سرايا - سرايا - المختصر انا بنت بحالي ومابحب للناس الا كل خير .. المهم بحكم التخصص يلي درسته كان عنا فترة تدريب عشان اتخرج ،، فكان المدرب بنظري جداً محترم ومتعلم وكان يدربنا بشكل صح وباسلوب رائع ،، هالمدرب صار بده يتقرب الي صار يبعتلي رسائل ومرات يرن هيك ع الفاضي بس يطمن علي ويسكر ،، انا استغربت من اهتمامه !!! في يوم من الايام اعترفلي بحبه ،، انا ما بكذب عليكم كنت اسعد وحده وقتها وكثير كنت مبسوطة بجد ،،، لحد ماحكالي انا ي بنت بدي اياكي بالحلال وتكوني الي وانا مو مثل الشباب البقيه يلي بستهبلو ع البنات ... طبعاً حسيت انه ربنا باعتلي اياه عشان ينسيني كل الهموم والمشاكل يلي عانيت منها ،،، وانا فعلاً حبيته لاني عجبني بكل شي فيه واتعلقت فيه وربي يشهد علي اني ماخنته وكنت وفيّة معه ومخلصه اله وخايفه ربنا فيه ،،، ليوم من الايام ببعتلي انتي ليش مطلّعه حكي عنا وبتقولي عني هيك هيك ،،، ما سمعني وماقدرت ابرر ويفهم اني مظلومه وحبيته وكنت مقتنعه فيه والله كنت دايماً ادعيله واذكره بالخير ،،، بيوم هيك وفجأة بحكيلي انتهى كل شي بينا وانتي من طريق وانا من طريق ،، والله ي جماعه كنت اموت باليوم الف مره ع قد ما انقهرت وانخدعت وكسر قلبي فعلاً .. مابقول غير حسبي الله ونعم الوكيل فيه وبكل ولد ""لانو خساره تقول زلمه"" بعلق بنات الناس وبروح .."