سرايا - سرايا - مشكلتي اللي حابب اعرضها عليكم، وتفيدوني فيها خاصة للي عنده خبرة انه انا متزوج من جديد، وعلاقتي مع زوجتي كويسة

بس المشكلة انه مش قادر اوصل معها لاسلوب اقدر اتناقش معها فيه، بمعنى اخر، انه لما يصير في شوية نقاش بيني وبينها ويحتد الكلام

بتزعل وبتسكت وبتصير تعيط، وما بقدر بعدها اكمل النقاش او حتى اعاتبها، مع انه ما بزعلها او بغلط فيها او بهينها

كله مافي الموضوع انني حابب لما يصير في مشكلة معينة انه نقعد ونحكي ونتناقش، انا عارف وهي عارفة انه بنحب بعض

بس مشكلة عدم وجود نقاش بيني وبينها وخاصة بالمواضيع اللي بتصير عليها مشاكل مغلبيتني، يمكن هالشي موجود لانه لسه متزوجين من جديد

بس انا حابب اعرف واسمع اراء ناس تانية عشان استفيد من خبرتهم"