سرايا - وصلت رسالة من احد متابعين سرايا يريد حلا تاليا نص الرسالة :

السلام عليكم ورحمة الله وبركاته بدايه انا خجلانه كتير من انه اعرض هيك مشكله بس ما عندي حل أنا رح احاول اختصر قدر الامكان انا بنت عادية عمري 16 سنة في المدرسة عندي اخ وحيد عمره 14 سنة وامي مطلقة من لم كان عمري سنتين وهي الله يسامحها ويهيديها دوما بتحكي مع رجال وبتتعلق فيهم تحت مسمى الحب وممكن أحيانا توصل لدرجة الفاحشة وفعل الفواحش معهم هي بتعمل هاي الاشياء من زمان حتى وانا صغيرة بس وقتها ما كنت افهم او كنت احكي انا ما دخلني فيها لكن من جديد انا وعيت وصرت اعرف انو اللي بتعملوا خطأ كبير ويجب عدم السكوت عنه المشكلة انها من النوع العنيد وما بتقتنع بسهولة فانا ما حاولت احكي معها اصلا وما في حدا بعرف بهاد الأمر الا انا واخوي…معلمتي ما شاء الله عليها دينة وخلوقة وهي دوما بتساعد البنات وبتحل مشاكلهم وبتحبني كتير فانا فكرت احكيلها مشكلتي وتساعدني لكن بعديها بتردد .

الاشي اللي اليوم كتير زعلني انها بالامس كانت بتحكي مع “عشيقها” وبتحكيلو انها مش قادرة تقعد بدونه وهي نفسها تلتقي معاه ويضلو لوحدهم وهو حكالها اولادك مين رح يربيهم؟ فقالت ببرود اعصاب ببحثو عن اي حد يربيهم ومن وقتها وانا ببكي وحتى في المدرسة وكان وجهي اصفر وطول ابوقت وانا افكر واني قاعدة باخد ذنوب لاني ساكتة عن عمل الله ما يرضى فيه لو سمحتوا تساعدوني وتعطوني اقتراحاتكم والله اني زهقت وانا بدور وبفكر بحل مناسب لكن مش لاقية جواب وانا خايفة انو امي تموت وهي على هاد الحال او انا اموت قبل ما قدر اوقفها.

الله يجزيكم كل خير ويجعلو في ميزان حسناتكم وازا عندكم فكرة عن اي حل حتى لو شفتوها تافهة ما تترددو لانو يمكن  حدا فيكم يعطيني حل لمشكلتي .