منزعجة من اسئلة اقاربي

29-01-2019 08:25 AM

تعديل حجم الخط:

سرايا - السلام عليكم انا بنت عمري 28 سنه متزوجه من تمن سنوات خلفت بنتين ورا بعض وكان حملي صعب والولاده اصعب زوجي شخص مثقف ومحترم وبعز علي تعبي بس الناس مش راحمه بضلو يسالونا متى بدنا نجيب ولد وليش لحد الان ما حملت وجبت ولد المهم زوجي قرر اني اعمل حقن مجهري واحدد الجنس واجيب ولد ومشينا الامر بالسر وما حد عرف لا اهلو ولا حد وقت الفحص عملنا فحص حمل وطلعت حامل وبعدين اهملت حالي شوي وبطلت اراجع ع السهر الرابع فحصت وكانت المفاجئه اني حامل يتوآم وهم ولاد انبسطنا كثير وبكينا من الفرحه بس احنا حقنا بيبي واحد كيف صارو تنين طبعا كلو بايد ربنا ومن الاصل كان كاتبلنا بولد بس احنا استعجلنا وعملنا حقن انا كتبت لانو ضميري كثير بانبني من ناحيه انو عملت اشي حرام واعترضت ع شغله ولاد وبنات وايدت جوزي بشغله الحقن دايما خايف وندمان بضل استغفر وادعي ربي ما يضرني باولادي وبناتي ارفعولي معنوياتي لاني حاسس بغلط وبتانيب ضمير

طباعة

المشاهدات: 21673


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	29-01-2019 08:25 AM سرايا
2 -	احمدي ربنا اول شي وتاني شي ان شاءالله يطلعوا اولادك سالمين معافين ويكتونو سند الك وانبطسي وافرحي وما تنغصي عحالك او زوجك الفرحة	29-01-2019 01:58 PM عاشق التبليغ عن إساءة
3 -	شو دخل قرابك فيك؟ متل بعض الناس لما يسألوا البنت العانس ليش بعدك ما تزوجتي ؟ مهي بتستنى بعريس مناسب و هي قاعدة ببيتها أما الصحيح إنهم لازم الناس يسألوا الزلمة المعنس ليش بعده مش متزوج ، هاي الشغلة منطقية عادي إنه الواحد يسأل زلمة ليش بعدك مش متزوج ؟ أما مش يسألوا البنت ليش بعدك مش متزوجة .	29-01-2019 10:25 PM ههههههه التبليغ عن إساءة
4 -	والله منا عارف ليش البعض بفضل الذكر عن الأنثى ؟ يلي من الله حياه الله . بعدين هو لو احنا مش شايفين كيف هي تربية الناس للاولاد بنحكي عادي بس المشكلة إنهم بشددوا تشديد شديد عالبنت و الولد من كثر ما بحبوه بدللوه وبفتحوله المجال يعمل كلشي بحبه بدون أي تعييب أو تغليط عليه بحجة انه الولد ما بنعاب !!!!! يعني عينك عينك بعملوا المجتمع ذكوري . يعني بتلاقيهم بتمنوا يخلفوا ولد وآخر شي هالولد لما يكبر برمي أمه و ابوه من كثر الدلال و الصلاحيات يلي مجتمعه بعطياها و عدا عن هيك بفهمو و بحشوا براسه مفهوم الرجولة غلط يعني بعلموه انها الرجولة قسوة عالأخت و عنف . الله يهديكم .	30-01-2019 06:44 AM أبو أيهم التبليغ عن إساءة
5 -	اللي اعطاكي يعطي كل مشتاق يارب استغفرررري ربك ليل ونهار واحمدي على هالنعمه	04-02-2019 12:05 PM الله ربي التبليغ عن إساءة