سرايا - سرايا - انا بنت بالعشرينيات درست تمريض لانها رغبة اهلي مع اني طول عمري كنت احلم بالطب لكن في التوجيهي ما جبت المعدل الي بدي اياه بسبب ظروف صحية صارت معي بوقتها وكنت بدي اعيد توجيهي عشان احصل على الي بدي اياه بس الاهل رفضوا انوا يسمحوا لبنتهم الي معدلها بدخلها هندسة وصيدلة انها ترجع تعيد توجيهي خصوصا انوا معدلي عالي بس ما بدخلني طب

المهم درست تمريض وانا مش داخل مخي وحاليا عم بشتغل فيه من سنتين بس مش قادرة اتحمل اني اضل ممرضة وهون المشكلة

انا ما بشوف التمريض غير خدم للاطباء سب وشتم واهانات بتكون الممرضة بالخمسينات بجي طالب طب قد ابنها بهينها وكل الاطباء والتمريض بوقفوا وبيضحكوا على الموقف ولا حدا بيسال عنهم لا ادارة ولا رؤساء اقسام بالعكس بطلع الحق عليها بالاخير
بصراحة انا عم بفكر بحياتي لسا انا صغيرة ليش اعيش عمري وانا كل يوم بنسب وبنهان وبشتغل خدامة بمسمى ممرضة عم بفكر حاليا اني ارجع اعيد توجيهي وادرس الي كنت احلم فيه الي بفكر فيه صح ولا غلط
رجاء الي بدو يعطي حلول يكون حل فيه تغيير من وضعي مش اصبري واتحملي لو اني قادر اصبر ما كتبت هون"