سرايا - انا بنت عمري 21 كنت خاطبة بشب كنت احبو وكان يحبني وقعدت فترة الخطوبه 9 اشهر وكان ضايل شهر للعرس وبلشت اشك انو بيحكي مع بنت خالتي اقرب الناس الي ما كانت تفارقني بكلشي من اسئلتو عنها وعن اهلها.. علمآ انو انا احلى منها بكتير وكل ما يجي عنا كانت النضرات بينهم متبادله ومع تبادل ابتسامات انا نص شكوكي انو في علاقه بينهم ونص شكوكي انو هاد الشي تبادل احترام وحكيت بديش اظلمو ولا اظلمها دققت في الموضوع مسكت مرة تلفونو وكتبت رقمها مسجلها احمد شغل وهي مسجليتو امي وبس اتآكدت انو بيحكي معها وفي بينهم شي تركتو
بس ما حكيت لحد من اهلي او اهلو شو سبب الانفصال حكيت فش بينا توافق ابدا
طبعا ما حد اقتنع بكلامنا انو شو السبب الي خلاكم تنفصلو قبل العرس بشهر

المهم النا تاركين تقريبآ 6 اشهر ومن يومها لحد الان بيبعت اهلو وناس لعندنا مشان نرجع ونتزوج وانا رافضة بشكل نهائي
قبل 4 ايام طلعت على السوق وصدفتو لانو عندو محل اللبسة بالسوق ومشي وراي وانا فتحتلو مجال يحكي عشان الناس ما تاخد انطباع عني انو كيف شب بيلحق وراي حلفلي ازا برجعلو ما عاد يرجع يكلم بنات ولا يزعلني
انا طنشت الموضوع لحد امبارح الخميس كلمتني امو بتبكي بتحلف بالله انو الو 4 ايام ما بياكل ولا بيشرب شي وحكتلي انو فات البيت بيبكي حكتلو مالك حكالها شفتها وحكيت معها

وانا محتارة شو اعمل انا تقطع قلبي على دموع امو وبنفس الوقت ما بدي اياه