زوجي يحبني ولكنني أحب الشاب الذي خطبني

19-07-2014 09:14 AM

تعديل حجم الخط:

سرايا - سرايا - عمري 28 سنة متزوجة من 6 سنوات
مشكلتي اني ما بحب زوجي على الرغم انه احسن مني بكثير وبيحبني وبيدللني وبده رضاي
والسبب انا كنت بحب انسان واتقدم لي بس اهلي رفضوه بحجة انه مش دارس ومش من مستواي وحاول واتقدم لي اكثر من مرة مع اهله .. بس ابوي رفضه وبشدة
علما انا كنت مبينة لابوي اني موافقة عليه بس بالنهاية هو بسبب كلام ابوي وقرفه ورفضه القاطع راح اتزوج..
وانا كمان بعده بفترة خطبت واتزوجت شخص اختاره ابوي الي ...
انا صدقا مش قادرة انساه مع اني انسانة ملتزمة ومتدينة وعارف انه هذا قدري مع اني كل ماكان يتقدم لي كنت استخير ودايما بقنع حالي انه ما فيه خير الي لانه ربنا ما يسر الامور بيننا
وحاولت كثير ودايما بدعي ربي انسى هذا الموضوع واعيش حياة سعيدة مع زوجي بس لازم اظل اتذكر هاي السيرة وهذا الظلم ..
عن جد اذا حدا عنده نصيحة يقدمها لانه نفسيتي تعبانة وحاسة حالي كمان بظلم زوجي اللي ما له ذنب...
حسبي الله ونعم الوكيل

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 57978


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	19-07-2014 09:14 AM سرايا
2 -	٦ سنين مع زوجك و هو مدللك ومو قادره تحبيه حرام عليك شكلك كاينه تحكي مع حبيبك القديم قبل الزواج على اساس انت متدينه قصتك مو واضحه ما الك غير تستغفر وترجعي لربك	19-07-2014 09:42 AM لمار التبليغ عن إساءة
3 -	انت ممن تأتيهم النعمة ويرفسونها بأرجلهم وأحذيتهم فلو كنت ملتزمة لرديت الجميل لزوجك الذي يحبك وأنت ما زلت في غيك القديم فلو كان به خيرا لما رفضه ابوك وأصبح من الماضي غير المأسوف عليه فاعفلي واشكري الله وقومي وصلّي لله ركعتي شكر لأنه أعطاك رجلا مثل زوجك	19-07-2014 09:44 AM ورد الحمزات التبليغ عن إساءة
4 -	الخيرة فيما اختاره الله .. بعد ستة سنين يا عمي هو متجوز و مبسوط و نسيكي و نسي الي خلفوكي ... قدامك حل من اتنين يا بتحترمي حالك و اهلك و جوزك و بتنسي الموضوع خصوصا انه جوزك احسن منك ...او اذا مش قادرة روحي اطلقي و ريحينا	19-07-2014 09:58 AM م.احمد التبليغ عن إساءة
5 -	يا المحرر مش ملاحظ انه المشكلة هاي تندرج تحت بند الخيانه الزوجيه ..... شو في الو داعي لطرح هيك مواضيع ...؟ انشر ان استطعت ================ المحرر : الرجاء من الأخ البلقاوي عدم تقييم كل المواضيع حسب وجهة نظره وحده..فالحياة فيها من كل لون ..وما لا يرضيك قد يرضي غيرك ..وما لا تراه مشكلة قد يكون هما لغيرك.. والنشر من عدم النشر أمر إداري تتطلبه طبيعة عملنا ..وليس قبولا لتحدي من أحد القراء	19-07-2014 10:02 AM البلقاوي - الى المحرر التبليغ عن إساءة
6 -	متدينه ههههه يا شيخه حرام عليكي	19-07-2014 10:08 AM ساهر الليل التبليغ عن إساءة
7 -	انسانة ملتزمة ومتدينة ومش قادر تنسي حبيبك، مش فاهم كيف زبطت معك، وبدك حدا ييجي هلأ يطبطب عليكي ويقلك معلش لأنك ما بتقدري تتحكمي بقلبك، الموقف واضح لا لبس فيه، لو علم زوجك بأنك تفكرين في غيره ولو مرة بالسنة هل سيكون راضيا؟ اذا كان الجواب لا لن يكون راضيا فأنت بكل بساطة خائنة، تعيشين الخيانة كل دقيقة مع ان الله عز وجل وهب لك ما تتمناه كثير من الفتيات المتدينات حقا وليس كذبا مثلك، ولكن لأن طبيعتك لا تقبل الحياة النظيفة صرت تقلبين في ماضيكي حتى تعيشي قصة سخيفة بينك وبين نفسك وأنا اكاد أجزم بأن الشخص الذي تحبينه نسيك منذ تزوج. نصيحتي لكي أن تكوني صادقة و تشرحي لزوجك عن الموضوع، وهو سيطلقك طبعا، وبهذا تصبحين في الوضع الذي تستحقينه	19-07-2014 11:17 AM احمد من الرصيفة التبليغ عن إساءة
8 -	شوفي اذا عندك ولاد لازم تدعسي على عواطفك وترضي باللي كتبلك اياه ربنا " عسى ان تكرهوا شيئا وهو خير لكم وعسى ان تحبوا شيئا وهو شر لكم "أما اذا ما في ولاد لازم تصارحي زوجك بعواطفك وحرام تخدعيه	19-07-2014 11:40 AM بهية التبليغ عن إساءة
9 -	يعني كان عمرك 22 لما انفصلتي عن حبيبك وابصر كم مرة اجا وطلبك وما رضيو اهلك وطبعا قبها كان في علاقة حب يعني ابصر كم كان عمرك وقتها ؟؟ وبعد علاقة الحب انفصلتو وتزوجتي واحد تاني وبعد 6 سنوات مو راضية تنسيه. دخلك ليش مو راضية تنسيه وبتحكي عن حالك ملتزمة ومتدينة؟؟ اي تدين واي التزام اللي بتحكي عنو . جد شو بتشوهو صورة الدين بكلامكم . لو متدينة وملتزمة متل ما بتدعي كان ما عملتي علاقة حب من الاساس عشان تتعلقي فيه كل هالقد . ولو انك ملتزمة ومتدينة متل ما بتحكي وزوجك كويس ليش بتفكري بروميو كونو راح وتزوج جد اني حزنان على زوجك التعيس . وبالاخير بتحكي الالتزام والدين . اللي متلك بشوه صورة الدين وما كان في داعي تحكي عن حالك دينة بالمرة لانو الدين ما بمت الك بصلة نهائيا . او انو يكون فلم هندي من مخيلتك انك تحبي واحد وعمري 17 او 18 سنة وتبعدو عن بعض وانتي بعمر 22 وتتعلقي فيه . الله المستعان	19-07-2014 11:43 AM عاشق التبليغ عن إساءة
10 -	وشو هالموضة الدارجة الوحدة لما يجيها عريس بتحط فيه مليون علة وعلة عشان ما بدها اياه ، وهي بتكون مع علاقة وبتستنى بحبيب القلب يجيها وعشان ما تثير الشبهات عليها بتحي لاهلها خليه ييجي وبعد ما ييجي بتكون قالبة بوزها عشان يهرب . وازا وفعلا صار نصيب وغصبوها اهلها بتصير تخونو ( طبعا بكل انواع الخيانة مو بالضرورة ....... ) ودمتم	19-07-2014 11:46 AM عاشق التبليغ عن إساءة
11 -	الواحد ما بياخد غير نصيبه. والاول مش الك لو شو ما تعملي. عشان هيك بدك تحطي ورا ضهرك وتمشي لأنها الحياه فيكي وبدونك رح تمشي	19-07-2014 12:05 PM مايكل جمعه التبليغ عن إساءة
12 -	قصتك يلزمها اردادة منك فانتي متزوجة وهو ايضا تزوج ولن يجمعكم القدر انتي وحبيبك وزوجك اذا كان طيب المعشر فلا تظلميه بوجع الماضي الغابر وفكري بمستقبلك واقنعي نفسك بحبه ...........	19-07-2014 12:52 PM النصيحة الصادقة التبليغ عن إساءة
13 -	السلام عليكم و رحمة الله و بركاتة يا اختي والله ان الشيطان يسري في ابن ادم من مجرى الدم , كلها وساوس للشيطان من اجل اخراب الحياة الزوجية, لان متعة الشيطان ان يفرق بين المرء و زوجة. اعلمي يا اختي ان ما اصابك لم يكن ليخطئك وما اخطئك لم يكن ليصيبك. اعبدي الله حتى ياتيك اليقين والله انها معاصي وذنوب تلهينا عن ذكر الله. اعلمي ان طاعة الله هي مبتغانا في الدنيا و ليست القصص الاخرى. يا سيدتي كانت النساء على زمن الصحابة والفتوحات يموت زوجها بالحرب وتنتهي العدة ويتزوجها اخرون ولم يرد ان قلب تلك المراة ضل معلق في زوجها المتوفي. اعلمي ان الحياة الدنيا لهو ولعب وان المقام الاخر هي الاخرة وان هذا كلة فكر ناتج عن شاشة التلفاز و ان جميع المسلمين ملوث فكرهم بهذا الناتج. فتوكلي على الله فهو حسبك وانتبهي لزوجك و بيتك واعلمي ان ما مضى لن تستطيعي ارجاعة وان الخيرة فيما اختارة الله	19-07-2014 01:05 PM رد طيب ان شاء الله التبليغ عن إساءة
14 -	انت ست متزوجة ومن سنين وزوجك مش مقصر معك ((اعتبري الشب الثاني مات )) وانا اعتقد انه تعتبر خيانة عايشة مع رجل وبتفكري بواحد غيره اتقي الله بحالك والملتزمة زي ما بتحكي بتعرف الطريق لألله لحالها مشان تنسى همومها^^ بالنسبة لابوكي معظمنا هيك لانه الاب بحس انه هو يختار الاحسن وكلامك عن جوزك بأكد هيك بس اولا وأخيرا هاي ارادة الله	19-07-2014 01:27 PM مجرد رأي التبليغ عن إساءة
15 -	ماعندك مشكلة ـ ركزي أكثر بإشغال وقتك بأسرتك وحاولي حفظ القرآن وتعرفي على صحبة صالحة تقضي معهم وقت جميل ولا يوجد للهم فالله هو الذي قدَر لك هذا الزواج وليس والدك كما تعتقدين ـاتقي الله	19-07-2014 01:47 PM إياس العمري التبليغ عن إساءة
16 -	لو بدك كان نسيتيه، بس انتي مابدك، حابة ضلك عايشة بقصة حب وهميه	19-07-2014 01:47 PM اردني اصيل التبليغ عن إساءة
17 -	ابوكي كان مخطأ .. العلم مش كل شي المهم الفهم ... يعني شب مش دراس جامعه و ( متفهم ... مثقف .. بعرف يتفاهم مع الناس .. قادر يفتح بيت ) يعتبر ممتاز ... العلم مش كل شي ولا هو شرط من الشروط الواجبة للزواج ... لاكن اعتقد انو ابوكي كان بدو الافضل الك طبعا من وجهة نظرو .... على كلن انتي الان اصبحتي على ذمة رجل وبحبك ومحترمك . وانتي لا تخلي قرار ابوكي ينعكس سلبيا على زوجك ..وعلى بيتك ومع الايام والاولاد رح تنسي خطيبك الاول ... وبعدين خطيبك الاول عايش مع زوجتو وكل واحد اخذ نصيبو اللي مكتوبلو ... فلا تعترضي على نصيبك ..	19-07-2014 01:59 PM مرجان احمد مرجان التبليغ عن إساءة
18 -	ما من يوم ينشَقٌ فجره إلا وينادي: يا ابن آدم أنا خلقٌ جديد وعلى عملك شهيد فاغتنم منِي فإني لا أعود أبدا إلى يوم القيامة...أقسم الله جلِ وعلا بالوقت لأهميته ( والفجر..والليل..والضحى..والعصر...) حتى نقضيه في عبادته يقول الله تعالى ’’وما خلقت الجنَ والإنس إلا ليعبدون’’...ونحن نستطيع ان نحول حياتنا كلها من ( أكل وشرب وعمل وحتى قضاء اوقات الرحة مع أهلنا ) الى عبادة إذا كانت النية منذ البداية لاجل الله تعالى لنيل الرضا والبركة من الله..اللهم صل على محمد وعلى آل محمد وصحبه	19-07-2014 02:08 PM همسة إيمانية...الوقت التبليغ عن إساءة
19 -	السلام عليكم الخيرة فيما اختاره الله لكي . ثقي تماما ان الله يختار لكي الافضل .وابعدي عنك هذه الافكار خلص هو تزوج وقدر انو يعيش حياتو وانتي خلص الك زوجك واولاك عيشي الحياة نصيحة نفسية :حاولي انك تلصقي صفات سلبية بالخاطب السابق حتى وان لم تجد .لكي تجعلي تفكرك يهرب من هذه الدوامة	19-07-2014 03:06 PM استغفر الله ولا حول ولا قوة الا بالله التبليغ عن إساءة
20 -	بس بحكيلك شغله لو تجوزتيه كان هسى بتكرهي حالك الحب كله بعد الجيزه بيقلب عكسي اسمعي حكايات البشر بتعرفي ارضي بنصيبك و احكي الحمدلله لأنه لو جوزك حس ممكن يكرهك و اذا كرهك ممن ببساطه تصيري تتمني يتطلع بوجهك بنظرة ود و تصيري تحكي ليت اللي جرى ما جرى هاي المشاعر كلها كذبه كبيره و احنا قادرين نتحكم فيها بسهوله	19-07-2014 03:42 PM متااااابع التبليغ عن إساءة
21 -	ان كيدهن لعظيم صدق الله العظيم	19-07-2014 04:49 PM فات الميعاد التبليغ عن إساءة
22 -	اطلبي الطلاق	19-07-2014 05:08 PM مغربي التبليغ عن إساءة
23 -	الله يوفقك يارب اكثري الاستغفار وان شاء الله بتتيسر امورك وعيشي مع زوجك اللي بحبك وانبسطي ما بتعرفي يمكن لو اخذتي اللي خطبك ما تتوفقي كثير ناس تزوج اللي بحبوهم ورجعو تطلقو او ما تفاهمو	19-07-2014 06:28 PM اسراء التبليغ عن إساءة
24 -	والله وانا واقع بنفس المشكه وقرفان عمري مش عارف شوبدي اسوي اموت ورتاح	19-07-2014 08:15 PM محمد الجبور التبليغ عن إساءة
25 -	بسم الله الرحمن الرحيم يابنت الناس خلينا نحكي بشكل واقعي انتي الان متزوجه من رجل الحب هو حب الله ورسوله اما الحب يلي تحكي عنه انا بحذرك منه بحذرك منه لانه مدخل لشيطان ...قال تعالى لاتتبعوا خطوات الشيطان .. دلاله هذة الايه الكريمه ..انه الشيطان لما بدو يضل انسان ببلش معه خطوة خطوة ..من الاشي الصغير الى الاكبر وانتي لاتسمحي لابليس يخرب عليكي حياتك حبيبك الان هو زوجك ..... الرجل يلي كان بدو يخطبك اسمه شخص ما اله نصيب فيكي لذلك اقنعي نفسك خطوة خطوة انك بتحبي زوجك وحاولي انك بدلليه زيادة عن اللزووم وادعي ربك...يحببك بزوجك اكثر واكثر الان انتي تعرفي هاي لعبه من ابليس لاتسمحيله يسيطر عليكي واصبري	19-07-2014 09:23 PM الله يفرج همك وغمك التبليغ عن إساءة
26 -	بدك الحل ؟؟؟؟؟؟؟؟ الحل موجود - حسبنا الله و نعم الوكيل فيك - الامور مبينة انك بتعرفيه و بتحبية من اول مو شغلة خطيب عادي!!!!حكيتيلي يا مظلومة انك ملتزمة دينيا و اخلاقيا و دخيلك الملتزمة المظلومة كيف تتجرأ و بتحكي عن ابوها و قرفه ولك هاد الرجل هو الي علمك و رباك ولا الشارع يلي رباكي ؟ ولك احكي الحمد لله يلي الله ستر عليك و على امثالك اتخيلي جوزك عرف عنك انك كنت اتحبي برأيك شو بصير بحالتك؟	19-07-2014 10:58 PM البدور التبليغ عن إساءة
27 -	الاب دايما بتمنى الافضل لاولاده وبالنسبة لكي..وضعك أفضل من بنت انحرمت من الزواج وبقيت بدون زواج حتى تقدَم بها العمر ...او وحدة اتزوجت اللي بتحبه وصار زوجها(حبيبها سابقا )يعايرها بعلاقتها معه وبشك فيها عالطالعة والنازلة...او وحدة تركت زوجها وحياتها المحترمة على امل ترجع للي كانت تحبه وحلقلها وتزوج وحدة بنت بنوت...أو أو أو شوووووو اقتنعت انك بنعمة بتنحسدي عليها الشب شاف حياته ومبسوط وانت بتعملي هيك اصحي لحالك	19-07-2014 11:16 PM الى صاحبة المشكلة التبليغ عن إساءة
28 -	مساء النور أختي ،، الواضح من طرحك التناقض اوﻻ تقولين ماني قادره أنساه وبأخر الطرح تقولين ماني قادره انسى هاذي السيره والظلم ؟؟ !!!! ارحميني انتي اما انك حابه اللي تقدم لك او ذكرى الظلم باقية في ذاكرتك وانتي يا خيتي متدينة اتقى الله بزوجك يقدرك ويحاول يرضيك ويدللك على حد تعبيرك هاذا نصيبك والدنيا توافيق ونصيب	19-07-2014 11:24 PM أفلاطون التبليغ عن إساءة
29 -	مساء النور أختي ،، الواضح من طرحك التناقض اوﻻ تقولين ماني قادره أنساه وبأخر الطرح تقولين ماني قادره انسى هاذي السيره والظلم ؟؟ !!!! ارحميني انتي اما انك حابه اللي تقدم لك او ذكرى الظلم باقية في ذاكرتك وانتي يا خيتي متدينة اتقى الله بزوجك يقدرك ويحاول يرضيك ويدللك على حد تعبيرك هاذا نصيبك والدنيا توافيق ونصيب .	19-07-2014 11:25 PM افلاطون التبليغ عن إساءة
30 -	يا ستي اعترفي و اطلبي الطلاق و رح يطلقك بالصرمايه و هيك رح تعبشي بهناء و سعادة- خسارة فيكي هالزلمه و رب الكعبه	20-07-2014 02:44 AM نبيل التبليغ عن إساءة
31 -	احسن اللك اسكتي وارضي باللي كتبه الله ربنا يلعن الحب والكذب	20-07-2014 03:01 AM المقاتل التبليغ عن إساءة
32 -	الحمدلله انا مو متزوج ...نويت خمس مرات وبخكي بالموضوع وبس احس الجد قرب ببطل -_- من ورا قصص الي مثلك يا صاحبة المشكله زاد اصراري على اني اضل عزابي طول عمري مرقو 31 سنه وخلي الي ضايل يروحو كمان ولا ارتبط بانسانه بتطلع مخبصه بماضيها او بحاضرها وانا اعيش دور الاهبل ما بدري عن اشي ... مشالله مبينه اخلاقك وتربايتك وتدينك من كلماتك (ابوي وقرفه !! ) سلميلي على الوالد وقرفه هههههههههه	20-07-2014 03:28 AM ماهر التبليغ عن إساءة
33 -	انتي خاااااائنة	20-07-2014 06:02 AM The yes التبليغ عن إساءة
34 -	استغفري الله والتزمي بالصلاة وطاعة زوجك وهذا كلام لا يقبله الدين ولا المنطق والشيطان يوسوس لك بما يغضب الله	21-07-2014 05:27 AM محمد محاسنه التبليغ عن إساءة
35 -	توتو	21-07-2014 01:28 PM ناصر التبليغ عن إساءة
36 -	الخيرة فيما اختاره الله، يمكن لو تزوجتي الشاب الحبيته، كان تطلقتي، يعني لو عنترة تزوج عبلة كان انتحر كمان، فاحمدي ربك انه زوجك محترم، في ناس بتمنوا مثل هالزوج، واكيد الشخص الاول لو عشتي معه كان اكتشفت عيوبه.	04-08-2014 03:15 PM الخيرة التبليغ عن إساءة
37 -	النصيحة في هذه الحالة لا تفيد لانو انتي هل ترغبي بالطلاق ام لا . كمان اذا حصلتي على الطلاق هل ترغبي بالزواج من هذا الشخص وهل سيتزوجك هل يوجد اولاد هل تملكين المال لتنفقي على نفسك هل هنالك اسرة تدعمك هل هل هل ... هنالك الكثير من الاسئلة و الخيارات في حالتك	26-05-2015 07:09 PM مخ التبليغ عن إساءة