سرايا - انا شب عمري ٣١ سنة نوعا ما متزن ما اللي على الصداقة مع البنات حتى بمجال الشغل، كنت بس سلام سلام اجت الايام وراحت اتعرفت على بنت بمجال شغلي الصراحة ماكنت اهضمها مع الايام تقربت مني وصدقاً مابعرف ليش تقربت منها مع انها مرتبطة .!! المهم مع الوقت حبيتها وصرت أحب اداوم مشان أشوفها، فجأة البنت حكتلي انا رح أخطب حكيتلها مبروك بس مابزبط نظل نحكي، لاعقل ولا دين بقبل انة نحكي أحاديث خاصة، حكتلي والله اني بعزك ومستحيل اتخلى عن صحبتك وصدقتها وعلاقتنا قوية أكثر بعد ماخطبت، وظلت علاقتنا قوية، انا بعرف اللي كنت بعملة غلط بس ماكنت قادر ابعد كل يوم كنت بتعلق أكثر من اللي قبلة وهي عمرها ماحسستني انة اللي بعملة غلط كانت تكتفي بكلمة انت صاحبي وبدي تظل صاحبي، حتى اجى يوم وحكتلي انت المفروض كنت تفهم لحالك انة انا خاطبة وحكيك معي غلط، وقتها انا انجنيت كيف تحكي معي بهيك اسلوب، قصتي الها زمااان بس مش قادر اتحمل فكرة اني سمحت لنفسي انجرف بعلاقة غلط وحبيت الإنسان الغلط علاقة استهلكت مني مشاعر صادقة ارقتني أيام واسابيع، مش قادر اتحمل فكرة انها استخدمتني لتسد نقص كانت محرومة منة، وأنا تعاملت بكل برآءة، مابعرف كيف ممكن اطلع من هالدوامة

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا