الزواج من اجل الراتب ؟؟

22-09-2018 08:38 AM

تعديل حجم الخط:

سرايا -

كاي شاب اخذت ابحث عن فتاه لارتباط بها وكوني شاب احمل شهاده جامعية قلت لامي ابحثي لي على عروس ان تكون مثقفه جامعية ومتوسطه الجمال ليس بضروره فائقه الجمال ،

اخذت امي تبحث لي عن عروس سبحان الله برغم اني لا ينقصني شيء وعمري ٣٢ سنه الا كل ما اذهب لارى عروس لا يحصل نصيب ،

وفي يوم رجعت الى بيت ورايت عندنا جاره وبنتها اخذت الجاره تمدح بنتها ، بنتي تحمل شهاده ماجستير ، بنتي راتبها مرتفع ، بنت معدله في شغل ، وعند خروج الجاره من البيت ،

قالت لي امي ما رايك بالزواج من البنت ، تحمل شهاده ماجستير ، قلت يا امي ليست جميله كيف ترضي اتزوج بالفتاه مثلها ، ؟؟قالت يا ابني كل شباب يبحثون عن موظفه ، وحياه اصبحت صعبه ، فكر والقرار راجع الك
المشكله كل ما اصبحت اخرج من بيت تراني بنت تبدا بتوزيع الابتسامات
والام تبدا بمدحي لعلي افقد عقلي واتزوج بنتها
اصبحت في حيره من امري ، هل اتزوج بنتها واغمض عيوني وافتحهم كل اخر شهر من اجل راتبها
ام ارفض الزواج بها كوني غير مقنع بها
يا ريت تنصحوني ولكم جزيل الشكر

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 42475


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	22-09-2018 08:38 AM سرايا
2 -	مع احترامي للي كتب القصتين الاخيرات مبين نفس الشخص لانو الكتابه تفتقد لال التعريف ونفس طريقة الكتابه مش المفروض القصص تنقرا قبل لتنعرض عالصفحه بعدين القصه هاي كانو تشبه القصه الي بدو حل انو الجمال مطلوب بالزواج وكانت من ضمن الحلول للاسف من عندي مافي حل لانو كلو تاليف بتاليف اذا حاب او حابه تكتبي قصص التزمو بقواعد اللغه العربيه وكلماتها منشان تزبط القصه وماتتعرضو للانتقاد	22-09-2018 09:46 AM ام التبليغ عن إساءة
3 -	لازم تفهم اشي الزواج هو اشي قائم ع الاقتناع اكتر من اي اشي تاني ، لو اخدتها ع راتبها ممكن بلحظة تخسر شغلها وممكن هي تحكيلك ما بدي اشتغل .. وقتها رح تطلقها مثلا ؟؟ فكر بالشخص نفسه وانسى اي مقومات اخرى ، شغل ، مظهر ، اهل .. صدقني هدول ما رح يفيدوك لو لحظة وحدة كنت معها مش مرتاح . عشان هيك تأنى وما تستعجل وفكر بعقلك .	22-09-2018 11:12 AM هوهو التبليغ عن إساءة
4 -	مشكلتك نفس المشكلة يلي نزلت قبل كم يوم . أتاري هيك معظم مشاكل الشباب و هذا الواقع إنه الشب بده بنت حلوة و الأهل بدهم بنت واعية و مثقفة . بس إياك إياك إياك أخي تقلل من رجولتك و هيبتك و تتزوج بنت لأجل راتبها لإنك إنت المكلف بالإنفاق على زوجتك مش هي . و هي بصراحة بتحس بنقص برجولتك ما دامها زوجتك معها راتبها و هالشي مش حلو بحقك . موفق ان شالله	22-09-2018 11:54 AM أم تولين التبليغ عن إساءة
5 -	كيف بتقول أمك إنه كل الشباب ببحثوا عن موظفة ؟ لا ترد عهالحكي شو هالبيئة المتخلفة يلي عليكم ؟!!!! يمكن أمك قاعدة بتقنع فيك إنه هيك الشباب لحتى تخلص من همك و تزوجك . بس صدقآ ما في شب عاقل بعملها إنه يبحث عن موظفة تنفق عليه .	22-09-2018 11:59 AM إلى صاحب المشكلة التبليغ عن إساءة
6 -	أصلآ يا عمو لو كانت الأم عندها كرامة ما بتقول بنتي معدلة و معها راتب لإنها هيك بتبين إنها بنتها حراثة و حلابة بتشتغل جوا البيت و برا البيت بس منشان ألله تزوجوها !!!!! يعني بإمكانها تمدحها بأشياء أخرى ، مش بهاي الشغلة يلي جد بتهين كرامة الأنثى يلي ما لازم تكون هيك بالإسلام . و انت كمان لا تنظر لمصاري الأنثى ؛ لإنها هاي قمة العار . و لو في شباب بتنظر لقروش الأنثى فهم غلطانين . بغض النظر شو وضع الزلمة المادي بس مش حلوة بحق كرامتك إنها زوجتك تشتغل . مش هيك المرأة بالإسلام . لا تكون طماع مش حلوة بحقك .	22-09-2018 12:12 PM أبو طلال التبليغ عن إساءة
7 -	جارتكم شكلها مسكينة درجة أولى كيف بترضى عحالها تقوللكم بنتي بتشتغل بمعنى آخر بتجيب راتب ؟!! هههههه أي والله لو أعرف إنه واحد متقدم لأختي طمعآ براتبها إلا إني أطرده من بيتنا . شو هالغباء هذا ؟ قال كل الشباب ببحثوا عن موظفة قال . أنا خالي مرته بتشتغل بس بقول صدقوني ما بعرف عن راتبها شي و لو صار ما صار و صار زيادة براتبها ما بعرف شي عن هالموضوع لإنه عيب يسألها هالسؤال . كم راتبك بالرغم من إنها زوجته و عندهم اولاد بس مع ذلك هي رح تنظرله كواحد طماع و فعلآ أي واحد بسأل زوجته عن راتبها كم فهو طماع . و هاي من ضمن أسوأ الصفات بالزلمة . و بعدين نيجي للصحيح البنت ما لازم تشتغل حتى لو زوجها فقير بس بعض النفسيات مريضة بتحب تهين المرأة .	22-09-2018 12:20 PM محمد السلايمة التبليغ عن إساءة
8 -	يعني بتقول إنك بالرغم من إنه مش ناقصك شي و مع ذلك ما بتم النصيب ؟ مهو يا حبيبي ما بتم النصيب لإنها أمك المصونة بتجيب سيرة التوظيف بطريقة غير مباشرة و هي من طيبتها بتكشش الناس منها بهالأسلوب يعني العروس المسكينة بتحس إنه هذا العريس جاييها طمعآ براتبها لهيك ما بتم النصيب يا فهيم . يآ ألله شو إني بموت من هالنفسيات يلي بتبحث عن الموظفة . أنا لو العريس يلي هيك يترجاني أوافقله على بنتي فشر أوافق حتى لو كان ملاك نازل من السما .	22-09-2018 12:27 PM إخص عليكم التبليغ عن إساءة
9 -	كم انت مبدعة كاتبتنا !!!!!!!!!!!!!!!!!1 استمري !!!!!!!!!!!1بس بدنا ال التعريف شو وضعها معك يا مها ؟؟؟!!!!!!!!!!!!!	22-09-2018 01:01 PM الى ال التعريف التبليغ عن إساءة
10 -	انت صدقت وعن جد بتخل وبترسل حل هذا من تاليف ---ال التعريف --	22-09-2018 01:29 PM الى هوهو التبليغ عن إساءة
11 -	بستغرب منك كيف مش خجلان عحالك تبعت هيك مشكلة!!!!!! يعني طماع بشكل مباشر كمان. المشكلة إنهم أحيان شباب لما البنت تتمنى تتزوج من واحد غني بقولوا عنها طماعة مع إنه هذا حقها تتمنى الغني لإنه هو يلي واجبه يصرف عليها و مع ذلك البعض بنتقدها !!!!! فما بالك بشكلك و انت بتبحث عن وحدة معها مصاري ؟ شو هالرخصنة هاي ؟ كيف قابل عحالك بهالمنظر والله منا عارفة عنك. ألله يعقلك	22-09-2018 02:22 PM أمل التبليغ عن إساءة
12 -	يلي بحكيلك إنهم الشباب ببحثوا عن موظفة إعرف إنه كذاب ؛ لإنه ما في شب ببحث عن موظفة إلا الطماع . فمش منطق إنك تصير طماع عشان محيطك كلهم طماعين. البنت مكانعا ببيتها و لو كانت موظفة عيب تنظر لقرش واحد من راتبها و لو هي حطت قرشها لبيتك هذا طبعآ بكون عن طيب نفس منها ، و انت ما بطلعلك نهائي نهائي نهائي تسألها عن قرشها ، هي حرة . و والله يلي زوجته موظفة معها حق تشوف حالها عليه يلي مساعديته بأهم واجب لحضرته والله لازم يحطها على راسه و هي حقها تتشرط و تتصرف على كيفها و هي معها كل الحق إنها لو صارت زعلانة منك إنها تبطل تشتغل و ما بطلعلك تتضايق منها لو قعدت بالبيت . لإنه جد في زلام رخيصة بمجرد ما زوجتهم تبطل شغل لإنه جوزها اتكالي هو بتضايق و بصير يخلق مشاكل .	22-09-2018 02:30 PM أم عبد الله التبليغ عن إساءة
13 -	إنت بتقول يا ضاحب المشكلة إنك بدكياها مثقفة ولازم تكون دارسة لإنك دارس. بس النا بحكيلك عن تجربتي لإني قبل الزواج كنت متلك بدياها دارسة لإني دارس كان يتهيألي إنها الدارية يعني بتكون فهمانة بس المشكلة إنها زوجتي الدارسة ما بتعرف الخمسة من الطمسة مقارنة بزوجة أخوي يلي يا دوووب خلثضت الصف العاشر يلي عقلها بوزن بلد و ثقافتها أفضل من ثقافة زوجتي ب 100 مرة بنت فهمانة و واعية بالرغم من عدم تعليمها بالجامعة و كثير بسمع قصص أمهات ناجحات بحياتهن الزوجية و فهمانات بالرغم إنهن مش دارسات فالتعليم مش مقياس بس المشكلة إنها راحت عليي . فنصيحتي إلك خذلك وحدة بتنفعك و فهمانة سواء جامعية أو غير جامعية بس المهم تفهمك و تفهمها و سيبك من الموظفة لإنه بصراحة هالشي مش حلو بحقك . ألله يوفقك	22-09-2018 02:41 PM نصيحة مجرب التبليغ عن إساءة
14 -	الناس برفضوك بسبب طمعك برواتب بناتهم . ما حدا برضى عحاله إنها بنته تصرف عجوزها أو إنها تساهم بنفقات الأسرة . خاصة لو إنك كنت من النوع المدخن أو يلي بشتري كماليات لإنه حتى لو كان بشتري هاي الأشياء الكمالية عحسابه لكن إذا بدنا نيجي للصحيح هو بكون اشترى هالأشياء الثانوية عحسابها هي لإنها لو زوجته مش موظفة ما رح يقدر يدخن لذلك هو بدخن لإنها زوجته موظفة يعني عادي مش فارقة معه كثير نفقات أسرته . و الرجل يلي مثل هيك مش رجل بلا مؤاخذة بنعتبره رجل كرسي ما إله دور بهالحياة . و الصحيح إنها الزوجة الموظفة كإنها هي يلي دفعتله مهر مش هو . مع الزمن رح تكتشف إنه الذهب يلي جابه إلها كله حطته ببيته و فوق هيك اشترت حاجيات لبيته . فهذا يلي متل هيك هل بتسموه زلمة ؟!!!!!!!	22-09-2018 02:51 PM عابر سبيل التبليغ عن إساءة
15 -	صاحب المشكلة شكله غيران من صاحب مشكلة انعرضت قبل كم يوم يلي هي : جمال الشكل مطلوب في الزواج . على كل حال أنا بقول لو ما كانت المشكلة تأليف و لنفرض إنها حقيقية بس بحكيلك إنها أمك من كثر مهي مسكينة بتفضح حالها قدام الناس لما يبين عليها إنها بدها لإبنها موظفة . أخي بالرغم من إنك دارس بس ثقافتك بالحياة الاجتماعية صفر يعني المفروض إنك تعرف الحقيقة يلي هي إنك إنت الزلمة و يلي لازم تصرف على مرتك و اولادك مش العكس يا اتكالي . شو استفدنا من دراستك ما دام إنه الثقافة مش موجودة ؟ يعني هيك عنجد بتثبتوا للعالم إنا عرب متخلفين ! وين تكريم المرأة يلي موجود بدينا بس ببعض المجتمعات ما بعترفوا فيه !! ليش ؟ ليش ؟ لا و كمان بقول أنا بدياها متوسطة الجمال !!!!! يعني قاعد بوازن بين الجمال و الوظيفة !!!!! هههههههه لو قلت بدياها حلوة هيك شي طبيعي و منطقي أما بدياها متوسطة الجمال و تكون موظفة ؟ !!!! الله يسعد عقلك .	22-09-2018 05:14 PM فدوى التبليغ عن إساءة
16 -	كل بخيل طماع و كل طماع بخيل . يعني الطمع =البخل و البخل =الطمع كلمتين مترابطات ببعض يعني كإنهن إسم مركب . و هاي هي أبشع صفة بالزلمة يلي عنده أنانية و اتكالية بتخليه بخيل طماع . يعني تعالوا لزلمة تزوج موظفة لأجل راتبها يعني رح ينسى أو يتناسى دوره كرجل يعني بصير من ظلمه لزوجته يقاسمها بواجبه وحده لدرجة إنها لو هي بطلت تشتغل غير يزعل أو لو صارت مشكلة بيناتهم بسبب أو بآخر هي تلقائيآ رح تبطل تعطي مصروف لولاده مثلآ و بيجوا اولاده يطلبوا منه مصاري و هالشي ما بكون متعود عليه طبعآ لإنها المسكينة زوجته بتكون.حاملة عنه كتف و هو مش حاس فيها غير تامنها منعته من راتبها بطلت تصرف عاولاده و هذا حقها ، فهو بدل ما يحس عحاله و يعرف قيمتها لأ بعالج الغلط بالغلط و ببهدلها و بعتبر إنه واجبها تصرف عبيته . و بتزيد الطين بلة أكثر و أكثر و آخر شي بتم الانفصال و احنا ياما سمعنا عن قصص مثل هيك . بتخلي الزلمة يصير اتكالي و مركن عراتب زوجته و بنسى إنه مأكلها و مشربها و كسوتها هي و اولادها كله واجبه وحده و ربنا ما بكلف نفس فوق طاقتها . فلذلك لو عنجد الزلمة وضعه المادي مش بزيادة ما إله مبرر إنه يغصب زوجته عالشغل غصب عنه لازم ينفق على أسرته . و يلي ما بقدر يصرف على أسرة ما يتزوج أحسنله من إنه ينظر لقروش مرته .	22-09-2018 05:33 PM تحليل التبليغ عن إساءة
17 -	عنوان مشكلتك مستفز قال من أجل الراتب بلله من عقلك هيك بتحكي و بالشكل المباشر ؟ عيب عليك استحي و الله في زلم بطلت تستحي . المشكلة إنه بعضهم بتلاقيهم بدهم موظفة تساعدهم بالإنفاق و هم حضراتهم ما بساعدوها بشغل البيت يعني فعلآ حلابة بمعنى الكلمة . مش هيك شغل المرأة يا حبيب أمك . المرأة الموظفة راتبها لنفسها ان شالله تعطيه لأهلها أو تتبرع فيه للفقراء كله إنت ما دخلك بفلوسها بالمرة .	22-09-2018 05:41 PM عنوان المشكلة مستفز التبليغ عن إساءة
18 -	مهو واحد من الاتنين يا إما إنك قروي أو إنك بدوي لإنه بصراحة هذول أكتر فئتين بهينوا المرأة . هذا الواقع لا حدا يزعل مني أو يعلق عكلامي . البدو عندهم المرأة مهانة و مركوبة و متكلين عليها بكلشي يعني بالنسبة لإلهم خدامة فقط و هي عليها واجبات كتير أما حقوقها فمهضومة . لا تحكوا الحياة بدها مساعدة و تعاون . هي حرة براتبها ما بطلعلكم تتدخلوا فيها بهالموضوع . و يلي بقول مهي زوجتي بروح من وقتها بالشغل و بتقصر في أداء واجبها الزوجي تجاهي أنا بحكيلك خلص قعدها بالبيت و انت اصرف عليها ، و هذا هو الأصل أما لا تعملوا حالكم بتحبوا زوجاتكم و بتدللوهن و انتوا داعسين عليهن .	22-09-2018 05:48 PM أبو ريماس التبليغ عن إساءة
19 -	سحقآ لزمن كثر فيه الذكور و قل فيه الرجال . يعني ما بهمك انها تكون.جميلة على قد ما بهمك إنها تكون موظفة ؟ أخي ادفن حالك بالتراب أحسنلك . حزنتني عحالك والله لو شو الوضع المادي للزلمة ما لازم ينظر لراتب مرته حتى لو كانت أغنى الأغنياء هو المجبور فيها بكلشي بل حتى المرأة بالإسلام مش مجبورة بالإنفاق حتى عن نفسها بس بعض الذكوريين هيك بحبوا يسلبوا حقوقها من كل النواحي ، يعتبروها مخلوق للواجب بدون الحقوق . حسبي الله و نعم الوكيل من أشكالكم و الحمد لله يلي وهبني زوجي يلي ما بتطلع على مصاريي بالمرة والله ما عمري جبت شي لبيته إلا ما إنه يدفعلي حقه كرامته ما بتسمحله بإنه يخليني أشاركه بواجبه . ألله لا يحرمني منك حبيبي أبو محمد	22-09-2018 06:51 PM الدحنونة البرتقالية التبليغ عن إساءة
20 -	أنا من زمان ما علقت أنا بقرف أعلق من لما أشوف بعض المشاكل بتسم البدن متل مشكلتك . هم صحيح المعلقين كفوا و وفوا بس بدي أزيد عليهم : إنك إنت و جارتكم هاي عبارة عن طنجرة و لقت غطاها يعني مناسبين لبعضكم توكل على الله و روح تجوزها ما دامكم مبسوطين ببعضكم ههههههه يعني جارتكم لو حكت بطريقة مباشرة لو إبنكم يتزوج بنتي عادي ما فيها شي أما بطريقة متل طريقتها تمدح ببنتها قدامكم و معها راتب و معدلة مهي هيك قاعدة بترخص بحالها و ببنتها و انتوا كمان انت و أمك مبسوطين عكلامها بدكم موظفة صح ؟ ألله يعين بس الحمد لله إني منا عايشة بهيك بيئة و قرف .	22-09-2018 07:44 PM ناريمان التبليغ عن إساءة
21 -	صلي صلاه استخار اذا بها خبر الك	22-09-2018 09:28 PM ساره الزيود التبليغ عن إساءة
22 -	شوفوا ما أبشع منظر هالصورة كيف إنه الزلمة بمسك براتبها و هي بتشد فيه و هو حضرته بشد !!!!!!!!!!!!!!!!!!!!!!!!!!!!!!!!! ييععععع قرف يلي يقرفه كيف في زلم بترضى عحالها بهالموقف ؟ والله أنا لما شفت هالصورة حسيت حالي بدي أستفرغ لإنه موقف محرج للزلمة إنه يتطلع على فلوس الأنثى . بده عمى بعينه .	23-09-2018 04:40 AM المنتصر التبليغ عن إساءة
23 -	كم انت انسان متخلف والذي يحاورك لا يقل عنك تخلفا ولا ابالغ انك لو عشت قرنا من الزمن ما وصلت الى غبار قندرة الفلاح او البدوي . خسئت وخسيء تفكيرك الضحل	23-09-2018 05:50 AM الى - ابو ريماس - التبليغ عن إساءة
24 -	أنا مع تعليق 15 فعلآ الزلمة يلي مرته موظفة بركن عليها مع إنه بكون بالبداية لما يخطبها عأساس إنه خاطبها لإنه منعجب بثقافتها و فهمها و حتى بعمل حاله مش جاييها عشان راتبها ! و إنه مش فارق معه بس بواقع الأمر غير بتنقلب القصة على راس هالموظفة و بتكتشف كم إنها نفس زوجها دنيئة و رخيصة و كم مركن عليها ! لدرجة إنه بصير يتهيأله مع الزمن إنه واجبها تساهم معه و لما يختلفوا أو يتمشكلوا و تمنع عنه الراتب بصير يشوفها يهودية مع إنه هذا حقها تماما ، بس سبحان الله هيك النفسيات بتصير وقت الطمع يلي بخلي الواحد يبخل على مرته لما إنها تطلب منه إشي أو مصاري بعتبرها مستقلة و ما بطلعلها تطالبه بحقها بل بعتبر حاله هو يلي بحق إله إنه يطالبها براتبها . و الضحية هي الموظفة لذلك نصيحتي لكل موظفة لا تتجوزي أشرفلك و عيشي حياتك لإنك في غنى عن زوج بهالشكل .	23-09-2018 06:07 AM أنا مع تعليق 15 التبليغ عن إساءة
25 -	إلى كل ذكر طماع براتب زوجته : إعرف إنها معظم حالات الطلاق بسبب أشكالك يلي بتشف نفسها عمصاري المرأة! أنا انفصلت عن زوجي لإنه ما كان يقدر هالنعمة يلي هو فيها والله إني كنت أساهم بنفقات البيت و مع ذلك كان عصبي و ما كان رومنسي و كان متشدد و فوق هذا كله كنت أحط من خيري ببيته ! فقلت خلص معناها الطلاق أشرفلي من إني أعيش مع هالنفسية لإني فعلآ كنت مستغنية عنه استغناء تام إذا عمستوى إني ما كنت آكل أو أشرب أو ألبس عحسابه بل بالعكس كنت أنا أطعمي ابني . مهو لو عنده زوق بقدر النعمة يلي هو فيها بس هو ما صان هالنعمة . بس الحمد لله هسا راتبي بإيدي و بصرف عحالي مش عاولاده و هيك هيك هو كان ناوي يتجوز عليي و لولا مهو كان يحس بإنه بنعمة و إنه ربنا رازقنا كان ما بفكر بالزواج لإنه كان في خير ييجي من مرته و هو مش حاس على دمه هينا تطلقنا و خليني أشوف كيف رح يقدر يتجوز هالنذل أو مين يلي بدها ترضى بحضرته و هو عنده ولد ؟ حسبي الله و نعم الوكيل بكل زلمة مش زلمة يعني طماع بفلوس مرته	23-09-2018 06:21 AM إلى كل زوج طماع التبليغ عن إساءة
26 -	أنا زوجتي موظفة بس والله ما بتدخل بقرش واحد وين بتروح فيه سواء تصرفه عحالها أو على أمها المريضة أو أهلها أو اولادها بعرفش عنها . بس بصراحة مش حلوة منك تحكي بشكل مباشر جدآ أغمض عيوني و أفتحهن كل آخر شهر !!!!!!! شو هالحكي يلي بطلع منك ؟ ما بطلع من زلمة بالغ راشد عاقل ! يعني هيك انت مفكر وضعك طبيعي لما إنك تبحث عن متوسطة الجمال و معها راتب ؟!!!!!!! لا والله منت طبيعي أخي لإنه الشب الطبيعي بقول أنا بدياها حلوة مثقفة ... بس ما بقول بدياها بوظيفة ولا كمان في بنت بتقبل عحالها تتزوج بواحد ببحث عن موظفة . بنات هاي الأيام واعيات مش جالهلات و صارن يعرفن حقوقهن مش مثل زمان .	23-09-2018 06:37 AM أبو معاذ التبليغ عن إساءة
27 -	يعدمني شدوقها !!!! طبعا في ناس بتعرف مين بقصد	23-09-2018 08:25 AM عبيررر التبليغ عن إساءة
28 -	أنا زوجتي موظفة بس والله ما بتدخل بقرش واحد وين بتروح فيه سواء تصرفه عحالها أو على أمها المريضة أو أهلها أو اولادها بعرفش عنها . بس بصراحة مش حلوة منك تحكي بشكل مباشر جدآ أغمض عيوني و أفتحهن كل آخر شهر !!!!!!! شو هالحكي يلي بطلع منك ؟ ما بطلع من زلمة بالغ راشد عاقل ! يعني هيك انت مفكر وضعك طبيعي لما إنك تبحث عن متوسطة الجمال و معها راتب ؟!!!!!!! لا والله منت طبيعي أخي لإنه الشب الطبيعي بقول أنا بدياها حلوة مثقفة ... بس ما بقول بدياها بوظيفة ولا كمان في بنت بتقبل عحالها تتزوج بواحد ببحث عن موظفة . بنات هاي الأيام واعيات مش جالهلات و صارن يعرفن حقوقهن مش مثل زمان .	23-09-2018 10:22 AM أبو معاذ التبليغ عن إساءة
29 -	اشي بخزي .	23-09-2018 04:06 PM ........ التبليغ عن إساءة
30 -	كيف بتقول إنها الحياة أصبحت صعبة و بحاجة لموظفة ؟ لا لا يابا هاي حجة الطماع بس هو بالحقيقة إنها الحياة كلمامالها بتسخف و بتصير أسهل . و بالنسبة للنفقات لا تفكر إنه هالفرق بين حياة زمان و حياة هسا . حياة زمان كان في قلة أكل و قلة لبس و قلة مشتريات بس بالمقابل كان في قلة رواتب . و الحياة اليوم صحيح تغيرت بس برضه حتى و لو المشتريات زادت و الأكل و الأكلات زادت بس برضه اليوم في رواتب أعلى بكثير من زمان يا عمي . بالعكس لو بدنا نيجي للصحيح حياتكوا يا جيل اليوم أسهل بكثييير عن حياتنا . بس لو أمك بتقول انه الشباب ببحثوا عن موظفات لإنها الحياة صعبة ! فلازم تعرف إنه الشب يلي بقولك هيك هو الطماع بس ببرر لنفسه تبريرات سخيفة عشان ما حدا ينتقده . طيب على قول معلق ليش في منهم أنفسهم يلي بقولوا الحياة صعبة احتمال يكونوا كل يوم بستهلكوا باكيت دخان ؟ بس في شباب صارت تتمادى . مثل قبل فترة قرأنا عن واحد مش متعلم بده معلمة بحجة إنه عشان تدرس اولادها و كإنه هو ما إله دور بتعليمهمبس هو بالأصل طماع براتبها بالمستقبل و هاي شغلة ما بختلفوا فيها اثنين	24-09-2018 05:54 AM أبو علي السوالمة التبليغ عن إساءة
31 -	بحياتنا كلها ما سمعنا فقير تزوج موظفة لإنها ما في موظفة بترضى عحالها تكون أكبر معيل مادي لبيتها طبعآ رح تحس بنقص أنوثتها و دورها بالحياة مش هيك . فلذلك الموظفة بتقبل بالدكتور أو يلي وضعه المادي ممتاز لحتى ما تحس حالها رخيصة بدون كرامة أو جوزها رخيص بدون كرامة . فلا حدا يقول أنا بدي موظفة لإنها الحياة صعبة ، لا إنت بدك موظفة عشان طماع و بتحب الترف و البغددة عحساب راحة مرتك . يعني الغني و يلي وضعه المادي مرتفع هو الوحيد يلي الموظفة بترضى فيه لهيك ما بحق إلك يا صاحب المشكلة تقول الحياة صعبة لإنه أنا متأكدة إنه وضعك المادي كويس بس بتحب المصاري للدرجة يلي تخليك بدك تستفيد ماديآ من مرتك المستقبلية يلي ألله يعينها عليك . و ألله يعين كل موظفة ربنا ببليها بواحد مثلك .	24-09-2018 06:19 AM آيات التبليغ عن إساءة
32 -	أكبر غلطة بتغلطها بحقك و حق زوجتك هي إنك تتزوجها من أجل الراتب .	24-09-2018 07:09 AM أكبر غلطة التبليغ عن إساءة
33 -	من تزوج امراة لمالها زاده الله فقرا	24-09-2018 01:15 PM عابر سبيل التبليغ عن إساءة
34 -	انا بنصحك لوجه الله لااااااا تتزوج منها ولا من غيرها ... اشتري راحة بالك وعقلك وخليك عزابي جيبتك مليانه وشمام هوا واذا كثير بتحب الاطفال هي عندك ولا اخوك واختك حبهم ودللهم براحتك هم مثل ولادك	24-09-2018 06:32 PM ماهر التبليغ عن إساءة
35 -	في معلق إسمه ماهر و هيو معلق بالتعليق يلي قبلي ؛ هذا واحد فاسق عامل السبعة و ذمتها مع بنات الناس و بالنهاية ببحث عن بنت عمرها ما حكت مع شب قسمآ بلله أحقر و أنذل و أوقح الشباب هي هاي النوعية . روحوا شوفوا تعليقه بمشكلة : جمال الشكل مطلوب في الزواج . و شوفوا تعليقه على صاحب المشكلة هاي ؛ بلله ردوده هاي على شو بتدل غير على وساخته ؟ هذا عايش بالحرام و ما بنصح الشباب بالحلال . ولك اتق الله و استحي عحالك و لا تنصح حدا لإنك إنت مش مؤهل للنصيحة إنت بحاجة لنصايح يا شريف	24-09-2018 08:07 PM إلى الجميع التبليغ عن إساءة
36 -	ما تنصحش حد ولا ياخوي بده يتزوج ولا يروح باحظان البنات الجميلات زي حالاتك بده يتزوج ولو عشان راتب البنت مش احسن ما يعمل زيك.... استغفر الله	24-09-2018 08:10 PM الى ماهر ان كنت نفسه التبليغ عن إساءة