زوجتي توفت بمرض السرطان

07-02-2019 08:28 AM

تعديل حجم الخط:

سرايا - انا عمري ٣٥ سنة تزوجت قبل ١٢ سنة من ملاك وقضيت معها احلى سنين حياتي وتحملتني ووقفت معي بكل اشي بس شاء الله انه يبتلينا بمرض السرطان وتوفاها قبل خمسة سنوات
ما بمر يوم ما بدعيلها فيه بالرحمه وبستغفرلها بعد كل صلاة، القصة انه انا كنت شايل من بالي فكرة الزواج نهائيا بس بعد مرور ٥ سنين وبنتي الوحيدة عم تكبر وضغط من الاهل اني اتزوج خصوصا انه انا ساعات عملي كثيرة وما في ام في البيت تدير بالها عالبنت وبنفس الوقت انا عارف اني ما رح احب اي انثى بالطريقة الي حبيت فيها مرتي فما بدي اظلم بنات الناس معي وخايف كمان الموضوع ينقلب علي وما تعامل بنتي بشكل كويس خصوصا انها اغلى اشي عندي بالوقت الحالي وامي كبيرة بالعمر ما بتقدر تضل عندها"

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 13780


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	07-02-2019 08:28 AM سرايا
2 -	الله يرحمها برحمته الواسعة . هو كل واحد بالدنيا يلي قدفيه مكفيه . و انا والله العظيم إني مقدر وضعك بس برضو كمان بصراحة نادرآ ما إنك تلاقي بنت وافقت عواحد معه اولاد . بتصير تحكي شو يلي جابرني اخدم اولاده و انا مش مجبورة فيهم ؟ فالأفضل إنك تتزوج أخت زوجتك أو بنت عمها او وحدة من قراباتها او صاحباتها لإنه ما في وحدة بتتعامل هاي الايام مع اولاد زوجها متل اولادها . قد ما تكون بتحب زوجها خاصة إنها بالعادة زوجة الاب بتنظلم من نظرة الناس لإلها و بمجرد ما تكشر بإبن زوجها ببهدلوها لهيك ما وحدة بترضى تمارس دور زوجة الأب لإنها وجع راس . ان شالله ربنا يرزقك الزوجة الصالحة .	07-02-2019 11:46 AM أبو طلال التبليغ عن إساءة
3 -	أنا مع ابو طلال . فعلآ زوجة الأب بالعادة مظلومة لما إنها تقصر مع اولاده و هي بالأصل مش مجبرة فيهم ولا مجبرة بواحد من اهله هي مش مجبورة إلا بزوجها و اولادها و غير هيك هي فضل و كرم منها إنها تخدم حدا بالمجان . إلا إذا إنك تزوجت مطلقة و معها اولاد و يعيشوا تحت جناحك و رعايتك و إنك تصرف عليهم متل ما إنها هي كمان رح تدير بالها على بنتك و تغسل غسيلاتها و تكون إلها أم و انت كون اب لاولادها لحتى يصير العدل هيك و لحتى ترضى فيك وحدة . هاي الصراحة والله العظيم . موفق	08-02-2019 07:04 AM سامر التبليغ عن إساءة