سرايا - طالب مواطن الفريق الحكومي الذي زار العقبة لحوار المواطنين حول مشروع قانون ضريبة الدخل اليوم الثلاثاء، بمغادرة موقع الحوار قائلاً لهم: "روّحوا وشوفولكو سدر منسف أحسنلكو".

وألهب المواطن القاعة بحديث مؤثر حول وضعه المعيشي وأوضاع بقية شباب العقبة، وقال: "أنا بدي أشتغل.. وكل العقبة قاعدة مش بس أنا لحالي قاعد".

وأضاف مخاطباً الفريق الوزاري: "من وين بدي أجيبلكم ضريبة إذا كان ما معي حق باكيت دخان؟"، مؤكداً أن "قانون الضريبة مرفوض مية بالمية مني ومن كل الأردن" على حد تعبيره.

وتابع: "أنا مكثت أربع سنين بليبيا ولما رجعت ع الأردن قعدت سنتين ما لقيت شغل.. أنا انخطفت بليبيا ورحت للسفارة حكولي شو نسويلك إنت شو اللي جابك علينا !".

وقال: "ارحمونا مشان الله ارحمونا.. إحنا خمس شباب في البيت قاعدين".

وأردف: "احبسوني.. بدي أتكلم احبسوني.. أنا بدي أشتغل.. وين بدي أشتغل أنا؟ وين بدي أروح أنا؟ وبتقلي قانون ضريبة.. أي قانون ضريبة؟ روحوا روّحوا يا حكومة وشوفولكو سدر منسف أحسنلكو.. قوموا روحوا".

ثم وجه حديثه للحاضرين قائلاً: "قوموا روحوا.. قوموا روحوا".

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا