ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

بتكوني غبية جدا اذا بتتركي شغلك ديري بالك

اووووووعك تتركي عملك ... عملك هو حمايه الك من ضربات الزمان وبردو متل ما حكت امك تعبك ودراستك ع الفاضي .... شو ما كان حنون وكريم مش متل لما يكون الك راتب ويكون الك دور بالمجتمع وتشوفي الناس وتختلطي معهم

اقسم بالله وانا بقرأ رسالتك كنت احكي بتكوني غبية اذا بتتركي شغلك وبالصدفة لما اجيت ارد عليكي لقيت المعلق رقم (1) حاكيلك نفس اللي انا كنت بدي اكتبلك ياه واحكيلك فعلا بتكوني غبية اذا بتتركي شغلك، انتي ضامنة البني ادم اللي بدك تتزوجيه شو يطلع؟ بخيل حقير بضرب هين ما بيعطيكي مصروف، بعدين هاد كيانك الشغل ، انتي طبيبة يعني الناس محتاجة وحدة متلك ومتل مهنتك المشرفة، انتوا ملائكة الرحمة انتوا اللي بتخدموا البلد ، بعدين امك كبرتك وصرفت عليكي وعلمتك عشان تقعدي بالبيت؟ هي كان حلمها تشوفك طبيبة في يوم من الايام وحلمها الاكبر تشوفك معيدة، ليش تحرميها من هاي الامنية!! فكري منيح انتي كتير غلطانة اذا بتردي على خطيبك، الرجال عادة ما بحبوا المرة المتعلمة واللي الها مستوى تعليمي عالي وما بحبوا المرأة العاملة عشان ما تشوف حالها عليهم، انتي اوعك تردي عليه، الك كيانك وشخصيتك بالمجتمع زيك زيه والك راتبك وكلمك، ودايما البنت بتشوف حالها بشغلها وبتحس انها الها كلمة والها وجود، بكره اذا بتقعدي باليت رح تنطفسي وتحسي حالك بس للطبيخ والبيت وراحت اهميتك كطبيبة الكل كان بحاجتك، اووووووووووعك اوعك زي ما بحكيلك، فكري منيح وردي على امك، شغلك سلاحك اللي رح يحميكي من غدر الزمن، اول شوفي جوزك كيف بكون اول الزواج كريم بصرف عليكي منيح معك ما بضربك بعدين على اثرها انتي بتشوفي ظروفك بعد اول طفل اذا بتقدري تحطيه عند امك وتستمري بشغلك وهو الافضل طبعا او انك تستقيلي وما بنصحك بهاد القرار ، وربنا يوفقك (فكري بكلامي منيح) وسلمي على امك.

لا حول ولا قوة الا بالله ، انصحو بالخير يا ناس
بدك تختاري بين جوزك او مستقبلك و استخيري و فكيكي من الناس

والله كل سولافتك مي داخله راسي من اسلوبك حاسك بتتسلي ...

لما تصيري بعمر 40 و 50 وتكوني كسبتي العمل وخسرتي الزوج راح تحسي حالك ضايعة في الدنيا وكسبتي المال والشهرة وخسرتي أنوثتك وأمومتك مقابل تحقيق ذاتك وهذا بعكس الزوج إن سعى لتحقيق الذات يحاول جاهداً لعكس ذلك على زوجته وأولاده. وراح تندمي أشد الندم. موقف امك على أساس انها ضمنت العريس لكن لو ما أجاكي عريس وصرتي بعمر 28 بتكون وكأنها قاعده على نار وبدها عريس لبنتها. اسألي المعنسات بعمر الأربعينات ولا تردي على الناس اللي راح يخسروكي أنوثتك. وعلمك ومهارتك أولى تكون لأولادك

والشباب اللي علقو لو تزوجو موظفة شغلها شفتات أول ناس راح بجوز يطلقوا نسوانهم

أختي كم عمرك؟وابن عمتك كيف مستواه المادي ؟وهل انت شاعرة انه الزوج اللي بتحلمي فيه ؟اسمحيلي حتى لو اختلفتوا ببعض الامور هادا طبيعي؟ لما طلب منك تتركي عملك جزء منك أيده لانك بتشعري بالتعب ومن ناحية تانية بدك ترضي امك ؟ أختي الطبيبة العزيزة انا أفضل رؤيتك ام بكل الاحوال كل الدنيا ما بتسوى لحظة تشوفي بنتك او ابنك وبمستواكي التعليمي العالي تربيهم ترباية راقية وبالنسبة للعمل اختي كل اشي بايد الله وممكن يكون خطيبك مقتدر وتتشاركو مع طبيبة تانية بعيادة خاصة وبتحققي طموحك برضو خسارة النا طبيبة وتعب السنين اتوكلي على الله والله يجيب اللي فيه خير الك وترضي إمك كمان

بتكوني أكبر غبية اذا بتتركي الزواج واللي بقولك ضربات الزمان ما راح تشوفيها إلا إذا عاندتي وتركتي زوجك واخترتي شغلك. واذا كان عندك أولاد لا تفكري انه الحضانة من حقك! الحضانة من حق الأولادك انك تخدميهم والنفقة هاد راتب مش أكثر عشان اتديري بالك على أولاد أبوهم تراعي شؤون حياتهم وممنوع منع بات وراح تأثمي اذا بتمدي ايدك عليهم لأنك موظفه عند أولادك مش أكثر

الصراحة اللي بصير معك نفس اللي بصير معي واللي اتأكدت منه بالاخر انه الوحدة ما إلها غير بيتها و زوجها وتربية أولادها .... انتي لاحظي أيام زمان ايام اجدادنا واجداد اجدادنا رح تلاقي نسبة الطلاق والمشاكل كتيييير قليلة .. ليش؟ لانه كانت البنت راضية بكل شي .. لكن هلأ بهاد الزمن ارتفعت نسبة الطلاق بشكل كتير كبير لانه البنت صارت تتعالى وتتكبر ع زوجها انه هي معها راتب وعندها وظيفة وبالمقابل لو تركت وظيفتها وقعدت بالبيت وتفرغت لزوجها وبيتها واولادها ..زوجها ما رح يحرمها من شي ((أنا ما بحكي عن الكل بحكي عن بعض الازواج)) .. انا مش ضد شغل المرأة ..ازا كانت محتاجة مو غلط انها تشتغل لكن الزواج والاستقرار والتفرغ لتربية الاولاد هو الافضل برأيي .. وكل حد بكتبلك هو مجرد تعبير عن رأيه الشخصي والحل الافضل انك تستخيري وتدعي ربنا انه يدلك ع اللي فيه خير إلك واكيد ما رح يخيبلك ظنك .. والله يوفقك

يا بنتي انت دكتوره كيف تتركي شغلك حرام عليك انتبهي لشغلك ومستقبلك احسنلك يا بنت الحلال

اوعي نتركي شغلك رح تندمي ازا انا مرة تركت شغلي شهر جنيت وحسيت انو ما الي كيان وجلست بالبيت زي الهبلة الشغل مهم جدا للبنت خصوصا بهيك زمن

اختي الكريمة،

بكرا على خير بصير عندك اولاد وهاذ لوحده يكفي انه تتركي عملك. ومن المستحيل انه توفقي بين عملك وبيتك وزوجك واولادك!! مسؤولية مش سهلة. فأكيد بيتك بشكل عام غير يتأثر وبالتالي زوجك غير ينفر منك شوي شوي والنتيجة طلاق واما زواج من ثانية.

وكما قال الرسول صلى الله عليه وسلم "لو كنت آمراً أحداً أن يسجد لأحد لأمرت المرأة أن تسجد لزوجها" وحديث آخر " "إذا صلَّت المرأةُ خمسَها، وصامت شهرها، وحَصَّنت فرجَها، وأطاعت زَوجها، قيل لها: ادخُلي الجنَّة من أيِّ أبواب الجنَّة شئت"

بالنهاية لو وافقتي عشان رضى زوجك لوحدها تكفي بأنه زوجك يكون احسن الناس معك.. موفقة ان شاءالله

ما سمعت عن طبيبة تركت الشغل الا انها تزوجت من احد الاثرياء العرب والذين تجاوزت ثرواتهم الملايين ان كان ابن عمتك كذلك فافعليها وتقاعدي مبكرا واقعدي في بيتك اميرة الاميرات وعلقي شهادة الطب في صدر قصرك المعمور

لو محلك ما بترك الشغل وبنظم وقتي ولو بحبني بيقبل

اخيتي...لو انك بينت لنا في رسالتك ما هو عمرك وماذا يعمل خطيبك...بطبيعتي احب قراءة القصص وتجارب الناس على جميع مستوياتهم فصدقيني اخيتي خلاصة ما قرأت ان كثير من النساء اللواتي وصلن لأعلى المناصب والدرجات واعلى الشهادات سواء المسلمات منهن ام الكافرات...والله الكثير منهن اجمعن على ان افضل مكان للمرأة هو مملكتها وبيتها....واكثر ما اثر في هي تلك الطبيبة التي قالت في نفسها شعر..ترثي حالها وترثي شهاداتها وترثي مريولها الأبيض...وتقول خذو مني شهاداتي وخذو مني عيادتي ومريولي واسمعوني كلمة ماما...في ظل رجل يحبني واحبه.....وكلامي هذا لا يعني اني لا اجيز العمل للمراة لا بل اقول إن كان خطيبك على قدر ان يعيشك الحياة الكريمة التي تتمنينها...وتعيشوا بحب وسكينة ووقار فهذا والله احسن وافضل بكثير من الحياة التي انت تريدي ان ترسميها لنفسك....وشهادتك وخبرتك تبقى في يدك سلاح....لذلك ولتجربتي الخاصة مع خطيبتي انصحك بما يلي:ـــ 1.إن كنت مصرة على عملك بعد الزواج لا بد لك ان تحصلي على موافقة من خطيبك...فموضوع العمل من المواضيع الهامة التي لا بد من اخذ القرار المناسب فيها قبل الخوض في الزواج... فعن نفسي عندما تقدمت لزوجتي لاخطبها كانت تعمل مدرسة..فناقشنا موضوع العمل واتفقنا على عدم عملها بعد الزواج وبالأحرى مجرد ما تم كتب الكتاب وعليه تم الإتفاق وبينت لها وجهة نظري من الموضوع وانه قرار مني سواء بتلك الفترة او حتى بعد الزواج وعليه تم الإتفاق بيننا....وبعد كم سنة من زواجنا بدأت زوجتي بالتلحين على رغبتها في العمل وكلما فاتحتني بالموضوع اذكرها بما اتفقنا عليه سابقا فتكف عن ذلك ...وينتهي النقاش بيننا بدون اي خلاف ...ولكن انا على يقين انه لو لم اكن صريح معها من البداية لكان كل ما ناقشتني بالموضوع سيكون هناك خلاف ومشاكل ....لذلك انت تقرري قبل ان تستمري بزواجك....وتقولي ان خطيبك ابن عمتك فانت ما قبلت به إلا لأنك رأيت فيه الصفات التي ترغبك به...وانت ادرى بقريبك من غيرك..فصفاته ودينه واخلاقه انت ادرى بها..وبخصوص والدتك مهما كان قرارك تستطيعي ان تقنعيها إن شاء الله ...وفي النهاية الأم تبحث لسعادة ابنتها فإن كانت سعادتها في مكوثها في بيت زوجها فأكيد رح ترضى ورح تدعيلك....2..اجلسي بينك وبين نفسك جلسة هادئة صريحة تبيني فيها ما تريدينه من الحياة وما تريدينه من الزواج....فاحصري اهدافك واسعي لما يرضيك ويرضي ربك بالمقام الأول.3..اكثري اخيتي من الإستغفار فبه تفتح الأقفال ...واكثري من الدعاء...واستخيري قبل اقدامك على اي امر...4...كما وانصحك بعرض مشكلتك بمواقع متخصصة بالإستشارات..مثل الإسلام سؤال وجواب وموقع مستشار وموقع ناصح للسعادة الزوجية ففي تلك المواقع اناس متخصصون لمثل هذه المشاكل وقد يعطوك الكثير من الحلول ...والنصائح...5.انصحك بمتابعة ردودي على مشاكل الخطوبة والخاطبين فتجدي الكثير من المواضيع التي تهمك في هذه المرحلة من حياتك....الله اسأل ان يكتب لك الخير حيثما كان ويرضك به...اللهم انك تعلم ان هذه الطبيبة في حيرة من امرها اللهم ارشدها لما فيه خير لدينها ودنياها....يا رب إنك تعلم ان لهذه الطبيبة دعوة تدعوك بها بينها وبين نفسها فاجب دعائها...يا رب حببها لخطيبها وحبب خطيبها لها وجملها في نظره وجمله في نظرها واستر عيوبها عنه واستر عيوبه عنها وانزل عليهما رحمة يسعدوا فيها ولا يشقوا بعدها ابدا..اللهم دبر لها فإنها لا تحسن التدبير....محب فلا تلوموني..

اوعك تتركي شغلك ترى هو اللي بينفعك لازوج بينفع ولاغيره

لا تتركي حطيبك ..رح تندمي ..شوفي المجتمع شو في عوانس ...حطي الزواج بكفه وشغلك بكفه ..مين الاهم..خصوصا ازا بتحبي حطيبك الحب ما بيتعوض

أختي العزيزة أراح الله بالك وألهمك فعل ماهو خير في دينك ودنياك.. بصراحة أختي للمرأة في بيتها دور عظيم جدا.. ومسؤولياتها كثيرة تجاه بيتها وزوجها وأولادها.. ومن المتعب لها أن توفق بين كل هذا وبين عملها خارج المنزل.. فإن كانت ليست مضطرة لذلك وزوجها مقتدر وليس بحاجة لعملها .. فلماذا تتعب نفسها؟.... وإني يا أختي أشعر بك وأعلم أنك قد تعبتي وبذلتي الكثير من الجهد والوقت في سنوات دراستك.. لكن صدقيني أختي ذلك لن يضيع سدى .. فشهادتك أصبحت في يدك وستجدينها في أي وقت تحتاجينه.. وبعلمك وثقافتك التي جنيتيها من تلك السنوات ستعمرين بيتك وتدبري شؤون حياتك وتربين أولادك أحسن تربية.. وبالنسبة لأمك تستطيعين إقناعها بأسلوبك الجميل الرقيق فالأم قلبها طيب وحنون وكل ما يهمها أن ترى ابنتها سعيدة.. ثم أخبريها أنك ما وصلتي لهنا وما حصلتي على شهادتك إلا بفضل الله تعالى ثم بتعبها وعونها لك وتضحيتها من أجلك.. وبإذن الله ستكون راضية... أسأل الله أن ييسر لك الخير يا أختي حيثما كان وأن يسعدك ويتمم زواجك على خير ..

لو غرفت المرأه مكانتها وهي في بيتها تقوم على زوجها وتربي ابنائها تربية اسلامية وتكون اسرة صالحة ،لما فكرت في العمل والتزمت بيت الزوجية .فهي ملكة في بيتها ونحافظ على انوثتها وتساهم في بناء جيل صالح .كم لها من الاجر والحسنات .وهذا ما يسهى الانسان العاقل اليه فكل شيء يتركه الانسان عند انتقاله للرفيق الاعلى الا عمله فيأخذه معه ويسأل عنه فعليك يا ابنتي ان تزيد من رصيد حسناتك لتلقي الله عز وجل وهو راض عنك .كلام زوج المستقبل سليم فالله سيعوضعك عن الاختلاط والعمل .وبارك الله فيكي

ديري بالك على زوجك ولا تفكري بالمصاري والشهادة بكرة بصير عندك خلفة اشتغلي ولما تحملي وتقربي على الخلفة استقياي واعدي بالبيت ما في بعد قعدت المره في بيتها وما في احلي من ترباية الام لولادها اما اذا بتطلعي بضيعو نصيحة مني انا مجربة اشتغلت بعد ما خلفت واندمت كتير لاني اخسرت اولادي ما بعرفوني الا بجيب مصاري ما في مشاعر ام واولاد نصيحة من اخت لما اتخلفي اعدي بالبيت احكيلي واقنعي انك بس تخلفي راح تعدي لانو بصراحة اول فترة صعب تقضي وقتك لحالك الا اذا كان دوامو قصير احلى فترة قضيتها من حياتي ايام ما كنت قاعدة بالبيت اما بعد ما اشتغلت حياتي صارت نكد انا اطلعت عشان الوضع المادي مش كتير مساعد اما لو كان وضعوا منيح كان اخترت البيت والولاد على هالتعب شوفي شو وضعو وقرري