سرايا - سرايا - والله تعبت مو قادره اتحمل اكتر من هيك بعد حب 4سنين اتزوجنا كنت افكر حالي اسعد انسانه ع وجه الارض وهو كان الملاك الي ما في منه كان محسسني اني حبه الوحيد الكل كان يحسدنا ع حبنا وحياتنا لدرجه اني بس اغيب عنه يوم تاني يوم بنبكي من كتر اشتياقنا لبعض حبنا ما في منه لا بالافلام ولا بالواقع بس بعد 9 سنين من زواجنا بالصدفه بفتح الفيس تاعه من تلفوني لقيته ببعت لوحده كانت جارتنا ورحلت من مفهوم الحكي انهم كانو يحكو مع بعض ويتلاقو يعني كان يخوني من اول سنه اتزوجنا فيها يعنيي الي عشته معه كله كذب الي حبيته خذلني الي فنيت عمري عشانه قتلني بخيانته والمشكله من كتر ما كنت واثقه فيه ما حسيت بلي بصير وكل شي كان قدامي واجهته وتمشكلنا وهو ندمان علي عمله بس حياتي ما راح اسامحه ومستحيل اثق فيه مش قادره احكي او اشكي ل حدا توفى بابا بعدها بفتره قصيره كانت اكبررر صدمه بحياتي انقهرت ابكيت صرخت سندي وظهري و اكتر انسان حنون وقريب مني راح وماما صعب احكيلها مريضه بخاف احكيلها لانها بتتعب بزياده وانا مش قريبه من اخواني يادوب بينا السلام واختي هي بواد وانا بواد وبيت حماي كل يوم مشكله ولا واحد بحب التاني ومش قادره اتقبل اني اضل عايشه معه ومستحيل ارجع متل اول عندي 3 ولاد كاسرين ظهري ولو فكرت اروح عند اهلي امي مش ملاقيه حدا
يصرف عليها راح اكون عبئ عليها حتى لو اشتغلت ما معي شهاده وابني صغير ما بنترك اي مكان والله ماني عارفه شو بدي اعمل انصحوني ادعو ل بابا برحمه والله يرزق ماما ويسعدها ويشفيها وادعولي الله يفرجها علي والي بده يقصف يقصف عادي ما وقفت عليكم "