سرايا - وصلت سرايا رسالة من احد القراء يريد حلا وتاليا نص الرسالة كما هي:
سرايا-السلام عليكم : انا شاب عمري 23 سنه كنت صاحب محل ولعدم صبري سبت المحل وبعتو بخسارا عشان مو قادر اصبر عليه عبل ما يشتغل كويس مع العلم انو المحل ئلي كنت بملكو كان يسكر المصاريف وكان يصرف علي تقريبن بس مع ذالك انا سكرت المحل عشان طمعت بمصاري اكتر وهلا صرلي سنه تقريبن مسكر المحل المشكله اني مش قادر اشتغل عند العالم ما بتحمل انو حدا يئمرني وكل ما اشتغل بشغل ما بقعد فيه اكتر من شهر والمحل ئلي بشتغل فيه شهر بكون بنسبه لئلي طولت فيه وحالين صرلي 8 تشهر ما بشتغل وحياتي تخربشت بسهر طولل اليل وبنام طول النهار بس رح اموت من القعده في البيت زي النسوان وما حدا فيكم يقلي روح اشتغل عشان مو قادر اشتغل عند الناس بعد مكنت صاحب محل وعندي موطفيني لئلي ولا بتحمل ولا بعرف اشتغل ولا بطيق اسمع كلمه من صاحب الشغل وعلى السريع بعصب وبترك المحل وحالين ما فيه معاي مصاري افتح محل فكرت اغير مهنتي بس بردو ما قدرت شو اسوي بحالي فكركم ؟ وما حدا يفكر اني بكتب هون عشان الاقي شغل عشان انا بعرف عبر موقع سرايا ما فيه مجال انو حدا يتواصل مع التاني . بس الموضوع اني تعبت نفسين كتيرر وصرت وحيد وما بحكي مع حدا وكئيب لئبعد الحدود وئلي ئيدو بل ماء مو زي ئلي ئيدو بنار بس الحمد الله على الصحه وعلى كتيررر شغلات الحمد الله

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا