احببت فتاة 5 سنوات وبعدها تزوجت من غيري

15-01-2017 10:36 AM

تعديل حجم الخط:

سرايا - سرايا - قصتي انا شب اردني عشت حياتي زي مابدي تعرفت علی بنت وكنا اصدقاء نحكي كلمتين بس .. مرحبا كيفك مساء الخير
ونغيب عن بعض بحدود الاسبووع
استمرينا هيك يمكن خمس شهوور . وبعدين تعمقنا بالمعرفه وصرنا نحكي اعطتني رقمها وضفتها ع الوتساب وصرنا نحكي بالساعات بتذكر اول يووم رنيت عليها وسمعت صوتها انصعقت وفقدت حالي يمكن 10 ثواني
كان صوتها زي الملائكه بريء طفولي صوت فيه حياة
استمرينا علی انه اصدقاء تقريبا سنتين ...
اعترفتلها بحبي وكانت بتستنا احكيلها بحبك ...
عشت حياه زي كأني اليوم انولدت من جديد حسيت بطعم الحياه الحب معها كان غير بنت ماشاء الله عليها بتفهم عقل متدبرة بس كانت تغار كثير وكنت مبسووط من غيرتها ..
صارت بينا مشاكل كثير .. بس عمرها ماستمرينا بالزعل اكثر من 10 دقايق .. حتی لو انا غلطان تيجي هي تعتذر او العكس ..
ماكان في فرق بينا او في حواجز استمر حبنا 4 سنين ماشفتها ولا مرة غير صور يعني بس عالواقع ماشفتها ولا طلعنا ولا مرة وكنت مبسوط كثير
طبعا كنت بدي اطلبها بس الضروف كانت زفت زفت لا جد زفت ... انا اكبر واحد بالبيت وكان حمل الدار علي راتبي رايح اطلعت من الصف10 عشان اشتغل واساعد ابوي ...
ماكنت قادر اجمع فلووس واتجوز وندمت اني ساعدت البيت وضيعت البنت من ايدي ..
وبيوم من الايام بتحكيلي بدها تسافر عالضفه غابت 14 يووم وبس رجعت كانت مغيرة رقمها وعرفت انها رايح ع المشفی بعد فتری ... روحت هناك وستنيتها وبس نزلت من السيارة ماصدقت عيوني حبي قدامي واقفه ...
مشيت معها ونسيت انها خاطبه وحضنتها لاول مرة كانت لحظه مابتنتسی .
قعدت خاطبه شهرين وتجوزت 4/12/2016يوم جمعه ...
هون انا انصدمت ... قعدت بالمشفی قريب اسبوع 10 ايام . كنت بحالت صدمه الله وحدة ادری فيها ماصدقت ولهسی انا مش مصدق بحاول اقنع حالي يمكن يكوون حقيقه بس لا مستحيل تكون لحدا غيري انا بعترف اني كنت مقصر ولازم طلبتها زمان بس ماكنت قادر ..
بحبها وراح اضل احبها وراح اضل استناها لو لأخر يوم بحياتيي مابدي اتجوز ولا احب غيرها

طباعة

المشاهدات: 45396


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	15-01-2017 10:36 AM سرايا
2 -	ما حدا بقدر يوقف بوجه النصيب والواحد لازم يرضى بنصيبه وهي تجوزت لو بتحبها اتمنى الها السعادة وابعد عن طريقها خليها تعيش حياتها .. بعرف ممكن يكون هالواقع صعب وقاسي عليك بس شو طالع بايدنا ما بنقدر نغير القدر وبالاخر الحمدالله على كل شي	15-01-2017 10:50 AM ?????????? التبليغ عن إساءة
3 -	ههههههههههههههههههههههههه تستاهل	15-01-2017 11:15 AM هههههههه التبليغ عن إساءة
4 -	المشكلة الكذبة بتعرفها من وين من كبرها تاريخ 4/12/2016 كان يوم احد مش جمعه	15-01-2017 03:07 PM محمد الزعيم التبليغ عن إساءة
5 -	اولا كيف لك حمل بيت اهلك و انت تتصرف كمراهق لا اكثر ولا اقل. ثانيا اخي انت تحب لانه بالعاميه..... ابلاش. ثالثا و اخيراً انت متناقض غيرت رقمها و ذهبت و أمور اخرى و لم تقابلها في حياتك و اخيراً تلاقيها في المستشفى. ما بتزبط اخي. كان الله بعون اهلك ان كنت اكبرهم و كان الله بعونهم ان كنت أصغرهم	15-01-2017 10:35 PM السندباد التبليغ عن إساءة
6 -	أولا فيلم هندي من الاخر كيف خاطبه ومتى...بعدين شو بتستنى حضرتك سنين ..مصباح علاء الدين والله قرفتونا وسبحان الله دايما انتو ضحايا لازم البنت تترهبن عبال ما تفضو	16-01-2017 02:15 AM هنادي التبليغ عن إساءة
7 -	صحيح انا مع محمد الزعيم ماكان يوم جمعه كان يوم احد	16-01-2017 05:25 AM سالم التبليغ عن إساءة
8 -	انا مع الاخت هنادي.......شو بتستنى اطلبها واترك الامر على الله...ولا لازم الصبية ترفض عشرين شب عشانك وبالاخر تعتذر منها	16-01-2017 02:51 PM ناصح التبليغ عن إساءة
9 -	انت مين و همه مين و هي مين و احنا فين هوه فيي اييييه؟؟ بس الفلم تبعك حلو جد ضحكتني من قلبي, و محمد الزعيم لقطك بالتاريخ, و على قولت السندباد الله يكون بعونهم اهلك	16-01-2017 03:33 PM ليث التبليغ عن إساءة
10 -	يا أخي مش كأنها مش زابطه معك؟ امبين انه القصص تأليف مش لهدرجه الاستخفاف بعقول الناس. يا ريت تلغوا هذه الزاويه و تبدلوها بزاويه هل تعلم. ...	22-01-2017 04:33 AM بالله عليك التبليغ عن إساءة