سرايا - وصلت سرايا رسالة من احد قرائها يريد حلا,وتاليا نص الرسالة:
 
السلام عليكم يا اخوان انا كل رمضان بعاني من هاي المشكلة والله العظيم طفح الكيل ولا بحياتي نمت برمضان مثل العالم والناس عنجد بدي اعرض عليكم مشكلتي وياريت ما تتمسخروا لانه عنجد بالنسبة الي مشكلة ومستلبسيتني من زمان بكل شهر لرمضان.
 
المشكلة هي انه دائما برمضان باجي بدي احط راسي وانام وبكون ميت من النعس لكن اول ما بدي انام وبتعرفوا عز النومه بكون يعني.
 
ومابلاقي الا واشي صار يخبط بصوت عالي مع وجود نغمات رنانة بموهبة عالية وبصوت عالي جدا جدا بقوم حتى اشوف شو هاد الي بخبط بطلع المسحراتي بخبط على الطبله الي حاملها كل ليلة تقول انه مابصحي الي بالاردن لا وعلي الجيرة انه بصحي الي باميركا من صوت الخبطة بس.
 
مش بس هيك عليه صوت ياعيني ياعيني شو انه حنون لا لا مابصحي الدنيا كلها بفغره صوت وحده ابدا والا انامله لما تلعب على الطبل وتنسم معاه ويصير بتفنن بالموسيقي الطبلية الساعة 3 و 2 الفجر.
 
وانا هالمسكين ولا مرة برمضان تهنيت بالنومة لهاي الاسباب اي والله العظيم صرت احلم فيه حلم والمشكلة مش هون المشكلة كمان انه مرة هالمسحر مغلب حاله وبطبل تقول بطبل لاغنية والا لرقا... انداري وطلع مفطر بالاخر شو اعمل منشان الله بدي انااااااااام نفسي انام برمضان بدون مايعكر على النومه جد مش طبيعي محر اربد بصحي الي بعمان ومسحر عمان بصحي الي بالعقبة والي بالعقبة بصحي الي بالسعودية.
 
نعم لسحب الطبلات من كل المسحرين نعم لاختيار مسحرين طبقات اصواتهم خفيفة هم لايسمعونها نريد النوم نريد النوم.

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا