09-07-2020 10:03 AM
سرايا - شاء القدر و امي وابوي اطلقو ،انا عايش مع ابوي كنت اروح عند امي زيارات ،( للتوضيح امي كثير منيحة وطيبة وعلاقتي معها ما فيها اي مشاكل ابدا ) ..المهم تزوج ابوي بعد امي . انسانة صالحة و بتصوم وبتصلي وبتقوم ليل و بتشغل قرأن ، ما بتغتاب او بتنم ع حدا .ولا مرة زعلتني او زعلت ابوي . وكثير بتهتم في ومعاملتها بتجنن .. كنت مهمل بدراستي شجعتني اكمل تعليمي وباعت ذهبها عشان تحطني بمراكز للتوجيهي .اشترتلي سيارة من حسابها الخاص .. كنت ما بصلي علمتني وحطتني بمركز تعليم قرأن ،كانت تدعمني بكلشي وترفع معنوياتي ، وبيوم وليلة بتفاجئ انو امي رنت علي قال شو بعد كل هالسنين كيف وليش ما بعرف، صارت بدها ترجع لابوي قال عشان ما اضل مشتت ،المهم بعد مدة اقتنع ابوي ورجعها ، وكان شرطو تسكن معنا بنفس البيت لانو ما عندو القدرة يستأجر بيت .. وهون حصلت الكارثة صارت امي كل يوم تعمل مشكلة لمرت ابوي ،وامي سبب المشاكل، و بيوم امي عملتلها مشكلة كبيرة وانا شهدت مع امي كذب خوفا من غضبها علي . وللاسف ابوي طرد مرت ابوي من البيت وهلا هي حردانة عند اهلها بسببي وسبب امي. من لما حردت امي تدهورت صحتها .انا عملت حادث كنت رح اموت .. قطعت حفظ القرءان .. كنت رح اخسر شغلي .. راتبي ولا قادر احوش منو قرش..حاسس الله بعاقبني وكل هذا خطيتها ، ساعدوني كيف اصلح كل هالخبايص بحل يرضي ربنا ويرضي امي وكيف تسامحني مرت ابوي
لمتابعة وكالة سرايا الإخبارية على "فيسبوك" : إضغط هنا
لمتابعة وكالة سرايا الإخبارية على "تيك توك" : إضغط هنا
لمتابعة وكالة سرايا الإخبارية على "يوتيوب" : إضغط هنا
1 - |
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
|
09-07-2020 10:03 AM
سرايا |
2 - |
وَإِن جَاهَدَاكَ عَلَىٰ أَن تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا ۖ وَصَاحِبْهُمَا فِي الدُّنْيَا مَعْرُوفًا ۖ وَاتَّبِعْ سَبِيلَ مَنْ أَنَابَ إِلَيَّ ۚ ثُمَّ إِلَيَّ مَرْجِعُكُمْ فَأُنَبِّئُكُم بِمَا كُنتُمْ تَعْمَلُونَ
|
12-07-2020 12:33 PM
شاهين التبليغ عن إساءة |