سرايا - سرايا - انا عمري 32 ...الانسان الناجح هو اللي بعرف شو بدو من الحياه وايش اللي يناسبه ...اول مره اتقدملي ناس كان عمري 18 ورفضت ...ممكن تحكو كذابه بس جد والله ما في بنت مايتقدملها ناس ...وانا بالجامعه اتقدملي اكثر من شخص كنت دارسه تخصص هيك بحكو عليه توظيف وشكلي ماشي الحال وكلهم رفضتهم والله مش مدح بنفسي بس جد هاد اللي صار ...ما كنت بدي اتزوج ما كنت شايف الزواج من شب هو مستقبل بالنسبه الي ...مش هالشي العظيم اللي بخليني امشي بهيك خطوه...كان بالجامعه بحبني شب جدا متفوق وحاول يحكي معي كنت بصدو ...بس انا وين كانت عيني ..ع دكتوري بالجامعه ...زلمه عمرو 65...ماشالله ثقافه علم احترام اخلاق ركازه فهم ثقل ...صفات بحبها ..ما كنت بدياه ولا شي ..بس كنت بشوف فيه حلم حياتي ...كبرت وانا ببالي هالفكر ...حاليا بتقدملي شباب بالثلاثينات مطلقين وعندهم اولاد...انا عزابي ما بدي حتى واحد مع اولادو ....انا حنونه كثير ع الاطفال وهيك الناس بتشوفني مع اولاد اخواتي ...بس نظرى المجتمع لمرة الاب ...وكيف الولاد رح يكرهوها وكيف لو حكت كلمة اسكت الهم كلها بتنط وتحكي اسكتي يا مرة الاب..اتقدملي واحد عمرو 36..وعندو اربع اولاد مطلق ...ووضعو فوق الريح ..الشغله مش شغلة مصاري...اوك هي ضروريه..وبنفس الوقت بنت جيرانا اتقدملها واحد عمرو 60 ...مهندس مرتو واولادو مش عندو ووضعو ممتاز ...وهي ما بدها اياه ...انا هون انجنيت بدي اياه...حكيت مع امي حكتلي انا موافقه بس ابوكي مستحيل يرضى ...انا بدي هالانسان لانو هو حلم حياتي واذا هو كويس ومحترم معي خليني اشتغل ممرضه الو طول حياتي ما عندي مشكله ...واذا الله كتبلي خلفه عندو ..وانا ما بدي اخلف اكثر من واحد ...بربيه احلى تربيه.وانا شغل ما بدي اشتغل بدي اكون ست بيت ..انا هاي افكاري من عمر المراهقه ولهسه متمسكه فيها .زي ما بحكي المثل شايب يدللني ولا شب يشيبني ههههه...كيف بدي اقنع ابوي والله منا عارفه

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا