سرايا - سرايا - قصتي اني رجل عصامي من عيلة عادية جدا لا غنية ولا فقيرة الحمدلله بفضل من عند الله قدرت أكمل دراستي واشتغل بنفس الوقت من حسابي واخر سنه الي في الجامعه تعرفت على بنت حلوه كنت معجب بشكلها وما كنت عارف شو معدنها ومن بعد تعارف اكتر تعلقت فيها من حسن أدبها وأخلاقها والبنت حبتني وحبيتها وكملت اخر سنه الي وانا شايف أحلامي عم تتحقق تخرجت واشتغلت بشغل غير تخصصي وأبدعت وقدرت اجيب سيارة وهيه لساتها في الجامعه كنت دايما على أعصابي من تطلع من البيت حتى ترجع بحكم انو ما عندها اخوان وكنت اغلب الوقت اصر على توصيلها والاهتمام فيها متل اختي واكتر وهيه وعيلتها وضعهم مرتاح وانا لسى عم ببني حياتي من الصفر وكانت دافع ومحفز أساسي الي بحياتي قدمت على وظائف كتيرة ومن ضمن الوظائف هاي طلعلي وظيفه في دوله خليجيه والحمدلله طلعت واشتغلت بس ما طولت حتى رجعت بلدي بدون نتيجه مش عيب فيه لاء العيب انو الفيزا ما زبطت واحنا لسى مع بعض صابرين وبنستنى الفرصه ضلينا بعديها كمان ٦ أشهر الحمدلله ربي يسرلي وظيفة في السعودية بتخصصي وميزات كتير ممتاز الحمد والشكر لله راتب ٥٠٠٠ ريال غير البدالات ١٥ الف بدل سكن سنوي وراتب إضافي كل سنه وأجازه مدفوعة الراتب يعني ما يعادل ٨ الاف شهري وهذا اكتر من ممتاز لموظف مبتدأ المهم صبرت وحوشت مبلغ منيح اجت الأيام وقررت أكلم اَهلها بالموضوع على موعد الاجازه ع أساس أخطبها قبل الاجازه بكم بلشو العرسان يجو واحد ورا التاني كإنهم عارفين انو انا مخطط لهذا الاشي قلت بسيطه بترفضهم زي اللي قبلهم ، بس عرفت انو واحد منهم بدو يجي عالبيت ايشوفها انا صارت النار تاكل فييه قلت بس لهون ستوب والبنت متدايقه مش بس انا ما بدها حدا غيري دخلت اختي بالموضوع خليتها تحكي مع أمها وتكشف السر عشان توقف الموضوع وانا احكي مع ابوها كان رد الام بتكبر وتعالي مفكرة حالها بتعرفنا منيح قال انتو غزاوية .!؟ انتو بتقدرو تسافرو ؟ سبحان الله انا الي الشرف اني أكون من أهل غزه هما ابطال الوطن انا من غزة ومن اللد والرمله انا من فلسطين و الاردن كمان رجل ابن رجل لما أوعد بوفي بوعدي ، ما بتعرف اني سافرت اكتر منها بحياتي مش عاجبها الام ، بس الخيار الاول والأخير للبنت ، استشارات البنت وحكتلها كلشي عني قالت خليه يحكي مع ابوكي حكيت مع ابوها اول سؤال سئله كم بتاخد راتب حكيتلو قال شو بحكيلي شو بدهم ايكفوك هدول عمي انا لسى امبارح ماخدها عالدكتور دافع عليها ٤٠٠ دينار وشاريلها نظارة للكومبيوتر ب ١٦٠ دينار قلتلو سلامة خيرك جوالاتي لحالهم حقهم ١٤٠٠ دينار وعطوري فوق ال الف دينار حاولت اختصر بالحكي حتى ابينلو اني شاريهم وانا عند وعدي لبنتو وبحطها بقلبي وعيوني قالي خليني اشوف واستخير بعد يومين البنت بطلت تحكي معي والأب ما رد علي فهمت القصه بس شو السبب .!!؟؟؟ ٤ سنين راحو بدون اي سبب اخيرا قررت اسألها شو السبب حكتلي عن احلام مزعجة كانت تيجيها بعد صلاة الاستخارة انا الحمدلله من الناس اللي بخافو ربنا بصلي وبصوم وبزكي وربنا موفقني الحمدلله بصراحة الحلم هاد ما اقنعني ممكن ايكونو اَهلها طلبو منها تحكي هيك .؟!؟
ممكن حب سنين يُنتسى بهذي السهولة.؟؟
"