صرت اداري عن قصة زيجتي امانة تنصحوني

06-07-2017 12:34 PM

تعديل حجم الخط:

سرايا -

سرايا - انا مخطوبة من شاب محترم ومقتدر ومتعلم و كل اشي عمري 28 و متعلمة .. بس هاد الشاب متزوج و زوجته متوفية و عنده 7 اطفال .. لما اتقدملي انصدمت وصرت اعيط يعني بسهولة صار مستواي واحد ارمل وعندو اطفال؟
المهم استهديت بالله و صليت استخارة.. ;للعلم تذكرت نفسي لاني تربيت يتيمة نفس سالفتهم" بنت صحبيتي صارت تقنع فية وتقولي ايتام و بتكسبي فيهم اجر و بتدخلي فيهم الجنة وغير يشفعولك وما الهم احد..; شفت الاولاد و تعرفت عليهم لقيتهم جد بحزنوا كثير ..
وافقت والان في مرحلة الخطوبة بس مين مايقابلني; من الناس بشخط فية و بحكيلي ولك كيييف رضيتي تنزلي ع كل هذول و على سمع أذنية بوقفوا اهلي و بحكولهم ظلمتوا البنت ..
خطيبي غاية الاحترام بس والله صرت انكسف و اخجل من فرصتي في الزواج; و الناس شوية حيخلوني أستعر منها.. ما حد بناغشني بنظروا لي انها زواجة برارة.. مرة بحكي "فرحي" ردوا علي هو انتو بدكم تعملو فرح؟ مش مستاهل الامر خلص زواج سكيتي
خجلانة مكسوفة صرت أداري عن قصة زيجتي امانة تنصحوني او تبردوا ع قلبي

طباعة

المشاهدات: 29532


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	06-07-2017 12:34 PM سرايا
2 -	هي حياتك ولا حياتهم	06-07-2017 12:45 PM ابو ماجد التبليغ عن إساءة
3 -	اللي انتي عملتيه خير من الدنيا ومافيها , بدك تربي ايتام بصراحه نيالك وخلي راسك مرفوع ,, ممكن لو تزوجتي واحد عزابي كان يغلبك بعيشتك وما يكون منيح , و مو ذنبه انه ارمل ولا ذنب الاولاد انهم ينحرمو من وحده مثلك تكون امهم الثانيه , بصراحه لازم ترفعي راسك بقرارك	06-07-2017 12:51 PM محمد الدعجه التبليغ عن إساءة
4 -	شو انقطعوا العرسان.ليش هالورطه	06-07-2017 01:51 PM حسونه التبليغ عن إساءة
5 -	ارضاء الناس غايه لا تدرك ارمي ورا ظهرك و هاي حياتك الخاصه ما حدا اله علاقه فيها يعني خطبك رئيس الوزراء رح الناس تظل تحكي انتي الظاهر بتعرفي ربنا منيح و صليتي استخارة امشي بالاستخارة افضل شي اعقلي و توكلي ولا تاخذي بحكي الناس	06-07-2017 02:16 PM حمزه التبليغ عن إساءة
6 -	ما تردي على كل هالكلام الفاضي الناس لو يهملها ما يشوفي حدا مرتاح عادي يعني احسن تضلي بدون زواج وتصيري عانس أو يجيكي عزابي بس هامل أو مش محترم وعينه زايغه أو بخيل أو...أو...أو.... ما دام استخرتي ربنا توكلي على ربنا وانت هسا انخطبت بدك تتركي ؟ ؟ وتصيري مطلقه؟؟ نفس الشي رح ترجع تاخذي ارمل أو مطلق او ختيار خليكي هيك أحسن وحطي مخافة الله بين عيونك وديري بالك على الايتام لا تظلميهم	06-07-2017 03:03 PM وردة التبليغ عن إساءة
7 -	اسمعي نصيحة اخوية اتركي كلام الناس ورا ظهرك وكملي موضوعك واعتبرية خالص لوجه الله وصدقيني ما رح تندمي والف مبروك	06-07-2017 07:26 PM كركي التبليغ عن إساءة
8 -	من راقب الناس مات هما يا اختي هل هو حرام ام حلال؟ الزواج ما فية عيب او استحي الزواج هو قرار و بعدين دخليهم الي بنتقدوك, انسي كلة كلام طاير في الهواء. ربك رح بعوضك خير و كلها رايحة و الي بسمع للناس ما بطولة غير السوء قرارك صائب اذا الزوج محترم و ابن ناس و بخاف الله. دخليهم جيل اليوم كلة صايع و ضايع و داير على حل شعرة و بالاخر مستواك ومش مستواك. اي والله هاي الايام الي بتلاقي ابن حلال يستر عليها تبوس ايدها وجهة وقفا.	06-07-2017 08:08 PM رد طيب التبليغ عن إساءة
9 -	اختي الكريمه، بارك الله فيكي وفي اهلك ،،، الزواج نصيب في حياتنا ومثل ما قالت اختنا أنه لو تركتيه راح يكون اسمك مطلقه لا سمح الله،، وبما انك مشيتي بالموضوع بعد ما شفتي الاولاد كملي مشوارك لوجه الله تعالى ولك الاجر ان شاء الله... وان شاء الله اذا اعلنتي موعد زواجك، وانا بكون في البلد والي علقوا نيجي نشاركك فرحتك... الناس مثل الي مربي لحيته وهم متغلبين فيها... مبارك مقدما	07-07-2017 04:59 AM ابو انس التبليغ عن إساءة
10 -	كلامْ الناس غايةُ لا تُدركـ كلاً يغني على ليلاه الي أتشمت فيكِ يتمنى عروس أو عريس مع زواجك المفروضٌ يكون عندكٌ ثقه في نفسكـ أكتر من هيك حتى تكوني قويه في هذا الأمر وغيره بالرفاه والبنين الله يجمع بينكم تحت سقف واحد	07-07-2017 08:10 AM حرررر التبليغ عن إساءة
11 -	من ترك شيئ لله عوضه الله خير منه ... انتي لما شفتي الاولاد قلتي حزنوكي وذكرتي انك سمعتي كلام صديقتك ولا تنسي رسولنا الكريم صلى الله عليه وسلم قال انا وكافل اليتيم هكذا بالجنة	07-07-2017 09:41 AM Abdullah التبليغ عن إساءة
12 -	اه يشفعولك والله غير تموتي قبل العرس احسن حل انك تفسخي الخطوبة وتروحي تتزوجي واحد اهبل احسن الك	07-07-2017 01:43 PM الماجد التبليغ عن إساءة
13 -	السلام عليكم ورحمة الله وبركاته.... بصراحه هاي مش جيزه هاي بلوة والله يعينك لساتك صغيره لبش مستعجله طيب بكره بأول اسبوع تعافي خطيبك وتعافي اولاده كمان وياحبيبي بس تخلفي شو رح يصير رخ تتقردني مأساه.. افسخي الخطبه احسنلك بكرة ربنا يبعتلك شب عزالي احسن منه والله واعلم★★★	07-07-2017 04:02 PM زهرة النرجس التبليغ عن إساءة
14 -	نعم الرد هذا ونعم الكلام	07-07-2017 07:21 PM الماجد الى زهرة النرجس التبليغ عن إساءة
15 -	الإنسانية هي اجمل دين .... يمكنك اسعاد نفسك مع الايتام ومع زوجك .... وتكوني فخورة بنفسك .....	08-07-2017 11:24 AM عوض التبليغ عن إساءة
16 -	نيالك زواج في الدنيا وجنة في الاخرة بس تراعي ربنا في الاطفال وخليكي من كلام الناس وتصرفي انك عروس عن جد وانبسطي وعيشي حياتك	11-07-2017 07:33 AM صبحي التبليغ عن إساءة
17 -	على فكرة اذا بتعملي زي ما حكيتلك في التعليق السابق نظرة الناس رح تتغير ويحكوا هي فعلا بدها اياه وانتي من ناحيتك ظلي امدحي فيه وعددي مزاياه وشوفي بعدها كم الف وحدة بتصير تلف حواليه واصغر منك واحلى كمان وبغض النظر لو عنده الف ابن	11-07-2017 07:36 AM صبحي التبليغ عن إساءة