سرايا - انا بنت عمري 20 سنة بدرس بالجامعه حياتي عاديه ونا عندي اي ظروف صعبة.. بس عندي مشكلة نفسية انا طول الوقت بغرفتي ومسكره الباب وطافيه الضوء ما بحب افتح الشباك ولا اشوف الناس صارلي تقريبا 3 سنين مو قادره أكون مبسوطه ولا مرتاحه وبدور على سبب بس ما في اغلب الوقت ببكي وحاسه حالي لحالي ما بحب احكي مع اهلي ولا صاحباتي وما نفسي اتزوج ولا ارتبط لانو عارفه انو يا بنكد على الشخص يلي معي يا رح تنتهي حياتي بالفشل نفسي اكون متل البنات يلي بيضحكو وبيمزحو من قلبهم نفسي حدا يحكيلي كلمه واتقبلها وما ابكي صار نفسي اعيش مبسوطه تعبت من كتر ما بكيت وتعبت وانا لحالي بس مو قادره افهم الناس ولا يفهموني حاسه حالي عايشه بدون هدف ولا امل بس بستنى الموت ويلي رح يحكيلي صلي.. صليت وقرأت قرآن وقرات كتب بس ما بعرف شو فيي... بعرف انو ممكن ما عندكم حل بس انا حبيت اكتب واطلع بقلبي لان مو قادره احكي لحدا.. وبدي اعرف شو ممكن يكون السبب وشو بقدر اعمل شي يعطيني امل... وبالنسبة للتعليقات اكتبو شو ما بدكم انا يأست من الحياه بس ممكن تعليق من هاي التعليقات يغير شي او يعطيني امل انو احب الحياه