حماتي صعبه كتير

02-06-2015 10:31 AM

تعديل حجم الخط:

سرايا - سرايا - انا مزوجة من شي اربع سنين و الحمدلله جوزي بحبني واناوبحبو كمان..بس للاسف كل ما تيجي حماتي لعنا لازم تصير مشاكل بيناتنا لانها بتتدخل بكل زغيره وكبيره وفي ادق التفاصيل اللي بيني و بين زوجي !!!!

و عم بتقارن كل شي بحياتي مع بناتها.. و انا احيانا كتير بسكت و بتحمل لاني ما بدي اعمل مشاكل و خاصة انه زوجي وحداني على خمس بنات ..
لحد اخر مرة حكت معي وبتعصب عليّ و بتبهدلني، آل ليه انا ما بروح كتير بزور بناتها و انه أنا مو كتير بحكي تليفونات معهم؟؟؟
مع اني بحكي وبحاول أطمن بين الفترة و التانية!!
شو هاد طيب ما انا بخلص دوام على الساعة 5 و عندي بنتي و بيتي و جوزي و مسؤولياتي هو ما في وراي الا الزيارات و طء الحنك ؟؟ يعني انا شو ذنبي اذا بناتها آعدين في بيوتهم فاضيين اشغال ؟؟
مع انه والله شاهد علي انه انا بحكي لجوزي انه يزور أخواته و يطمن عليهم و جد عمري ما حاولت اني اقطع صله الرحم لاني انا بخاف ربي كتير؟؟!
مشان الله انصحوني و احكولي شو لازم اعمل مع حماتي بذات، لأني بحاول ما احط زوجي بموقف ويله مرته ويله امه!!!

طباعة

المشاهدات: 48771


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	02-06-2015 10:31 AM سرايا
2 -	الله يكون في عونك والله صعبه ... الله يهديهم الحموات بس شو بحبو يدخلو ويعملو مشاكل .. المشكله بتسايري بتسايري بعدين جد بطفح الكيل .. ما الك الا اطنشي وتحاولي تكسبيها لانه بضلها حماتك وام جوزك	02-06-2015 10:45 AM اردنيه التبليغ عن إساءة
3 -	طنش.. تنتعش	02-06-2015 11:23 AM عمر الخالدي التبليغ عن إساءة
4 -	ضعوا حد لها لا تتركو حماتك تتعربد عليكم ولا بد من قرار حاسم ينهي كل التدخلات والتصرفات من حماتك - اقطع اقطع	02-06-2015 11:34 AM مهند الصمادي التبليغ عن إساءة
5 -	حبيبتي عانيت من نفس مشكلتك في الماضي فقد كنت موظفه واطفالي صغار نصيحتي لك دعيها تتحدث كما شاءت وبما شاءت وحاولي الا تفكري بكلامها بعد خروجها من عندك وكان شبئا لم يكنز وارضي ضميرك فقط ولا تسعي الى ارضاء الناس فارضاء الناس غايه لا تدرك فانتي ان اصبحتي تكلمينهم يوميا ستبدأ بالحديث لماذا لم لا تزورينهم اسبوعيا وهكذا ودمتي لاهلك	02-06-2015 12:48 PM ام سند التبليغ عن إساءة
6 -	والله شكلك سورية	02-06-2015 01:04 PM فات الميعاد التبليغ عن إساءة
7 -	سايري حماتك وقولي لها والله كل اللي بتحكيه حلو رايحه اعمل فيه يا ريت كل ناس زيك وكبي وراء ظهرك بس تطلع ولا كانها موجوده واحكي امام زوجك انك بتحبيها وبتموتي فيها خليه يصلها الحكي علشان تكسبيها بصفك والله يا اختي الحياه بدها مسايره شو بدك تعملي	02-06-2015 01:25 PM مها التبليغ عن إساءة
8 -	والله شكلك انتي القويه الله يعين حماتك عليكي	02-06-2015 07:36 PM حماتي حياتي التبليغ عن إساءة
9 -	ان الله مع الصابرين وكلوا بميزان حسناتك والله يهدي كل واحد عنده حماة	02-06-2015 10:41 PM محمد الساحوري التبليغ عن إساءة
10 -	اخوتي العزيرة ... الكلام الحلو والصبر هو الاساس في الحياة ...	03-06-2015 01:26 AM بسه التبليغ عن إساءة
11 -	الله يسترها معك واضح انك سورية لكن بما انك تعرفي هذا الموقع وبتصفحي اخباره وبتكتبي اذا معك وقت فراغ شو المشكلة اذا كلمتي حماتك وبناتها بشان جوزك يعني للساعة 5 على طول شغل	03-06-2015 07:24 AM ابو زيد التبليغ عن إساءة
12 -	يا سبحان الله نفس قصتي بالزبط وزيادة عليها بضلها تحكي عني قدام سلفاتي...ولما تيجي عندي بتصير تحكي عليهم.	03-06-2015 11:32 AM lido التبليغ عن إساءة
13 -	الحق مو على حماتك الحق عليك وعلى زوجك , اسمعي حبيبتي خلي زوجك يقعد معها ويقلها بتحبي مرتي زي بناتك ؟ ليش ما بتعامليها زيهم وهيك فكت المشكله .	03-06-2015 11:45 AM قمر الليالي التبليغ عن إساءة
14 -	واضح انك كثير قوية من طريقة كلامك ولوي لسانك, وعفكرة الدلع ما بينكتب, الدلع بينحكى, والله يعينها حماتك عليكي وعلى كل وحدة مثلك وكل الكناين هلأ مثلك عفكرة لا بطيقوا الحماية ولا أخت الزوج ولا ريحة حدا من أهلو, بالأول بس مشان الله تعال وبس تمسكي بتصيري غول.	03-06-2015 07:20 PM روز التبليغ عن إساءة
15 -	كلامك صحيح من الاخر هكذا هم النساء بعد الزواج يصبح العدو الرئيسي لها ام واهل الزوج الا ما رحم ربي	04-06-2015 06:59 AM الى روز التبليغ عن إساءة
16 -	الكل اجتمع انك انت القوية والكاسرة , ارجعي الى ريك ريك ريك قبل فوات الاواااااااااااان , لعل طرحك للمشكلة تكون صحوة للضمير .	04-06-2015 10:42 AM الى صاحبة المشكلة التبليغ عن إساءة
17 -	حماتك انسانه بتحب السيطرة وهاد مرض نفسي موجود عند كثير من الناس . لو شو ما عملتي ما راح تتغير . لذلك تجنبيها وحطيلها حد . والمحبة من الله . شو ما تعملي ما راح تحبك . حطي حدود لعلاقتك معها وتاخديش وتعطي معها كتير . هيك ناس ما بتخيلو حد يحكيلهم لا لذلك بدك تطنشي كثير وما بنهز بدنك . ومهما حاولت تستفزك لا تنجري الها . عيشي حياتك وربي ولادك وانبسطي مع زوجك واللي مش عاجبو يطق راسو بالحيط . بالاخير راح تهدى لحالها لانها راح تمل وتزهق لانك مش معبرتيها.والله لا عمرو عجبها	05-06-2015 02:59 AM ابو ريان التبليغ عن إساءة
18 -	مش انت بتشتغلي 5 ايام بالاسبوع، ومش هن 5 بنات ومتزوجات؟ خلص، كل يوم روحوا انت وجوزك عند وحدة وخليهم يعشوا بنتك وتدرس مع اولادهم. بتصير تترجاكي حماتك تخفي شوي. بس انت عندي وقوليلها هذا صلة رحم وحرام القطيعة.	13-06-2015 03:29 PM تعلمي مني التبليغ عن إساءة
19 -	الحل بيدك حتى لو كنت صاحبة الحق.،، حبي حماتك بنية صادقة، مثل ما تحبي امك وكوني انت من يبدا باذابة الجليد..... المبادرات الذاتية هي الي تجيب نتيجة	13-06-2015 06:47 PM Amani Ali التبليغ عن إساءة
20 -	الحل بيدك حتى لو كنت صاحبة الحق.،، حبي حماتك بنية صادقة، مثل ما تحبي امك وكوني انت من يبدا باذابة الجليد..... المبادرات الذاتية هي الي تجيب نتيجة	13-06-2015 07:14 PM Amani Ali التبليغ عن إساءة