سرايا - نحنا بشهر فضيل بلاش كلام الي ما اله داعي رجاءا يعني شو ما شفتو مشاكلنا صغيره عليكو بس هي مرهقيتنا عشان نفيض بها بهذه البيج الي بعمل زي طبيب نفسي وكانك بتشاور لحالك وبتلاقي ناس ترد عليك بعقلك المهم


يا جماعه الخير انا شب زي هالشباب أبوي زلمه كان عقده بس ربنا اكرمهم بفضل رضا جدودي عليه وصبر امي والحمدلله ربنا اكرمنا وفاض بس ما حدا متهني انا معي شهاده طب وما اشتغلت فيها غير كم شهر لظرف طبي وبشتغل مع ابوي حاليا والحمدلله طبعا خطبت كثير وقليل وناس ترفض وناس تقبل وبعدها يصير مشاكل يعني قصصي مع الزواج طويله وبتحطم معنويات اي شب بالكون انا ابوي زلمه متدين واحنا عائلة بنخاف ربنا المهم يعني بعد قصص الي صارت معي ثقتي بنفسي كانت كثير قليله هذه الي بدي اوصله
قبل ٥ سنين سكنو ناس قبالنا بلكونتهم زاويه جايه ع بيتنا بالضبط وعندهم بنت قمه في الجمال جمال لا يمكن وصفه بحياتي ما شفت اجمل منها رغم اني زرت بلدان كثيره الها اول ما الها اخر وابوي اول ما سكنو كثير حب ابوها واختلطو معهم مع انو ابوي ما بختلط بالجيران ابدا المهم البنت كثير راقيه واهلها يعني ناس من طيبتهم بتفكرهم مش موجودين بالدينا الصراحه انا تعاملت مع ابوها كذا مره ومن قلبي حبيته المهم البنت بتلبس عادي مش شرعي بتلبس حجاب بس مش شرعي وخواتي كلهن مخمرات يعني بتقدرو تحكو احنا بنختلف عنهم كثير انا ساكن بالطابق الثاني لاهلي ما بنكر اني بالصدفه شفتها ....هم مش كتير بناتهم بختلطو بالحي وكأي شب طبيعي عجبتني البنت الصراحه كانت تطلع على بلكونتهم وهي مش محجبه واحيانا بتكون يعني لابسه لبس البيت العادي
ولانو البلكونه على المطبخ دايما مفتوحه حاطين شي بس وقت يطير بشوفها وهي بتطبخ بتجلي مفكره ما حدا شايفهم لانو بلكونتهم جايه زاويه بش انا كنت اشوفها كنت احاول اغض البصر بس جمالها ملفت بكل المقاييس والبنت مش من البنات المتاحه بتحسهم بحالهم ببالهم ما بتهتم لحدا لو حاولت اتقرب منها ما اضن الاقي قبول وبالنهايه ما بقدر لانو ببساطه شديده كانت ثقتي بحالي صفر وحده زيها عمرها ما رح تقبل في مع انو بالتعليم هي اقل مني بكثير دارسه جامعه تخصص عادي وبالمصاري ابوي كثير وضعه احسن من ابوها بس هي برضو بنت عز واهلي كمان ناس محافظين جدا المهم بعد ٥ سنين وانا اشوفها واحس بمغص بمعدتي لما اشوفها وطبعا لناس الي بدها تفكر اشي ثاني كنت اشوفها زي الملاك اشي برا العالم مش شهوه زي الكل ما رح يفكر لا......حتى اخوي لما اجى حكى ابادله بالطابق ما رضيت خفت عليها منه وانا عارف اخوي شب كثير محترم ومربى بس ما حبيت انو يشوفها غيري زي كأنه بغار عليها ... المهم
ابوي كثير شخص محترم ورغم حبه لابوها ابوي عندو قاعده بكل زواجات ولاده يعني بتمنى ما تسبو عليه بس زلمه عقله قديم عاش بالأردن وانولد فيها بس خلص عقله هيك الزلمه ابوي ما برضى يعطي بنت او شب غير لفلسطنيه والبنت كانت اردنيه يعني ما قدرت افتح الموضوع مع ابوي عشان عارف عقله ما رح يرضى مع انو بحب ابوها وبحترمه قد الدنيا وقت يشوفه يقول شايف حدا من الصحابه على قد ما بحبه بس خلص مبدء عنده وامانه الله عليكم ما حدا يجيب سيره العنصريه هاي شغله فيه ....لا انا ولا اخوتي الي اكبر مني قدرو يشيلوها من راسه المهم طبعا عشان كنت عارف اني ما بقدر اتقدملها وانا بهيك حاله ولا اصلا ابوي او حدا من اهلي رح يشجعني عشان السبب الي حكتلكم اياه وما كنت اصلا ضامن انهم يوافقو وحتى لو خفت علاقة ابوي بابوها تخرب لو فتحت هذه الباب يعني اذا اهلها رفضو ابوي عقله صعب خليتها البنت بخيالي ودايما كل ما اسمع صوت حفل عندهم بروح اطمن خطبت او لا ضل جزء مني متعلق بذكرها حتى لو من بعيد ....خطبت بنت حلال ومحترمه وثبتت الخطوبه الحمدلله وتجوزنا النا كم شهر مرتي كثير بحبها وبحترمها وبنت ناس واهلي فرحو كثير فيها يعني ما عليها حكي وتركت هديك البنت لخيالي لانو مستحيل احصلها بالواقع وفعليا نسيتها فتره وانشغلت بعد ما خطبت وبطلت اضل استنى طيفها عشان المحه بس عشان احسن انو يومي مبارك مبارح كانت مرتي عازمه اهلها وناس كثير على افطار رمضان وكان الي زمان ما طلعت ع البلكونه الي بتطل عليهم بس عشان الناس والعجقه طلعت اشرب سيجاره ومش خاطره ببالي بس طلعت وقعدت ع البلكونه حسيت قلبي عداد شميت الهوا الي جاي من طرفهم كانت زي الملاك وشعرها بهفف وبطير خصله مع نسائم الهوا
والبنت بيضه بمعنى الكلمه لدرجه بحسه بتاضي بالعتمه بحس نور طالع منها ما بنكر ما قدرت انسها من وقتها حتى اني رجعت اقعد مع الجماعه وانا مبسوط ومتحمس لدرجه مرتي حست علي وكانت فرحانه بفرحي حبيت اطلع الي بقلبي لاني حسيت اذا طلعته يمكن ارتاح

يا جماعه لا تفكروني اني بخون مرتي ولا اني بحب غيرها ولا اني مستعد بيوم اتجوز عليها ولاني بفكر بهديك البنت كمرتي
هي بالنسبة الي حلم كثير حلو بس لا يمكن تحقيقه مستحيل ومرتي هي واقع جميل بعيشه كمان

هاي بس لهفات وبتروح لحالها وكلها كم يوم وبنسى زي قبل بس لانو كان الي زمان ما شفتها فطولت معي شوي

بس في شغله بتصير معي كل ما اشوفها بحلم فيها انها جنبي وبطلع عليها المره هاي حلمت حلم كان غير شوي كان شهواني اكثر لدرجه اني احتلمت فيه بس رح يضله حلم بالنهايه

واكيد في ازواج كثير فاهمين قصتي وناس فاهمين شو بحكي

طبعا الله يوفق الجميع هسا خلصت كتابه وحاس براحه كبيره جدا جدا

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا