ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

اول شي ربنا يشافيكي .. وأسأل الله انو ينتقم من كل واحد ضعيف الايمان هدفو اذية الناس ..
صدقيني يا خيتي بنصحك تجتهدي على نفسك وما حد في النهاية بفيدك الا نفسك لانو ماحد محروق عليكي اكثر منك .. لانو الداية مو احن من الوالدة .. وليس بكاء الثكلى كبكاء المستأجرة .. بس قبل كل شي بدك تحكي ببالك وتكوني واثقة انو ربنا وحدة هو فقط القادر على انو يطلعك من هالحال .. لا فلان ولا علان ..
بعرف وحدة كانت مسحورة وكان تأثير السحر عليها شديد .. كان سحر تفريق عن زوجها .. الفكرة انو على قد ما راحت عند شيوووووووخ واللي كان منهم للأسف ناس تحت مسمى شيوخ .. ما شافت نتيجة الا لما هي اجتهدت على نفسها وعزمت على انو ربنا بس هو القادر انو يطلعها من حالتها .. فاجتهدت بالاذكار .. واجتهدت بقراءة القران بطريقة عجيبة .. وبالمناسبة هاي فرصتك بهالشهر المبارك .. واهم شي ابعدي عن التلفزيون وسماع الاغاني وهالحكي الفاضي .. وخلي دايما المسبحة بيدك حتى ما تغفلي عن الذكر .. وخلي املك بالله وحدو .. ربنا بقول ومن يتوكل على الله فهو حيبه .. يعني كافيه .. وبعد ما التزمت هالبنت بهالبرنامج وخلال فترة كانت مختلفة تماما عن ما كنا نعرفها .. الفكرة انها اقتنعت انو ما حد بفيدها الا اللي خلقها .. لانو للاسف فك السحر صاير تجارة .. وكشفيتو اكثر من كشفية الدكتور ما شالله ..

بس اللي بيعملو هيك بالناس وعاملينهم لعبة وبيؤذوهم بالسحر خافوا الله وتذكروا انو في ساعة موت ونطق للشهادة .. يعني يا ترى ما بتخاف/ي ربنا يمسك لسانك عنها عند الموت .. والمشكلة بظل طول عمرو يقضيها اذية بالناس وبتلاقيها بتسحر فلانة وما بتخلي الشر يعتب عليها وهمها بس كيف تخلي هالناس مغمومين ومهمومين وتسود عليهم عيشتهم ليظلوا بمشاكل وكأنها بتتلذذ اذا شافتهم تعبانين ومش موفقين .. هذا ظلم وربنا ما بنسى الظالم (حاشاه) .. ربنا بقول (ولا تحسبن الله غافلا عما يعمل الظالمون .. انما يؤخرهم ليوم تشخص فيه الابصار ) .. لا والمشكلة لما بتيجيها ساعة الموت لهالظالمة اللي كانت تئذي الناس وتسحرهم ومعيشيتهم بجحيم وقتها بصيروا يقولوا سامحوا فلانة .. كيف بالله اسامحها .. الله ينتقم منها ما خلتنا نعيش زي هالعالم من ورى طمعها وحقدها .. وبتتحدى ربنا بسحرها .. هالكلام ما بيفهموا الا اللي مر في وذاقو .. الله يعافيكم جميعا
اما الك اختي فطالما بتعملي اذكارك وبتلتزمي باللي حكيتلك عليه كوني على ثقة انو ربنا راح يحفظك ..
عموما انت هلا خليكي كرري بأذكارك (حسبي الله ونعم الوكيل ) .. صدقيني (وثقة بالله) الا تشوفي الحل العجيب خلال فترة بسيطة .. وتصدقي بنية الشفاء واجتهدي على نفسك بالدعاء .. انت بس توكلي على الله .. وربنا يشافيكي ويهدي بالك ويسر خاطرك ..
(اياك ان تظلم احدا ويكون سلاحه حسبي الله ونعم الوكيل )

لا تروحي على اي شيخ .رقي نفسك بالرقيه الشرعيه واكثري من قراءة سورة البقره واستغفري بنية الفرج وتيسير الامور

شو هذا المجلد الله يقويك ويفتحها بوجهك بتكتب مجلد

اختي صاحبه المشكله راحعي دكتور نفسي واذا قال ما عندك شيء كلي واشعبي ونامي

لا اتصور ابدا انك تعانين من شيء ............... فقط كوني قريبة من الله وتسلحي باللجوء اليه ...............ز

لن نزاود على ما قاله (احلى شب بأخلاقي)

انت ما مالك اشي..شغلتك نفسية..بنصحك نصيحة لله تعالى تزوري طبيب نفسي،،وسيبك من قصص السحر هالحكي الفاضي هاد

عليكي بالرقيه الشرعيه داومي عليها ولا تقطعيها وأذكار الصباح والمساء والصلوات بوقتها. وقراءة القرآن هاي الشغلات أفضل من شيوخ ....وحصن للمسلم وبتحفظه من كل شر

طيب كوني وحدة تانية وووين الغلط بتصيروا تنتين بتتعاونوا على تعزيل البيت والجلي

بتهلوسي اقراي قران ونامي على وضوء يمكن عندك حمى مالطية وانتي ما بتعرفي راجعي طبيب عام واعملي فحوصات لجسمك تشييك

عليكي بالرقيه الشرعيه وقراءة القران واذكار الصباح والمساء لان حاجة الانسان للاذكار كحاجته للطعام والشراب.واذا في شيخ قريب منكو وسمعتو كويسه روحي اله .اسال الله العظيم رب العرش العظيم ان يشفيكي انتي وجميع ابناء وبنات المسلمين

أحلى كلمة في المشكلة أول كلمة . . . كلمة معمولي

زكرتني بالمعمول . . وفتحت نفسي عالمعمول

معمول الفستق حلبي . . . ومعمول الجوز

شو بتحبي وله أكتر الفستق وللا . . . الجوز :))

Dj gang bůh hugh genius šestá