تسرعت في القرار ولكني ندمت

01-05-2018 09:56 AM

تعديل حجم الخط:

سرايا - "انا شب حبيت بنت 5 سنين والبنت بتحبني لدرجه بتموت بكلمه مني عندها ربنا بالسما وانا عالارض ووعدتها اخدها بس اخلص جامعه واستنتني كثير وصبرت علي ..وبعد ما خلصت جامعه اهلي عارضو انه اوخدها وسنه ونص وانا اقنع فيهم لوافقو وصار النصيب وخطبنا وباول يوم طلعت من نفسي بطلت طايقها واختفيت عنها وبطلت احكي معاها ولا تعرف عني اشي .. صارت حجه عندي وعند اهلي الحفله وتاني يوم ما صدقت والا اخلص منها وطلقتها وكنت عارف انها رح تموت وراي بس كنت خلص ما بدي اياها .. وباليوم الي طلقتها فيه قبل ما اطلقها كانت تبكي دم قدامي وما تاثرت وبعد ما طلقتها وروحت انجنيت عألي عملته واندمت ندم عمري .. وهسا بدي البنت وبدي اخطبها لانو بحبها وهي مش قادره تبعد عني بس المشكله مش فيها المشكله باهلي بدي طريقه اقنعهم يطلبولي اياها لانه اهلي ما حبوها بالمره وحكولي اذا بدك اياها روح اخذها واحنا بنتبرا منك
اعطوني طريقه نرجع لبعض فيها"

طباعة

المشاهدات: 24224


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	01-05-2018 09:56 AM سرايا
2 -	اخي العزيز دامك تحبها وتموت عليها وهي بتحبك ليش تتركها والله مني عارف شو احكي انت جرحتها جرح بعمرها مارح تنسالك اياه حتى لو رجعت الك مارح تنسالك هالموقف ودامك ماصدقت وانت تخطبعا وتقنع اهلك فيها لي تركتها بنص الطريق انت مابدك نصيحه لانو انت خربت الشغله بايدك وحلها اذا تقدر تحلها واهلك مارح يوافقو لانو ماصدقو وهم يخلصوا ويمكن لو حتى وافقوا رح تضلي فجوة كبيره بينك وبينهم وبين البنت الي تحبها بالاخر مارح يصير غير الي الله كاتبو	01-05-2018 02:18 PM امل التبليغ عن إساءة
3 -	يا زلمه روح انصرف هو مفكرها لعبة ولاد صغار مره بدك ومره بدكاش ما دام عارف حالك ولد ومش عارف تقرر لا تربط بنات العالم معك ... ما اثقل دمك	01-05-2018 04:38 PM التبليغ عن إساءة
4 -	كتابتك نوحي لي شخصية مغرورة معقدة سادية ..............بنت تعيسة تحب شكلك التافه ..............فانت ساويت بينك وبين الله .........	01-05-2018 06:52 PM الى اله الارض التبليغ عن إساءة
5 -	حاضر هاد الفلم قبل هيك بش مش متذكر اسمو	01-05-2018 10:07 PM مدمن افلام هندي التبليغ عن إساءة
6 -	المثل بقول تزوج من تحبك لأنها ستفعل المستحيل لارضائك همه اهلك اللي بدهم يتزوجوا ولا انت ضعهم تحت الامر الواقع	02-05-2018 12:26 AM ابو طارق التبليغ عن إساءة
7 -	ببساطة انت مريض نفسي بحاجة لعلاج مش لزواج	02-05-2018 11:37 AM اوديت التبليغ عن إساءة
8 -	شغلك شغل ولدنة بس تصير زلمة روح اخطب بنت الناس	02-05-2018 11:52 AM يوسف التبليغ عن إساءة
9 -	خطبتها وندمت بعدين طلقتها وندمت ... حياتك كلها ندم ههههههههههههه	03-05-2018 04:19 PM Necromancer التبليغ عن إساءة
10 -	انا صار معي نفس الي صار معاك اقسم بالله وطلع معمولي سحر تفريق بخليك تكرهها ومااطيقها وهي كمان يعني خيو ماراح ترجعلك انساها الا اذا ربنا بدخل بموضوعك	06-05-2018 08:42 AM احمد التبليغ عن إساءة