خطيبي السابق يزعجني

28-11-2018 09:04 AM

تعديل حجم الخط:

سرايا - أنا عمري 33 سنة،، متعلمة ومتدينة وقريبة من ربنا وحلوة ومثقفة الحمدلله،، كنت خاطبة قبل 6 سنين وصار مشاكل كان هو سببها وأنا ما قدرت أكمل مع هيك شخص وفسخت وخطيبي كان من عيلة كبيرة وفضحني وحط أسباب مش موجودة فيي وعلى أساس هو الملاك وكل اشي، المهم كل ما يجيلي خطاب بسمعوا عن الشغلات وبفكروها صح وببطلوا وبتتعترس. أنا كبرت وخلص صرت أحس بنقص وبنزعج من الشغلات يلي سمعتها عن حالي وهيي مش موجودة فيي! انصحوني شو أعمل؟؟؟؟؟"

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 42366


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	28-11-2018 09:04 AM سرايا
2 -	اذا حلوه وموظفة حكومي ووضع لوز انا بجوزك .... ابو عيله وعيال محسوبك ونازل عطمع يلا عيشي	28-11-2018 09:35 AM انا التبليغ عن إساءة
3 -	اذا عنجد بتحكي انا بشوفلك عريس بس تكوني حلوة عنجد وموظقة	29-11-2018 08:02 AM دلع التبليغ عن إساءة
4 -	اللي يسمع كلامه ما يستاهلك ............ وعيون الشباب عميت ....... ما فيهم حد يستاهلك ..............	29-11-2018 12:11 PM منى محمد التبليغ عن إساءة
5 -	اذا كان الك نصيب بشي بهالدنيا بتاخذيه حتى لو نص العالم حكوا عليكي.تقربي من ربنا اكثر واحتسبي امرك لربنا.وربنا يختارلك الافضل ان شاء الله	29-11-2018 08:55 PM امونه التبليغ عن إساءة
6 -	عادي جدا لا تهتمي لحدا شو ما حكو لانه شعبنا فااااااااااااااااضي اشغال وشغالين بفلان قصير وفلان طويل .. عيشي حياتي وفكري لمستقبلك بدون زواج وحكي فاضي .. حاول تنشغلي بتذوير نفسك ماديا وثقافيا وفي فرص كثيره للنجاح وعندك الانترنت تقدري تشتغلي اونلاين بفوركس او ماركتينج وووووكثير شغلات ودخل ممتاز جدا ... وباختصار ادا الجيبه مليانه ترا كل الناس تحبك ويكثرو العرسان وتشتري احسن شارب من شعبنا السااااااااااااقط باكم ليره	30-11-2018 07:34 PM ماهر التبليغ عن إساءة
7 -	شكرا على كل سال عني باذن الله راجع من بكره اكتب لكم مشاكل. ان شاء الله تنال اعجابكم وسبب تاخري عن كتابه هو سفري خارج البلد	30-11-2018 08:31 PM مها احمد التبليغ عن إساءة
8 -	انا والله بدور ع عروس حلوه ومثقفة وبتخاف الله وجاد جدا بموضوعي ... عمري 34 مهندس اعزب ومخلص ماستر هندسة و وظيفتي الحمد لله منيحة ... ايميلي عند سرايا ويا ريت طاقم سرايا اذا ما عندهم مانع يجمعونا مع بعض ولهم كل الشكر ....	30-11-2018 10:14 PM م.رامي التبليغ عن إساءة
9 -	كيفك امونه	01-12-2018 07:51 AM ع الى امونه التبليغ عن إساءة
10 -	تمام الحمد لله انته كيفك وكيف الاهل طمني عنكم كيف شغلك	01-12-2018 06:54 PM امونه الى ع التبليغ عن إساءة
11 -	بعض المعلقين بتمسخروا مسخرة على انك موظفة يا صاحبة المشكلة لانه فعليا غلط انها البنت تكون موظفة و عيب على الشب يلحق ورا قروش الانثى .	02-12-2018 10:38 AM إلى المشاهدين التبليغ عن إساءة
12 -	عندك فيس	02-12-2018 01:52 PM ع الى امونه التبليغ عن إساءة
13 -	لا والله ما عندي	02-12-2018 09:30 PM امونه الى ع التبليغ عن إساءة
14 -	الموضوع مش عادي نهائيا فبما إنه هيك معناها خليه يقسم بألله عالمصحف خمس مرات و يجيب شهود على كلامه إنه ما ظلمك بالكلام أو حكى حكي مش صحيح عنك . و انت بالمقابل اقسمي متله و بهاي الساعة الناس رح تعرف كيف تقرر مين الظالم و مين المظلوم . و أي عريس بتقدملك هيك اقسمي قدامه بانك صادقة بكل كلمة قلتيها و انه خطيبك بظل يحكي عليك . موفقة يا رب	04-12-2018 10:09 AM الدحنونة البرتقالية التبليغ عن إساءة
15 -	حبيبتي لا تخافي كل الناس بتعرف إنها معظم حالات الطلاق بكون الزلمة هو المذنب و البنت هي المظلومة . بس للأضمن بما إنك عنجد بريئة متل ما بتحكي معناها إنت مضطرة تحلفي للعريس الجديد عالمصحف إنك إنت الصادقة و هو الكذاب . أي والله والله والله لو أنا مكانك والله لأخلي سمعته تحت الأرض و أفضحه بين قرايبه و معارفه كلهم أنا و أهلي بس الظاهر إنك مسكينة .	08-12-2018 10:27 AM إلى صاحبة المشكلة التبليغ عن إساءة