سرايا - وصلت سرايا رسالة من احد قرائها يريد حلاًً ،وتاليا نص الرسالة:
 
مشكلتي مع خطيبتي والله يا اخوان الي سنة خاطب وبتعرفوا الواحد برن يطمن ويحكي مع خطيبته سنة كاملة وانا بحكي معاها وبنطلع بس لما بحكي معها على الموبايل بتكون المكالمة ساعيتن.
 
 كلها  "اه"  " لا " يعني انا بفتح مواضيع على انه نحكي نتناقش بس هي ما بتناقش كل اجوبتها اه لا طيب ماشي متل ما بدك ومن هالاجوبة يلي متل اجوبة واحد بتحقق معاه من قبل جهة امنية دون اي اضافات اخرى ، كل المكالمة سوال وجواب ، انا سئل وهي بتجاوب .
 
 حتى لما بنطلع مرات ولا بتحكي ولا بتناقش بحاول استفزها او احكي كتير مشان تتفاعل معي وتحكي لكن عبس "لا حياة لمن تنادي" ، امرات تحكيلي انها بتحاول انو تحكي كثير بس ما تعرف .
 
 مرات بحس انه لو اسكر الموبايل واناقش حالي بكون احسن لانه جد ما بتناقش وما ابتفتح مواضيع بالمرة ، بحس انها بدها تخلص المكالمة بسرعة شو اعمل غير ارصيد الي بروح هيك والله مو على الرصيد والمصاري بس حلو الواحد تكون شخصيته قوية ويناقش بكل قوة وثقة.
واذا انا ما حكيت وضربت على تلفونها هي ما تحكي ولا تضرب على تلفوني الا ما نذر .
انا بحبها كتير وهي بالنسبة الي رائعة واكثر من رائعة بس هدوئها بجنني بجلطني حاب تتفاعل معي بالنقاش ولو يوم بس حاب انه اجوبتها تتعدي الاجابات المغلقة مثل صح وخطأ .
شو اعمل؟؟ .... انصحوني 

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا