اهل زوجتي يريدون العيش معي في سفري .. ماذا افعل؟

02-01-2017 03:43 PM

تعديل حجم الخط:

سرايا - سرايا - انا شب متجوز وعايش برا البلد والحمدلله أموري انا ومرتي منيحه
بس صرلنا كم يوم مشاكل ﻹنو امها وابوها بدهم يجو ويقعدو عنا شهر .. وانا بفهم بمرتي اني ما رح ارتاح ببيتي وهمه موجودين لو كم يوم رح يقعدو كان ما قلت اشي بس شهررر بدي اضل متحملهم والبيت صغير وقلتلها انتي مش حقك تجيبيلي اهلك انا مش مجبور فيهم ومن ساعتها زعلانه وما بتحكي معي .. انصحوني شو اعمل انا زلمه بحب الخصوصيه وارتاح ببيتي وهي اهلها مزعجين وانا ما بطيقو ﻷبوها .. احكولي كيف اقنعها

طباعة

المشاهدات: 35632


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	02-01-2017 03:43 PM سرايا
2 -	اعتبر اهلك الي بدهم يجو.. بترضى هيك مرتك تحكي؟ اكرمهم عشان جوز بنتك بكرا يكرمك.. سجل بنادي رياضي هالشهر اشغل حالك بأي اشي... واعمل بأصلك	02-01-2017 03:52 PM مايكل التبليغ عن إساءة
3 -	لو كان العكس كان انجبرت الست تسكت	02-01-2017 04:18 PM ظلم التبليغ عن إساءة
4 -	ما فيها شيء ..شهر ضيوف لكن مبين عليك نتتن وبخيل	02-01-2017 05:04 PM سسسسسسسسسسسس التبليغ عن إساءة
5 -	مشكلتك صغيره ... اتحملهم هالشهر ما رح تخرب الدنيا.	02-01-2017 06:05 PM محمد العلي التبليغ عن إساءة
6 -	المشكله مش هون وبس . . لسا يا حبيبي لما ييجوا . . بدهم يطشوا ويعملوا جولات سياحية ويوكلوا في المطاعم . . على حسابك . . فا اذا كان وضعك كويس ما في مشكلة كرمال عيونا لمرتك . . أما إذا كنت مسخم احلقلهم كلهم قبل ما توقع الفاس بالراس . . . واللي مش عاجبه يحلق حواجبه !!	02-01-2017 06:32 PM القرد . . . التبليغ عن إساءة
7 -	متل ما بتحمل امك وأخواتك وابوك لازم تتحمل أمها وأبوها الله يشفيك بتسمع بكلام امك وين اكرام الضيف	02-01-2017 09:51 PM اناني التبليغ عن إساءة
8 -	استغفر الله العظيم لهذه الدرجة ما عندك صبر شهر دخيلك ودخيل خصوصياتك لو مكان مرتك ما أظل معك عايشه دقيقه فعلا انك ما بتفهم بالعشرة ولا الأخلاق	02-01-2017 11:57 PM اسراء التبليغ عن إساءة
9 -	سبحان الله ما في حدا بحب حدا غير الي بخصه يعني اعتبرهم اهلك عيب عليك عشان مرتك هاد لو الها خاطر عندك بس لو انك بتحبها وبتحترمها كان ما حكتلها هاد الحكي حتى لو انك مش عاجبك الموضوع بعدين كله شهر لما زوجوك بنتهم ما كانوا مستنيين هيك تصرف منك بس خلص هيك العالم صايرة اللهم نفسي وبس لا حول ولا قوة الا بالله	03-01-2017 12:14 AM شوش التبليغ عن إساءة
10 -	انتا عن جد ماعندك اخلاق متل ماحكى مايكل اعتبرهم ابوك وامك وعيب تحكي هيك سنة حلوة وسعيد لكل المعلقين وان شاءالله تتحقق جميع امنياتكم :)	03-01-2017 12:40 AM موسم الكرز التبليغ عن إساءة
11 -	Hccuug	03-01-2017 01:54 AM محمد التبليغ عن إساءة
12 -	عن جد مبين عليك نتن وبخيل كحتة اخص عليك يا نتن ولك عمك عمك يانتن فكها شوي قال خصوصية قال خص اللي يخصك يا معفن	03-01-2017 06:34 AM سعيد التبليغ عن إساءة
13 -	اخي ما تقوم بة أكبر خطاء وإذا فعلت ذلك سيأتي عليك يوم لا تعرف النوم من الندم...الحذر الحذر... اسوقبلهم بكل صدر رحب	03-01-2017 07:08 AM الدراو التبليغ عن إساءة
14 -	انت ما بتستحي على حالك	03-01-2017 09:17 AM RANO التبليغ عن إساءة
15 -	يا رجل استحى على حالك و تصرف كرجل مش كذكر !!!	03-01-2017 10:02 AM م.احمد التبليغ عن إساءة
16 -	يا عيب العيب..... فعلا انك سخيف على طرح هيك مشكلة !!!!! والله لةو بتدين 3 شهور من راتبي لقدام لاكرام الضيف الغريب ما بقول لأ فما بالك بالضيف القريب (اهل مرتك). انا متغرب مثلك واهل مرتي لما ييجو لعندنا بقعده عندي مع العلم انه اخو زوجتي متزوج ساكن بجنبي وبيني وبينه 10 دقائق بالسيارة وما برضو ينزله عنده اكثر من يومين وبقية المده كلها عندي من اسبوعين إلى 3 اسابيع وبيتي صغير كثير كثير بس بحسوه قصر من الراحه إلي بشوفوها ولو نيتك سليمه على قدك بتعيش و بتكرم ضيفك وبنبسط عندك بدون ما تقوم بواجبك على اكمل وجه... اخص	03-01-2017 10:38 AM مغترب. التبليغ عن إساءة
17 -	كيف تقنعها ؟؟ والله انت بدك مين يصحيك طالما انها فترة مؤقته بدك تتحمل حتى لو سنة ، بالعكس لازم تبين انك مبسوط. غصب عنك ما بدك تحب ابوها لانه هو اكيد مش طايقك	03-01-2017 11:12 AM مهندس التبليغ عن إساءة
18 -	شو احلقلهم و يحلق حواجبه؟؟؟ والله عيب لو ما بتحبهم لازم تحترمهم اقل ما فيها عشان مرتك وولادك ويا ناس نصيحه لوجه الله اعملو لبكرا.. بكرا بس اتجوز بنتك و نسيبك ما يحترمك صدقني بتصر نار تاكل فيك.. لأنك مش قصران تبهدله بس بدك تعمل اعتبار لبنتك.. اتقوا الله	03-01-2017 04:06 PM مايكل التبليغ عن إساءة
19 -	أولا : انا سعيد جدا جدا بعودتك إلى موقع سرايا ثانيا : كلامك كثير مقنع وانا بسحب تعليقي . . . ثالثا : يوجد الكثير من القصص الافتراضية في الموقع . . لذلك بيكون الهدف من التعليق هو العصف الذهني فقط أو ممكن أعلق Just for fun	03-01-2017 07:32 PM القرد . . . إلى مايكل التبليغ عن إساءة
20 -	يا حبيبي انتبه على بيتك وكلها شهر وعلى فكره ربنا ما بنساك بالعكس رح ترزق رزق كثير من وراهم اتحملهم الله بعينك انا مجرب متلك مو شهر 45 يوم ... بس والله ما حكيت اخ وانبسطت كثير	03-01-2017 08:41 PM الله يوفقك التبليغ عن إساءة
21 -	القرد ومايكل تنيناتكم نفس الاسلوب بطريقة الحكي اتوقع انك شخص واحد ؛ )	03-01-2017 11:15 PM موسم الكرز التبليغ عن إساءة
22 -	لأ يا ستي . . مايكل مش القرد والقرد مش مايكل . . . مايكل تعليقاته راكزة ومرتبة أما القرد شايف حاله وبتفلسف كتيرررر . . . ؛(	04-01-2017 09:17 AM هيد آند شولدرز التبليغ عن إساءة