والله نفسي الاقي السعادة بس مش لاقيتها باشي ساعدوني

02-07-2017 11:11 AM

تعديل حجم الخط:

سرايا - سرايا - مرحبا،
انا بنت عمري 26 سنة
أول ما تخرجت دورت عشغل بالخليج وطلعت، صرلي أربع سنين بشتغل .والحمدلله الله وفقني
خلال هالاربع سنين جمعت مبلغ محترم حوالي 60الف دينار،وزهقت غربة ، قررت ارجع عند اهلي ، توقعت الاقيهم بستنوني بالاحضان،
خلال هالاربع سنين حسيت حياتي مالها معنى ، حاولت اتاقلم بالغربة ما تاقلمت، وأكثر راتبي كنت اوفرو، في سبيل اني ارجع عبلدي واعيش حياة كريمة انا وأهلي وأهم شي نعيش مبسوطين،
المهم بفكر اعمل اشي ب هالمبلغ، بس امي بتحكيلي هيك رح تصيري مطمع للعرسان، فهاتي المبلغ نزوج فيه اخوكي،
مع العلم انهم بأقل من ربع المبلغ بقدرو يزوجو واحسن جوازة كمان، علما اني ماقصرت مع اهلي باشي،
وبرضو خايفة يكون معها حق وأنه ممكن أكون مطمع وحدا يتزوجني ليسرقني. وبعدين يطلقني .
وعازز علي اني كنت أحرم حالي من كلشي بالغربة عشان ارجع أعيش مرفهة متل البنات الاغنيا،
وبالأخر أعطيهم كل تعبي،
والله نفسي اعمل مشروع ، وبنفس الوقت ماحد يخطبني عشان معي مصاري، ونفسي أحب وانحب، وأهلي يكونو مناح ؛ وما يزعلو مني.
والله نفسي الاقي السعادة بس مش لاقيتها باشي ساعدوني بحل شو اعمل .

طباعة

المشاهدات: 30352


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	02-07-2017 11:11 AM سرايا
2 -	السلام عليكم...يعني كل بنت معها مصاري مطمع للعرسان.قصتك تافهه.انت لست صغيره لكي تعرفي الخير من الشر والجيد من الرديء.ساعدي اخاك والله يرزقك ابن الحلال	02-07-2017 11:19 AM امير الليل التبليغ عن إساءة
3 -	هاد تعبك لا تعطيه لحد حتى لة اخوكي بكرخ بتصفي على الحديده و ما حد راح يساعدك او يتذكرك اعملي فيه مشروع احسنلك	02-07-2017 11:38 AM غيث التبليغ عن إساءة
4 -	هاد تعبك ومصاريك ومن حقك فحطيهم بالبنك منشان تضمني ماحد ياخدهم منك وبالنسبة لاهلك ازا محتاحين ممكن بمبلغ معين تساعديهم بس ازا مش بحاجة ومعهم خلص فش داعي واخوانك شباب يروحو يشتغلو ويتغربو زي ما انتي تغربتي ومابنخاف عليهم شوفيلك حدن تثقي فية منشان تعرفي كيف تشغلي مصاريك **	02-07-2017 11:49 AM موسم الكرز التبليغ عن إساءة
5 -	الله يعطيك العافية .. ماحدا اكيد انه معك مصاري الا الناس المقربين منك و من اهلك ومو ضروري تحبي شخص من العائلة او تنخطبي من نفس العائلة و اعملي مشروعك بدون ما تخبريه خليه بالسر ان كان ابن حلال رح يوقف جنبك بعد ما تعاشريه .. و ان كان غير هيك خليك شغالة بمشروعك بشكل سري يعني على اساس انه لاهلك	02-07-2017 11:56 AM المختار التبليغ عن إساءة
6 -	اخوكي شاب واكيد قد الحيط بدبر حالو .... البنت بالمجتمع ضعيفة مش زي الشاب بجيب القرش لو من تحت الارض بدبرو حالهم ومش مجبورة تعطي مصاريك الا ازا كانو بحاجة ماسة ومحتاجين كتير كتير غير هيك ﻷ خليهم لالك متل مابحكي المثل .. خبي قرشك الابيض ليومك الاسود..	02-07-2017 03:33 PM شطورة التبليغ عن إساءة
7 -	بامكانك تساعدي اخوك بمبلغ ٥ الاف اذا بده يتزوج ومش قادر والباقي اعملي فيهم مشروع يعني اهلك بخوفوا فيك لياخذوا فلوسك وتعنسي مش ضرورة مل واحد بظه يتزوج بنت ليسرقها بكرة بصير عندك اولاد واولادك احق بتعبك بس شو المشروع الي ممكن ينعمل ب ٥٠ الف	02-07-2017 03:55 PM السوسنة⚘⚘ التبليغ عن إساءة
8 -	بكل صدق احكيلك ما تعطي المبلغ لاي حد لانه الطمع بدأ من اقرب الناس والمسأله واضحه جدا بس باسلوب دبلومايسي عشان ما يثار الشبهه من حيث الطمع فخلي فلوسك معك و فكري بمشروع افضللك ... كل واحد يجوز حاله من جيبته	02-07-2017 04:09 PM نبيل التبليغ عن إساءة
9 -	السلام عليكم ورحمة الله اختي لو أنا بمكانك اساعد اخوي بمبلغ بسيط ليتزوج زواج طبيعي بدون فخفخه زايده لأن حضرت اخوكي ماتعب فيهم ولا تغرب يعتي رح يصرف بدون تفكير .. واعملي بالباقي مشروع بسيط او اشتري شقه وأجريها مثلآ وعيشي من أجارها وحتى لو اجاكي ابن حلال مش شرط يكون طمعان بمصاريكي وعيشي واتهني بحياتك ★★★	02-07-2017 04:50 PM زهرة النرجس التبليغ عن إساءة
10 -	السلام عليكم...الى الاخ غيث...الله اكبر بتقسي قلب الاخت على اخيها.وين المشكله اذا ساعدت الاخت اخيها المعسر بمبلغ معين حتى يقف على رجليه ويتزوج؟سيبقى اخيها مسند ظهرها مهما حصل.مشان هيك معناتو الدنيا خربانه	02-07-2017 04:57 PM امير الليل التبليغ عن إساءة
11 -	السلام عليكم...الى الاخ غيث...الله اكبر بتقسي قلب الاخت على اخيها.وين المشكله اذا ساعدت الاخت اخيها المعسر بمبلغ معين حتى يقف على رجليه ويتزوج؟سيبقى اخيها مسند ظهرها مهما حصل.مشان هيك معناتو الدنيا خربانه	02-07-2017 04:57 PM امير الليل التبليغ عن إساءة
12 -	روحي اشتري سياره تكسي باسمك أو شقه بعماره واعطيهم 10 عشرة الاف لانه رح يظلوا ملاحقينك لحتى تعطيهم ولا تردي لانه بكره وان تزوجتي خلي كلشي باسمك ولا تعطي حدا وين هم من اربع سنوات ؟؟؟؟	02-07-2017 06:44 PM عابر سبيل التبليغ عن إساءة
13 -	في هذا الراي انا معك يا عابر سبيل.تحياتي لك	02-07-2017 07:33 PM امير الليل التبليغ عن إساءة
14 -	فلوسك اشتري شقه واجريها أو مشروع على قدك حتى لو زوجتي يظل باسمك مشروعك وانتي حرة فيها تزوجيني	02-07-2017 07:34 PM علاء. التبليغ عن إساءة
15 -	عزيزتي الزمن تغير اقرب الناس الك طمعانين فيك احتفظي بمالك لاتعطي لا لاخيك ولا حدا هذا تعبك في الغربه خليهم في البنك حتى اذا تزوجتي لاتباغي زوجك كل الرجال طماعين لايهمهم الا المصاري في هذا الزمن التعيس احذري لاتتاثري باي حد المال مصدر قوتك بعد الله لاتخلي احد يستغلك او تتعاطفي معه انا مررت بهذه التجربه احذرك الله يوفقك ويبعد عنك اولاد الحرام والطماعين من اقرب الناس كوني قويه الله معك	02-07-2017 08:37 PM الغربه التبليغ عن إساءة
16 -	انا رجل اعمال بقدر اساعدك بمجموعة من الافكار التجارية دون مقابل بس ما بعرف طريقة التواصل	02-07-2017 09:09 PM ابو المرداس التبليغ عن إساءة
17 -	انا رجل اعمال بقدر اساعدك بمجموعة من الافكار التجارية دون مقابل بس ما بعرف طريقة التواصل	02-07-2017 11:49 PM ابو المرداس التبليغ عن إساءة
18 -	اشتري ارض وسجليها باسمك ولا تحكي لاي عريس عنها	03-07-2017 03:02 AM نصيحة التبليغ عن إساءة
19 -	خذلك أستعراض هلا الغربه ما علمتك كيف تحافظي على قروشك وكيف ووين تصرفيهم ههههههههه يا جماعه الخير جنس حواء بقدر ع قداير هههههههههه الله يجيرنا منكو	03-07-2017 08:03 AM احمد دوجان التبليغ عن إساءة
20 -	انا صار معي متلك و مره اخوي صرفت المصاري على الديكور و جابت شغاله و ازا طلبت شي منهم مثلا ياخدو سيارتي عالتصليح او يجيبوني من المطار ما بقبلو و احلى شي مره اخوي صارت تتطاول علي كمان و هيني مخطوبه لرجل كبير بالسن عشان اخلص منهم يا ريت طمع فيي شاب صغير كان ارحم	03-07-2017 11:51 AM sad girl التبليغ عن إساءة
21 -	اختي اعملي مشروع لمستقبلك ماحد ينفعك لا اخ ولا اهل كوني قوية الزمن لايستحق الطيبة الله يسامحك ليه رجعتي طيب اذا مليتي اعملي اجازات وزيارات المهم اعملي مشروع وخليه باسمك اختي اي شي ماحد بقدر يجبرك على شي نصيحة ل اخت سواء كان العريس منيح او عاطل اعملي شي لمستقبلك وباسمك	04-07-2017 10:28 AM السندريلا التبليغ عن إساءة
22 -	شو عرفك بالكذب الا من كبره صرتي مجمعه مبلغ هالقد باربع سنين هاي اول كذبه والكذب الثانيه دول الخليج مابتوظف ماعندهم خبره ومين هالاهل اللي بغربوا بنت عمرها 22.. مشان تشتغل..	06-07-2017 01:21 PM ام تيم التبليغ عن إساءة
23 -	والله يا ختي كلنا ندور على السعادة ومش لاقينها بس الحمدلله	07-07-2017 02:48 PM بدويه التبليغ عن إساءة