زوجي لم يأكل من طبخي؟؟

12-02-2017 09:35 AM

تعديل حجم الخط:

سرايا - سرايا - انا اليوم طبخت محاشي بناءا عرغبه زوجي الله وكيلكم ساعتين وانا احفر واحشي واطبخ المهم قبل بساعه من ترويحتو بعد مكنت طابخه بحكيلي خلص تطبخيش امي بدها ياني اوكل عندها طابخه ارنب طب والمحاشي طب والتعب اللي تعبتو حكتلو الاسبوع الجاي بنروح سوا صرت تعبانه بالاكله بحكيلي كلي لحالك امي بتزعل طب وانا انسطح يعني المهم لما روح طاوشنا انا كتير نقهرت والله وعيطت وتقاتلنا وكل واحد نام بغرفه شو رايكم لو كنتو محلي شو بتعملو بحس زعلي عندو مش مهم اهم شي ميزعلش امو وانا مش ضد انو يروح بس لو حكالي من الاول كان متغلبتش هالغلبه ومستجراش يحكيلها بديش مرتي طابخه شو رايكن عنجد ؟

طباعة

المشاهدات: 31479


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	12-02-2017 09:35 AM سرايا
2 -	مشان الله ارحمونا من هالقصص التافهه هاي مشكله بتستاهل نضيع وقت عليها ونعطي حلول	12-02-2017 10:32 AM محمود التبليغ عن إساءة
3 -	أكبر غلط تعملي مشكلة من هاي الشغلة الأفضل انك قلتيلوا تعال خذني معك وبتاخدي الغذا معك وبتتغدو كلكم سوا	12-02-2017 10:42 AM المميز التبليغ عن إساءة
4 -	السم الهاري ليش متعبه حالك انت على مبداء الوصول الى قلب الذكر معدته هذا ابن امه لاتطبهي ولا بطيخ اهتمي بنفسك وخلي هو يعمل اكل لحاله يعتمد على نفسه المراءه مش خدامه يامتخلفين	12-02-2017 11:00 AM ذكوووووور التبليغ عن إساءة
5 -	يا اختي الله يرضى عليكي ما اكلش اليوم من المحشي بيوكل بكرا حطي المحشي بالثلاجة و سخني المحشي ثاني يوم و خلص خذي الحياة ببساطة مش هيك	12-02-2017 11:32 AM بني ادم التبليغ عن إساءة
6 -	والله هبلا غير ارمي الاكل واروح معه عند امه خليه ينجلط	12-02-2017 11:50 AM فراس التبليغ عن إساءة
7 -	لو كنت مكانك. بقله مر خذني انا والكوسيات وبنوكل سوى	12-02-2017 12:24 PM فاعل خير التبليغ عن إساءة
8 -	بتعرفي انا لو محله بطلقك شو هالطبخة الي محملتيه جميلة عليها قول طابخة لعشيرة وثانيا ضروري يعني هالدرامه كانك اول مرة بتطبخي ؟؟؟؟؟	12-02-2017 03:30 PM فادي ابو الطبايخ التبليغ عن إساءة
9 -	عادي كل الرجال هيك اكل امهم ازكى شي ومعهم حق تربو وكبرو على اكل معين زيهم زي البنات بحبو اكل امهم بعدين فيه هيك حالات روحي معو وخلي المحشي لتاني يوم وارتاح واطلعي وغيري جو في هاي الحاله لانه فيه المحشي تتغدو نصيحه اخويه شو ما يحكي جوزك عن امه احكي اوك حاضر بتيجيكي البركه على البيت من رضى الوالدين لا تضلي تزعلي وتمئتي حالك حاولي تنبسطي بأصغر لامور	12-02-2017 04:26 PM التبليغ عن إساءة
10 -	غريب محمدكو مش مبين طلق ولا لسا الله يفرجها عليك	12-02-2017 08:16 PM الحياة التبليغ عن إساءة
11 -	هههههه . . والله ضحكت من كل قلبي لما قرأت هالمشكلة. ضحكت مش عالمشكلة . . ضحكت من التعليقات . . وبالنسبة للمشكلة بقول : الله يرحم أيام قصص أريد حلا اللي كانت تكتبها مها احمد . . .	12-02-2017 10:57 PM سلفادور . . . التبليغ عن إساءة
12 -	أشكرك يا الحياة انك استفقدتيني ، وان شاء الله ما ابتفقي غالي ، امبارح كنت مجاز لأنه كان عندي محكمة ، والحمد لله القاضي وقف معي لأنه اتأكد انه أنا مظلوم بالقضية والأمور ماشية . سلام	13-02-2017 09:20 AM محمدكو الى الحياة التبليغ عن إساءة
13 -	يا اخوان فاليكن همكم الدين وماذا قدمتم له ، لا للبطون وماذا قدمتم له . سلام	13-02-2017 09:28 AM محمدكو التبليغ عن إساءة
14 -	لازم سرايا تحظر مشاكل النسوان من الموقع. المواضيع المضحكة زادت عن حدها	13-02-2017 01:28 PM ليث التبليغ عن إساءة
15 -	إلى ليث كل المشاكل عند النسوان وإذا عملوا حظر تفضى الزاوية وبضلوا انتوا لحالكم ع أساس ما عندكم مشاكل وقلي ما دامك منزعج إيش حاشرك مع النسوان	13-02-2017 07:36 PM الحياة التبليغ عن إساءة
16 -	إلى ليث كل المشاكل عند النسوان وإذا عملوا حظر تفضى الزاوية وبضلوا انتوا لحالكم ع أساس ما عندكم مشاكل وقلي ما دامك منزعج إيش حاشرك مع النسوان	13-02-2017 07:36 PM الحياة التبليغ عن إساءة
17 -	هل هذه الحادثة تتكرر؟.........................هل هذا الوضع قديم؟	14-02-2017 09:20 AM متابع التبليغ عن إساءة
18 -	يا ام المحشي جاوبي { متابع } على سؤاله لأنه مهم . سلام	14-02-2017 10:13 AM محمدكو التبليغ عن إساءة
19 -	والله مهو خلصت مشاكل الدنيا و الكوسا هية الي ضلت!! يعني انت يختي ليش منزعجة من تعليقي؟ مش عاجبك انت الي لا تقرئي والله عالم. اما مشاكل الدنيا مو مهمة و مضلش غير قصص الكوسا, مافي بطاله مافي زيادة بالانتحار, مافي زيادة بالفقر. خليكي انتي بالمطبخ احسنلك مهو هاد كبيركن يالنسوان	15-02-2017 04:51 PM ليث التبليغ عن إساءة