26-10-2018 05:53 PM
سرايا - دمت قلوب الآلاف من الاردنيين بعد قراءة ما كتبته والدة احدى الطلبة الذين استشهوا اثر كارثة السيول في البحر الميت يوم أمس الخميس.
وقالت الأم:'كنت خايفه عليك من البرد حكيتلك خد معك جاكيت تغير الجو، بس ما كنت عارفه انه برد التلاجه و صقيعها اللي رح تنام فيه اليوم كل النار اللي بقلبي ما رح تدفيه، تلاجه بارده ، معتمه، و انت بتخاف من العتمه كتير، انا لسا عم بستناك السما اليوم بكيت عليك كتير بس انا لسا ما بكيت انا عم بسمع الباب بيدق و عم بسمع صوتك و انت بتنادي علي و بتقلي يما رجعت!
وتابعت:' انا بوعدك اليوم لو رميت شنطتك بنص الدار و دخلت ببوطك اللي كله طين علسجاد ما رح اصرخ عليك، اليوم انت كنت طالع تنبسط و انا مسامحتك لو شو ما تعمل بس خليني أشم ريحتك و أتطلع بعيونك اللي بتوزع علدنيا كلها فرح، انت تأخرت كتير انا و اخوتك و ابوك علشباك بنستناك الدنيا برد و عتمه، صوت قلوبنا اللي بتصرخ و بتناديك أقوى من صوت كل العواصف اللي بره، سامعنا يا حبيبي احنا عم نستناك، طولت كتير...
لمتابعة وكالة سرايا الإخبارية على "فيسبوك" : إضغط هنا
لمتابعة وكالة سرايا الإخبارية على "تيك توك" : إضغط هنا
لمتابعة وكالة سرايا الإخبارية على "يوتيوب" : إضغط هنا