ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

انت مو بحاجتها زي ما بتقول؛ انت عندك فراغ كبير بحياتك ولانك تعودت عليها وعلى اللي كان بينكم عشان هيك متعلق فيها؛ انا شخصيا رأيي الشخصي ابعد عن البنت؛ اتركها تسافر على أوروبا؛ الموت أقرب إلك من حبل الوريد واقرب الك من رمش العين؛ بتقول انك التزمت وأطلقت لحيتك مع انو اللحيه مش معيار بالالتزام؛ الالتزام بالصلاة والصوم والعبادات وقيام الليل والبعد عن المحرمات وكل ما يغضب الله وهاي البنت رح ترجعت لكل ما يغضب الله الى جانب انو لو تزوجتها رح تكرهها بعد الزواج وتقرف منها وتبطل تحبها ورح تسير تزكرها باللي عملته معك ورح تسير تشك فيها انها بتعمل علاقات محرمة متل ما كانت تعمل معك؛ فإبعد عنها واتركها لحالها ما بتناسبك؛ البنت متحرره وأهلها كذلك؛ دور على اللي بتخاف الله وتصونك وتصون بيتك بغيابك بنت دين وبتعرف الله في الرخاء وفي البلاء وتحترم اهلك وتعتبرهم زي أهلها؛ لو هي رجعت لا ترجع انت؛ اقطع عليها الطريق؛ الدنيا قصيره والموت أقرب الك من حبل الوريد؛ انا نصحتك وعقلك براسك تعرف خلاصك؛ لساتك على طريق النجاة احذر من الهاويه!! ربنا بعدها عنك في المرة الأولى عشان ينقذك من الحرام وعشان يختبرك اذا رح تقاوم ضعفك وضعف ارادتك أو رح تستسلم وتنجر للحرام مرة تانية؛ زواج غير مناسبة إلك ولا واحد بالميه؛ رجوعك إلها واضح شو هدفه؛ اترك البنت تسافر وتشوف حياتها وانت شوف حياتك بعيد عن الحرام؛ نظف حالك من جوا وطهر قلبك واحنا بأيام فضيلة شهر رجب الدعاء فيه مستجاب بلا أدنى شك واستغفر ربنا رح يقبل منك وبعد رجب شهر شعبان افضل الشهور الدعاء فيها لا يرد وبعد شعبان أعظم الشهور اللي نزل فيها القرآن على سيدنا وحبيبنا ونبينا محمد صلوات ربي وسلامه عليه؛ كرس نفسك لله ورح يعوضك العوض الجميل؛ صبر جميل والله المستعان.