سرايا -

تسملت وكالة أنباء سرايا رسالة من أحد قراءها طرح من خلالها مشكلته، وتالياً نص الرسالة:

سرايا -  بالبدايه بتمنى من كل شخص راح يقرأ مشكلتي انو اذا كان عندو كلمه او حل يتفضل علي ويحكيه واذا ما كان عندو بترجاه ما يقعد يجرح بالحكي لان كل شخص معرض لهيك مشكله انا شاب عمري 40 عام وخطبت قبل اشهر وتاخري بالزواج طبعا لظروف ماديه قاهره واعيش الان انا ووالدتي واختي بمنزل بالايجار ووالدي متوفي من 3 سنوات امي واختي معهم تامين صحي حكومي من وزراة التنميه جزالهم الله خير وبنستلم من وزارة التنميه مبلغ 53 دينار ووالدتي مريضه ومعها الضغط والكلى والنقرس وادويتها مش موجوده بمستشفيات الحكومه وبشتريها من الصيدليات وهي مكلفه بس الحمدلله باتكالي على رب العالمين بامنها. والحمدلله على كل شي انا عندي عجز بعيني اليمين بنسبة 80 بالميه واعاني من الام بالضهر بعد سقوطي عن سطح البيت. طبعا مستاجرين البيت من زمان قيمة اجاره 52 وبندفع اجرته بالبنك لصاحبه والحمدلله عمرنا ما تاخرنا بالايجار ومن فتره صار صاحب البيت يطالبنا بالرحيل واحنا ما بنقدر نستاجر بيت بأجره اكثر لان دخلنا ما بتحمل مع مي وكهربا وصار يجيب ناس معه يشوفو البيت وانا مش موجود فيه ويجيبهم ووالدتي واختي بالمنزل يعني تطفيش ويصرخ عليهم وانا مش موجود فحكيت معه تلفون وحكتله بشكي عليك اذا بتجيب ناس وانا مش موجود رد علي قلي انا بدي ابيع البيت ..طبعا البيت قيمته 14 ولما حكيت مع المخمن ال اجا وقدر ثمن البيت قلي الزلمه طفران وبدو يبيعو يعني لو اعطيتو 10 بقبل وحكيت مع رجال الحاره الكبار وحكولي احنا رح نساعدك قدر استطاعتنا وما قدرو يلمو اكثر من مبلغ الفين دينار. ولما امي تسمع بسيرة صاحب الدار انو بدو يطلعنا بتخاف وبتصير حالتها سيئه وبوقف عاجز امام حزنها لا نملك من حطام الدنيا شيء واقسم بالله احيانا بنبات بدون عشا وانا ما بحكي هيك عشان تعطفو علينا او تشفقو بس انا بشرحلكم وضعنا المزري وايمانا بالله كبير ملاحظه والدي ما كان بالجيش يعني ما في النا تقاعد او ضمان او اي شي بنستند عليه غير شغلي وراتب التنميه والحمدلله مدبرين حالنا وخطيبتي بنت ناس حكتلي رح نسكن مع اهلك بنفس البيت عشان ما نتركهم ويزيد المصروف والحمدلله وبتمنى ما حد يجرحني بالكلام وانكم تدعو لربنا يفرجها علينا سامحوني اطلت عليكم بشرح موضوعي

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا