حرية سقفها السماء

وكالة سرايا الإخبارية

إبحــث في ســــرايا
الخميس ,28 مارس, 2024 م
  • الصفحة الرئيسية
  • فن
  • نزار الفارس: حورية فرغلي قالت محدش راضي يتجوزني فعرضت عليها الخطوبة ووافقت
طباعة
  • المشاهدات: 69926

نزار الفارس: حورية فرغلي قالت محدش راضي يتجوزني فعرضت عليها الخطوبة ووافقت

نزار الفارس: حورية فرغلي قالت محدش راضي يتجوزني فعرضت عليها الخطوبة ووافقت

نزار الفارس: حورية فرغلي قالت محدش راضي يتجوزني فعرضت عليها الخطوبة ووافقت

30-05-2023 09:30 AM

تعديل حجم الخط:

سرايا - رد الإعلامي العراقي نزار الفارس على اتهامات حورية فرغلي له بفبركة قصة خطوبتهما، بحثاً عن الترند، وتهديدها له بتحريك دعوى قضائية ضده، وأكد أنه عرض الزواج بالفعل على حورية أثناء تسجيل حوار داخل منزلها، وأشار إلى أن حورية وافقت بالفعل، ولكنها ادعت بعد ذلك أن القصة كلها كانت مجرد دعابة.

أضاف نزار الفارس في فيديو نشره عبر استوري حسابه الرسمي بموقع إنستغرام: اللي حصل أننا كنا في البرنامج وحورية كانت بتقولي أنا كبرت في السن وعمليات التجميل وده كله مش هتخلي حد يحبني ويتجوزني ومستعد أتجوز مرة تانية، فقولتلها لا طبعاً لو عرضت عليكي الجواز دلوقتي على الهواء تقبلي تتجوزيني، فرحت جداً وقالت موافقة وقمنا رقصنا سوا وكنا المفروض هتتقابل تاني.

وتابع حديثه قائلاً: استغربت أما حورية فرغلي فطلعت قالت أن خطوبتنا مش حقيقي واستغلني.. هي كانت منكسرة وبتقول محدش راضي يتجوزني قولتلها أنت فنانة جميلة وأنا عراقي وبطلب إيديك على الهواء ووافقت وقومنا رقصنا واتصورنا وكانت فرحانة وسعيدة.

يذكر أن حورية فرغلي كشفت عن صدمتها من ترويج أنباء خطوبتها على نزار الفارس، فقالت: أنا بجد بقيت أخاف من الناس فعلاً، البرنامج ده بيكلموني من أسبوع وبيقولوا أستاذ نزار عايز يقعد معايا وكنت أول مرة في حياتي أشوفه امبارح وفتحت لهم بيتي والمصورين والإضاءة والصوت، أنا قاعدة مع مامتي وأول ما دخل قعد قالي إنتي بتحبي ماجد المهندس قالي تحبي ترقصي على الأغنية واتصوروا عادي وكنت بجامله عادي وبرحب بيه وهو من أول ما دخل بيصور فيديوهات بالموبايل.

وتابعت حديثها: كنا بنعمل الفيديو هزار وهو عمل الكلام ده واحنا بنهزر مش بنصور، وأنا دلوقتي قررت مش هعمل أي لقاء مع أي صحفي أنا فتحت بيتي ورحب بيه وكنت تعبانة وعملت معاك اللقاء ليه تعمل فيا كده.

وأضافت: لو اتجوزت مصر كلها هتعرف عشان هبقى فخورة وأنا مش هتجوز دلوقتي ولا في حد في حياتي، يعني ايه تعمل كده مش من حقك تقول طب اسإلني تتجوزني ولا وتروح تكتب في كل المواقع أنا اتجوزت حورية فرغلي.

رواية شاهد عيان تنصف حورية فرغلي

وتدخل معد برنامج نزار الفارس ليؤكد صدق رواية حورية فرغلي، وقال حسام مجدي: طيب ياجماعة علشان الموضوع فجأة بقى منتشر في مصر كلها.. الإعلامي نزار الفارس كلمني علشان أعمله الإعداد الخاص بحلقة حورية فرغلي.. اتفقت معاها وكانت لطيفة جداً.. صورنا الحلقة في بيتها..واحنا في البلكونة نزار قالها انتي مرتبطة قالتله لأ.. قالها طيب ايه رأيك فيا..أنا يشرفني أخطبك وحورية ضحكت وقالت أنا موافقة.. أثناء التصوير رجع تاني قالها ممكن نرقص مع بعض ورقصوا..وبعدين قعدوا يسمعوا قرآن علشان هي بتقول إنها خايفة من الحاجات اللي بتحصل في شقتها.. فجأة لقيت السوشيال ميديا كلها بتتكلم عن خطوبة نزار وحورية.. الموضوع من أوله لآخره كان هزار..مش عارف مين عمل كده.
 


لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا






طباعة
  • المشاهدات: 69926

إقرأ أيضا

الأكثر مشاهدة خلال اليوم

إقرأ أيـضـاَ

أخبار فنية

رياضـة

منوعات من العالم