلا تقل لهما أف ولا تنهرهما وقل لهما قولا كريما ( 23 ) واخفض لهما جناح الذل من الرحمة وقل رب ارحمهما كما ربياني صغيرا ( 24 ) )

فسري هذه الأية وستعرفي الجواب.

استخيري انالومكانك ارفض واضل بخدمة والدتي و والدي احسن من الف عريس عالاقل تكسبي الاخره

هاي النوعيه من الاهل التي تخلق بنات بتصاحب وبطش وبتروح وتجي على حل شعرها .. التعنت تبع الاهل

بصراحة الله يعطيكي العافية على خدمة والديكي. اخوانك واخواتك شو رايهم ولا هم كمان بدهم اياكي تخدمي الوالدين وهم مرتاحين ترى ما حدا حنون على الابوين زي البنات فلا تلوميه بالنسبة للشاب ما في مجال يسكن معكم بالبيت او يستاجر قريب على اهلك بسبب وضعهم جربي اساليه والله في نسايب احسن بمليون مرة من الاولاد

شو بدك با لجيزه خدمة أمك وابوكي بتفوتي عليها الجنه الزواج بتروحي عالنار من بدري يعني لا دنيا ولا اخره هيك أحسن

بداية وقبل أي شيء، أعرف شخص (جارنا) عمره الآن 55 عاماً تقريباً لم يتزوج للآن لأجل والدته المريضة-فدى نفسه لأجل أمه.. آسف على الكلام لكن اتركي ابوكي وروحي تجوزي،،، مش حلوة الجملة صح؟ فكري يا بنت الحلال ولا تخلي الشيطان يلعب براسك. هاذ ابوك ويا ريت ابوي يرجع حتى اقدمله لو القليل

اعملو جمعية مع اخوانك وجيبو خدامة

وآلله انك بتفهم وأحلى لااااااايك

انا بعثت مشكلتي قبل يومين عنوانها دعواتكو اللي وبس وصلت الكم ؟ ومتى تبثوها

=========
المحرر :
اختي الكريمة للأسف لم أتلق مثل هذه المشكلة
الرجاء إعادة إرسالها على زاوية ( أرسل لنا ) وكتابة ( زاوية أريد حلا ) على العنوان

لا يحق للوالدين ان يمنعوكي من الزواج ,, وطاعة الوالدين لا تكون الا بالمعروف ,, انتي من حقك تتزوجي وتامني مستقبلك ,, ابوك وامك ما رح يظلوا معك لاخر عمرك واذا راحوا وقتها ما رح تلاقي اللي يدير بالو عليكي

ومين قال انها اذا اتزوجت رح تعق والديها بإمكانها تبر والديها وهي متزوجة ولا يحق لوالديها ان يمنعاها من الزواج بدون سبب شرعي مقنع

شو هالتفكير المتخلف هاد شو يعني الاهل بخلو البنت ع حل شعرها اقسم بالله هون بتكتشف انو نص الناس مرضى نفسيين لو بعرف كان اتخصصت طب نفسي كان صرت مليارديره...لا حول ولا قوى االا بالله بس.....بالنسبه لصاحبة المشكله مع انها مو مشكله اصلا والله يا اختي نيالك ضلي بحضن ابوكي وامك احسن من الف زلمه ما رح تلائي ادفى من حضنهم ولا تنسى انو الجنه تحت اقدام الامهات فكيف لو كسبتي رضا رب العالمين ورضا الوالدين ....نصيحه لا تتركيهم وهمه بأمس الحاجه الك وسدئبني الدنيا زائله اعملي لاخرتك احسن والله ما بنساكي من نعيمه وما بتعرفي شو بصير مع الوأت وما في شي اسمو فرصتك الاخيره هاد الشي بايد رب العالمين والله يحزيكي الخير ....هلأ هاد اللي تئدملك معئول ازا كان ابوه وامه نفس الشي بتركهم وبتزوج اكيد لأ هاد طبعا ازا كان بهمو رضى والديه .....واللي حكت استخيري شو يعني تستخيري بشو بدك تستخيري تتركي اهلك وتتزوجي يعني ....لا حول الله يارب انك تهدينا

البنت حقها تتجوز وتحفظ نفسها البلقاوي معه حق يجيبوا خدامة او يقنعوا الشاب يسكن معهم تماما زي زواج المسيار والله انه يحل مشكلة والكل بطلع راضي

الله يعطيكي العافية..ما قصرتي اابوكي بده اياكي معاه لانه مش شايف اخوانك متحركين او مستعدين لمبادرة يجيبو شغالة..لان في شغالة ببلاش.م بدي اتزوج ...زي زي كل مخلوقات ربنا الانسان والحيوان كمان...وبدي امومة زي كل بسه وكل غنمة ..وبدي رجل بحياتي ..بالنهاريسندني ويراعيني وبالليل برضه يعطيني رغباتي ويراعيني...لما النبي صلى الله عليه وسلم قال من اتاكم من ترضون دينه وخلقه فزوجوه الا تفعلوا فسيكون فسوقا بالارض وفسادا كبيرااااااااااااا.

هدول اللي محسوبين زلام بس لفراش نسوانهم يتلحلحوا وياخدو موقف

اتزوجي وما تستني حدا...بعرف بنات متلك بتدعي ع الليل كان السبب وكل ما شافت بيبي بينحرق قلبها الف حرقة..حسبنا الله ونعم الوكيل.على كل مين كان السبب...اتزوجي....ويدبوا حالهم

حقك الشرعي ان تتزوجي و خدمة الأبوين ليست مقصوره عليك دون اخوتك لأنك الأصغر أو الأنثى



يعني اخوتك يتزوجوا و يخلفوا و أنت تخدمي



لا، العدل أن تتناوبوا على خدمتهم ان كانوا اخوتك ذكورا او اناثا كباقي العيل + تتزوجي و يكون لك أولاد



بعد ما تكبري بتفهمي قصدي، لحقي حالك و لا تضيعي حالك مشان تريحي اخوتك من مسؤلياتهم على حسابك فالزيجه ستره للبنت و لك الحق بولد يكون الك، ملكك و زوج



قوله تعالى : { وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ} (21) سورة الروم



الزيجه ستره و أهلك لازم يحسبوها صح دون أنانيه

بصراحة قصتك يطول شرح اجابتها بس الي بقدر أحكيلك اياه ازا العريس ابن حلال وانتي بدك اياه بتقدري تحكيله عن وضع أهلك وازا جد هوه رايدك رح يعطيكي حل يناسبك انتي وأهلك ................وبالنهايه الله يوفئك بحياتك وتعيشي حياه سعيده مع أهلك وزوجك

الى الهبله والعجارمه يعني ما بسير تطبق هذه الايه وهي متزوجه يعني بجوز تطبق هذه الايه وهي متزوج ليش دائما فهمنا للاسلام ضيق الاخت الفاضله لها حق في الزواج كما لشب حق في ذلك والله عزوجل يخاطب هنا المؤمنين بشكل عام نساء ورجال لو انه شب لما منعه اباه من الزواج علينا ان ننظر للمشكله من منظار متساوي بين الرجل والمراءة بصراحه اختي مشكلتك لازم اخوانك يحسوا فيهم لان ابوك وامك مش راح يعيشوا الك بقنينه اقصد بنهايه بعد عمر طويل كلنا راح نموت ما في حدا مخلد طبعا اخوك موافق على ذلك علشان زوجته ما تخدم ابوه واموه و انتي تبقي وحيدة او عند احد من اخوانك ونسوان اخوتك يتامروا عليك مع الاسف هذا واقعنا من حقك اختي ان يكون لك زوج واولاد مثلك كباقي النساء اختي الكريمه اذا في حدا من اخوانك او خواتك علاقتك معهم طيبه فاتحهم بالموضوع وما في ايدنا الا الدعاء لك ان يفرج همك وغمك ودائما انوي اختي ان خدمتك لوالديك هي لوجه الله تعالى حتى تنالي الاجر من الله والرضا من والديك لان رضا الوالدين طريق الجنة وعليك بالاستغفار الدائم ودمتم

الشب غير البنت نعم الشب غير البنت ،،،،،الانثى ضعيفه جدا اما الرجل قراره من شوره من راسه وبنهايه رجل بصراحه كلامك مش منطقي ابدا اخي وشكرا

مع تعليق مجرد رأي

نيالك . ربنا بيحبك واختارك من دون اخوانك . ما تضيعي فرصه الدخول للجنه بسبب رعايه والديك .

شو انو اناني ابوكي..
ليش بتحكولها ضلي اخدميهم ولا تتزوجي.. معلش نفكر بشوية منطق.. لما تتزوج بتحط زوجها بالصورة انو تروح عند اهلها تساعدهم ,, وبتتفق هي وخواتها كل وحدة بتروحلها يوم
وبكرة لما يموتو امها وابوها تحت رحمة مين بدها تعيش لو انها شب بنحكي ممكن تدبر حالها بس هاي بنت يعني بكرة بجوز تكون خدامه لنسوان خوانها.. ليش ما تتزوج وتطمن ع باقي عمرها.. عادي لو جمعت بين التنين اهلها وزجها.. وبالنهاية كل شي نصيب يعني لو مكتوبلك تاخدي هالشب غصب عن العااااااااااااااااالم كلو بتاخدي.. وانتي ضلك استخيري وربنا بيسر ..توكلي على الله والله يفرجها عليكي يا رب ويختارلك الخير ويشفي امك وابوكي .. اللهم آآآآآآآآآآآآآآآآآمين

اختي طبعا انتي مش بحاجة نحكيلك عن اجر بر الوالدين عندالله سبحانه...لكن مسالة تزويجك واعفافك واستقرارك مسؤولية الوالد (وان كانو والديك عاجزين )حتى يتجنب المساءلة امام الله وخصوصا انك راغبة بالزواج وكمان عندك اخوة واخوات واجبهم يعتنوا بالوالدين.... احكي مع امك واخواتك بموضوع رغبتك بالزواج ومش غلط تدخلو اخوانك بالموضوع ويضغطوا على الوالد حتى يوافق ويتعاون الكل على خدمتهم والاجر يعم الجميع ....المشكلة انه في اهل ما بسيئوا الا للشخص اللي بخدمهم وبضحي بسعادته عشانهم وهيك بضطروا الواحد يختار حياته والله المستعان الله يسعدك ويرضي والديكي عليكي

يا اخي ...

انه لشرف عظيم خدمة الوالدين .... واهم من كل شيء بعد الاسلام
وقال تعالى: "وإن جاهداك على أن تشرك بي ما ليس لك به علم فلا تطعهما وصاحبهما في الدنيا معروفا واتبع سبيل من أناب إلي ثم إلي مرجعكم فأنبئكم بما كنتم تعملون"

اخي الكريم فسر هذه الاية وستعرف ردي.

ما عليكي زووود ..... واحلى لايك إلك ...... وشكرا على مرورك الطيب

لو أمكن الوصول الي مثل امثالكي لتزوجتها وخدمة ابواها العاجزان معها أختي من حقك الزواج وهذا لا يتعارض مع خدمتكي لوالداكي الأنثى كالرجل لها مشاعرها ورغباتها وعواطفها كيف تمنع من ما حلله الله رفقا يا آباء ببناتكم يجب تدخل الاخوان والأخوات والحديث معهم انك لا تطلبين الا الحلال وإيجاد الحل المناسب لصون نفسك وخدمة والديكي ونيل رضاهم

الى ابن الباديه العجارمه لعاد خليك عانس وما تتزوج واذا كنت متزوج طلق علشان تخدم والديك ومن قال لك انه شرف ليس عظيم بل هو عظيم وعظيم جدا خدمة الوالدين يا اخي الكريم شو المشكله يعني اذا تزوجت الاخت الفاضله من حقها انه تتزوج و حقا عليها اطاعت والديها وكمان هناك مساله مهمه اذا كان ابوها عاجز اسال الله له الشفاء العاجل هناك امور شخصية جدا لا تستطيع هي القيام بها بذات اذا كان اباها لا يستطيع الذهاب الى بيت الخلاء فهي بحاجه الى رجل لهذه الامور وكذلك المراءه بحاجه لامراءة لكي تخدمها بامورها الشخصية وانا بقولك كمان انت اسال سيدي الشيخ القاضي بالنسبه لهي القصه هل يحق لابوها ان يمنعها ان تتزوج يا اخي وشوف شو راح يحكي سيدي الشيخ القاضي ، راح يحكيلك انو ربنا راح يحاسب والدها على هذا الشيء الاسلام عبارة رسالة متكامله لكل امور الحياة لا اريد الاطاله ، الاخت تعقدت منا ودمتم

اخي الكريم انا لا اقول لك ان والدها ليس على خطأ


لكن بذات الوقت اقول ..... انها مجبرة ان تطيع والديها بكل شيء الا الشرك بالله .....

وادعو الله ان يفرج عليها ويرزقها ما هو خير لها .