لا اقدر العيش معها و لا بدونها .. مالعمل؟

11-02-2017 09:10 AM

تعديل حجم الخط:

سرايا - سرايا - اول شي انا بحب بنت من سنه ونص اول شهرين البنت كانت تحمي مع حد تاني واعرفت ورديت ارجعت عشان انتقم بس ما قدرت بس البنت اخذت كل ثقتي ما عم اقدر اثق فيها مع العلم حكتلي انا بعمل الي بدك اياه ولبست اشار وكثير كثير تغيرت بس مش قادر اوثق فيها بشك باي شي بتعملو نفسي اتجوزها ومو قادر حاسس ومتاكد انو غلط مرات بتمنى حدا فينا يموت هيك بنحل الموضوع مو قادر استغني عنها ولا قادر اتجوزها بتمنى ما حد يخفف دم وخذو الموضوع بجديه حل وما حد يحكيلي اتركها ولا حد يحكيلي جرب اوثق فيها لاني جد خايف اشوفها بتعمل شي غلط بتشكر اصحاب الاخلاق"

طباعة

المشاهدات: 29462


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	11-02-2017 09:10 AM سرايا
2 -	والله يا حبيبي انت من اولها حيرتني بدك اياها ولا لأ ؟؟!! اذا انت مش عارف احنا شو نحكيلك ؟؟؟ بس بنصحك لا تعمل أي شي قبل ما تستخير واتأنى واصبر لأنه ما بعد الصبر الا الفرج ، بس بدي أذكر انه اللي بحبك بحب غيرك سواء الرجل أو المرأة . سلام	11-02-2017 10:51 AM محمدكو التبليغ عن إساءة
3 -	طيب مابدك حد يحكيلك اتركها...ولا متقبل توثق فيها...مابزبط هيك انت مش مخلي منفذ ابدا اخوي الانسان ممكن يغلط مره بس مش معناها تفقد ثقتك فيها كليا.يا سيدي اعمللها اختبار مثلا علاقل ليرتاح قلبك انها ما حتكرر خطأها لكن نصيحه اوعك تتزوجها وانت لسه بتشك فيها.لانه حتصير حياتكم جحيم.وانت حتصير تفسر كل موقف عمزاجك حتى لو هي قاصده منه خير.اتمنالك التوفيق	11-02-2017 12:17 PM اردنيه مغتربه التبليغ عن إساءة
4 -	يا زلمة شو هي حزيرة ؟؟؟؟	11-02-2017 12:48 PM محمدكو التبليغ عن إساءة
5 -	ما بدك حدا يخفف دم ولا حدا يحكيلك اتركها ولا حدا يثقل دم اقول روح انطم	11-02-2017 03:10 PM شو بدك؟ التبليغ عن إساءة
6 -	الحل الوسط أنك تعطيها فرصة وتراقبها من بعيد ربما تابت ومين فينا ما اخطا الي بحب يغفر	11-02-2017 05:10 PM الحياة التبليغ عن إساءة
7 -	انا حاس انك ما بتحبها بس متعلق فيها........لأنك بصراحةبحاجة لحب ......	11-02-2017 06:45 PM حسن ملحم التبليغ عن إساءة
8 -	انسى الموضوع... انساه تماما يا عزيزي... اذا انت الان مش قادر تستوعب انها في يوم من الايام كانت تحكي مع شب... شو رح تعمل بكره بعد الزواج... بعد ما ينطفي الحب وتنشغل بالاولاد وتزيد المسؤوليات وتكثر المشاكل... انا ما بحكيلك ان البنت مش كويسة او انها سيئة... ابدا ابدا... المشكلة عندك... زيك زي اي رجل شرقي... نفسه يحكي مع كل بنات العالم وفي نفس الوقت ما بطيق يعيش مع بنت الها تاريخ... عقدة ما رح تنحل، مشان هيك لا تظلم حالك ولا تظلمها.. واللي خلقها خلق غيرها وغيرك	11-02-2017 07:57 PM عبد الله التبليغ عن إساءة
9 -	اخي انا شايفه انك لازم تشوف دكتور نفسي يعالج الشك يلي عندك .اخ محمدكو نفسي تحكي كلمة خير وتثبت عليها وما تغيرها خليك محظر خير	12-02-2017 01:13 AM امونه الى صاحب المشكله والى محمدكو التبليغ عن إساءة
10 -	رقم٧ مضبوط كلامك اخ عبدالله واوافقك الراءي رجل شرقي	12-02-2017 07:39 AM Good advice التبليغ عن إساءة
11 -	يا رجل خاف على اعراض الناس .. إنت اناني يعني لو اتجوزت شو ذنب إلي تجوزته وهي كانت على علاقه معك ؟؟؟؟؟ جاوبني ؟؟؟؟؟؟ انت انسان مهزوز وبنصحك اوعك تزوجها لانك ما رايح تقدر تعيش معها اكثر من شهر والله والله غير حياتها وحياتك تصير جحيم... واتركها فورا تشوف مستقبلها وتشوف حالها	12-02-2017 08:45 AM .............. التبليغ عن إساءة
12 -	صديقي .. الحل الوحيد هو أن تكون مع الله تعالى في كل حركاتك وسكناتك ، انك تصلي وتركز بدينك وتحرص على انك ترضي رب العالمين ، والله عن تجربة بحكي ، وثق تماماً انو بالوقت الي بتكون فيه مع الله وربنا برضى عنك رح يسًخر لالك كل شي ، واقطع تواصلك معها ، فإذا كان فيها خير الك ثق تماماً رح تكون من نصيبك وان ما كان فيها خير ربنا رح يبعدها عنك ويبعدك عنها ورح تبغضها ورح تطلع من نفسك من دون ألم وعذاب ، كن مع الله يكن لك كل شيء.	12-02-2017 10:37 AM وادي موسى التبليغ عن إساءة
13 -	والله اذا القاضي وقف معي لأني على حق امبارح لأني كان عندي جلسة امبارح وانتي ابتحكيلي روح على دكتور نفساني ، الله ايسامحك يا أمونة سلام	13-02-2017 09:09 AM من محمدكو الى أمونه التبليغ عن إساءة
14 -	اخي انا كتبت لصاحب المشكله انه يراجع دكتور نفساني مش انته اقرأ التعليق مزبوط	13-02-2017 02:26 PM امونه الى محمدكو التبليغ عن إساءة