سرايا - سرايا - انا زهقت جد من هالمجتمع هادا كلشي بحطو الحق ع الانثى
انا الصراحة نفسي اطلق واعيش حياة فيها كرامة مع اني تجوزت بموافقتي وابوي ما كان موافق بس امي كانت ضل تقنعني وخالتي تحكيلي انو ابنها كتير منيح وراح يهنيكي وانا زي الهبلة وافقت . . .
و اهلي رافضيين عالطلاق وبحكولي بدك تفضحينا لازم تصبري وشو ما عمل بعاود يصير بس انا زهقت ما في غير بضل يغلط ويضرب وممنوع احكي او افهمو شو الموضوع حتى كلمة حلوة بحكليش بالعكس مرات بحكيلي شكلك زي البومة . .
وازا ما طبخت بفضحني ولاطبخ ما باكل
حتى مصروف ما بعطيني مع انو شغلو كتير منيح وشو بطلعلي مصاري باخدهم. .
حتى مشاوير ما بطلع والله بضل اعدة شهر كامل بالدار وازا طلعت بس ع الدكاترة او عند اهلي بس . .
واخر فترة صرت كتير افكر انتحر وارتاح لاني زهقت وطقيت. .