سرايا - موسى العجارمة - تداول ناشطو مواقع التواصل الاجتماعي منشوراً فيسبوكياً بعنوان "خاطرة أردني طلع عن طوره " التي تعبر عن المأساة والظروف الاقتصادية التي يعاني منها المواطن الاردني بأسلوب كوميدي ساخر .


وجاء بالمنشور أبرز المواقف التي يتعرض له الاردنيين بحياتهم اليومية واشملها ، "احنا الشعب اللي بشتري الدخان بالفرط والبيض بالحبة "

ويظهر من خلال المنشور المعاناة التي يعانيها المواطن الاردني بابرز ملامحها حيث ان المواطن الاردني يسير على قدميه مسافة ال2 كيلو حتى يقوم بتوفير أجرة الطريق، ويقوم بانتظار راتبه الشهري ليقوم بشراء اللحمة التي تدخل على بيته بالمناسبات السعيدة.

ويرصد المنشور واقع المواطن الاردني عندما يقف على الطابور بأحد البنوك وهو ينتظر راتبه الشهري خوفاً ان يتأخر راتبه لليوم الذي يليه.

واضاف "احنا الشعب اللي لما يكون معه نصف دينار بجيبته بعد للعشرة قبل ما يختار هل يشتري فيها ساندويشة بالشغل ولا يجيب فيها شيبس لابنه بس يروح عالبيت ".

يؤكد المنشور حجم حسن الضيافة لدى الاردنيين باكرام ضيوفهم ،"نعم احنا الشعب اللي بس يزورنا ضيف بننكسر وبنتبهدل حتى نأمنه بغداء ولا عشاء وحتى الكولا بنوخذها من الدكان ع الدفتر" ،لافناً "احنا الشعب اللي صار لما يمر من جنب محل ألعاب يصير يحكي مع ابنه الصغير حتى ما ينتبه ويضل بنفسه لعبة معينة" .

ويلخص واقع الاردنين بهذه العبارات "احنا الشعب اللي بس نحس انه معنا مصاري بنروح نبذر ونشتري شاورما واذا قبعت معنا عالآخر بنعطيها "مشاوي" وبهاليوم بنطير من الفرح ،احنا الشعب اللي بس حد يقدمله حبة شوكولاته بخبيها بجيبته لبنته الصغيرة ، واحنا الشعب اللي بس يجي عيد ميلاد زوجته بفوت البيت بكل خجل لانه ماااااا معه يعبرلها عن مكانة هاليوم بهدية بسيطة .

وختم المنشور اسباب تغيب الاردني عن المناسبات الاجتماعية  لعدم مقدرته على دفع النقوط ، " احنا الشعب اللي ياااما غاب عن عرس أو تخريج أو مناسبة لأغلى الأحباب لأنه ما معه ينقط"