حماتي .. سبب معاناتي

17-05-2014 09:21 AM

تعديل حجم الخط:

سرايا - سرايا - انا متزوجة من شي اربع سنين و الحمدلله انا و زوجي بنحب بعض و متفاهمين نوعا ما ..بس للاسف كل ما تيجي حماتي عنا لازم تصير مشاكل بينا لانها بتتدخل في ادق التفاصيل اللي بيني و بين زوجي !!!!

و عم بتقارن كل شي بحياتي مع حياة بناتها.. و انا احيانا كتير اسكت و اتحمل لاني ما بدي اعمل مشاكل و خاصة انه زوجي وحداني على خمس بنات ..

لحد اخر مرة حكت معي بتعصب عليّ و بتبهدلني ليه انا ما بروح كتير بزور بناتها و انه مو كتير بحكي تليفونات معهم؟؟؟

مع اني بحكي و بطمن بين الفترة و التانية!! طيب ما انا بخلص دوام على الساعة 5 و عندي بنتي و بيتي و زوجي و مسؤولياتي هو ما في وراي الا الزيارات و طق الحنك ؟؟ يعني انا شو ذنبي اذا بناتها قاعدين في بيوتهم فاضيين اشغال ؟؟

مع انه والله شاهد علي انه انا بحكي لزوجي انه يزور أخواته و يطمن عليهم و جد عمري ما حاولت اني اقطع صله الرحم لاني انا بخاف ربي؟؟!

مشان الله انصحوني و احكولي شو لازم اعمل معها بذات انه بحاول ما احط زوجي بموقف ويله مرته ويله امه!!!

طباعة

المشاهدات: 58637


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	17-05-2014 09:21 AM سرايا
2 -	احكي لزوجك تفاهمي معاه قوليله يفهم امه قوليله انا ما بقدر اضل هيك وقوليله انا ما بحب احكي وطق الحنك واللي حكيتيه هون احكيليه روح انت زورهم بديش ازور حد انا انا مزاجيه محدش اله عندي طلقني لو مش عاجبك طلقني زي زكي شان ههه	17-05-2014 10:39 AM بياع الورد التبليغ عن إساءة
3 -	صراحة بالنسبة لطق الحنك معك حق ويلك زوجك وبيتك ومطبخك وشغلك و....و...و..وبالاخر يطلع حدا عتبان ليش مابسألي عنه ؛ أنا شو جابرني هيك أعمل بما اني بتصل بين كل فترة وفترة وبالمناسبات لحتى اتطمن عليهم فليش يزعلوا فوق ماهي حماتك مأخدة لابنها موظفة وبتلومك كمان؟؟؟؟؟؟ هي ما الها ضرب تلازم عليك تطقي حنك معهم ، شو هالحماة هاي !!!!!!	17-05-2014 10:55 AM ولاء قواسمة التبليغ عن إساءة
4 -	الله يعينك .. كأنو هالايام الموظفة بتتحمل العتب.. اي يا دوب بتشوف اهلها .. اذا بتروحي ساعة 5 شو ظل من اليوم طبيخ و لا شغل بيت و لا تشوفي بنتك يا .... .. حبيبتي لا تسألي و لا تتطمني على حدا اصلا ما حدا لحدا هالايام .. و خليهم يعتبوا قد ما بدهم اذا بحبوكي بقدروا ظروفك	17-05-2014 11:14 AM الى صاحبة المشكلة التبليغ عن إساءة
5 -	مشكلتك بسيطة 1- زوجك يجب ان يوضع في صورة الحدث وان يطلب من امه عدم التدخل في حياتكما 2 - كوني قريبة من حماتك وعامليها كما تعاملين امك واجلسي معها جلسة ودية وعليها ان تعلم انك محبة لها ولبناتها وان بيتك وعملك قد ياخذان معظم وقتك واتمنى لك السعادة والاستقرار النفسي	17-05-2014 11:16 AM ,ورد الحمزات التبليغ عن إساءة
6 -	جوزك شو رايه يعني بلومك شي ولا لا .وخلص اماااااحماتك اسمعي واسكتي وطنشي بترتاحي يعني مرة كبيرة قد أمك لا تزعليها عشان عيون جوزك وسلامتك	17-05-2014 11:32 AM الى صاحبة المشكلة التبليغ عن إساءة
7 -	اةل شي شكرا كتير كتير على ارائكم.. بس بالنسبة لتعليق ورد صدقوني اجوا بيت حماي قعدوا عندي اكثر من 3 اشهر في البيت بحكم انه حماي عنده مراجعات و مستشفى و انه بيتهم بعيد في محافظة تانية و الله على ما اقوله شهيد انه ما شافوا مني غير كل احترام و محبة بالرغم انها كانت تستغيب زوجي و بتحاول تستفزني ببناتها و تتطفلها اللي ما اله حد. و لما تحكي الوحدة انه بيت حماها عندها في البيت معناتو العيلة كبيرة و كل يوم طبخ و نفخ و تنظيف و تخيلوا هاد كله كنت اقوم فيه بعد ما اروح من الدوام لانه حماتي الله يسامحها ما كانت تساعدني لو حتى بمجرد طبخة... بس اللي بقهرني انه ما بتتصرف هاي التصرفات اللي بالوقت اللي زوجي فيها مش موجود.. و اذا صار و حكيتله و هوه راح عاتبها بدهم يحكوا انه مرته بتقويه على اهله مزبوط!!!	17-05-2014 12:06 PM انا صاحبة المشكلة التبليغ عن إساءة
8 -	انت اخت نشمية بنت اصل اهلك احسنوا تربيتك استمري على هذا الدرب اسال الله لك ولبناتنا ولاخواتنا الهناء والسعادة واصلح الله حماتك ولك الاحترام يا ابنة الاصول	17-05-2014 12:41 PM ورد الحمزات التبليغ عن إساءة
9 -	الله يصبرك يااختي هاي المشكله مش بس عندك صدقيني عند كل الناس ما في حدا مرتاح ويعني اصلا هلا هو بدو يحكي مع خواته ويروح لهم يعني انت بقدري تمنعيه لو بده يروح ما خد بقدر يمنعه بس هاي قله عقل وسخافه من حماتك الي بدها تشاطر عليكي واصلا انت مش مجبوره تحكي مع خواته بس انت من باب احترام بتحكي معهم بس هدول خواته هو وهو اذا بحب يحكي ويروحلهم ما بحب بلاها لا تكركعي حالك فيهم وانسي وضعهم المهم انت عايشه انت وزوجك وخلص اما بالنسبه لحماتك لتواصلي معها شو بدك تعملي مع اني بعرف انك انت بذات ما بتخلصي من السانها بس بدك تتحملي لانه غي كلمه ما اقواها مارح تخلصي منها لو شو ماعملتيلها انت بنظرها المراه الي اخدتي ابنها منها ومن خواته ياحرام المسكينات...... عيشي وافرحي انت وعيلتك وما عليك من هدول الناس مريضين الانفس الله يهدي بالك	17-05-2014 12:58 PM امير التبليغ عن إساءة
10 -	معلش بدك تتحملي و طولي بالك .. انتي معك حق في كلامك 100% و مش راح اقويكي على حماتك .. بس انتي لازم توخدي موقف منك لحالك و انتي كمان صاحبة بيت و مبين عليكي بنت عالم و ناس حاولي قدر امكان اذا استفزتك انه تجاوبيها بأسلوب محترم اللي ما تحط الحق عليكي.. انتي كوني سيدة الموقف ما دام هيه هيك بتتصرف و مش فارقة عندها زعلك	17-05-2014 01:07 PM الى بنت الاصول التبليغ عن إساءة
11 -	اختي الحبيبة اول اشي بارك الله فيكي والله يجزيكي خير..بالنسبة لخالتك (حماتك) الله يهدي النفوس بينكم خدي تصرفاتها ومقارناتها بسعة صدر فقط لقول النبي عليه السلام ’’ ما زاد الله عبدا بعفو الا عزا’’ وكذلك حتى تحافظي على استقرار علاقتك بزوجك لانه كترة الشكاوي بتخليه يزهق منك كمان صدقيني والله اعلم هو بيعرف طبيعة الولدة بس شو رح يعمل !!برضيكي يزعلها انا متاكدة انتي مارح ترضي انه يعاتبها... الحل ان شاءالله تقربي اكتر من حماتك بالتلفونات بالهدايا واحتمال الانتقاد اللي رح يخف ان شاءالله مع طيب تعاملك معها ... وتذكري هالكلام ’أحسنوا الى الناس تستعبدوا قلوبهم’’ ما حدا بدا حياته بدون تعب وصدقيني هي بعدين رح تسير بصفك ان شاءالله بس الامر بدو صبر منك والدعاء الى الله انه يصلح الحال وخلي زوجك مبسوط منك الله يهدي بالكم جميعا	17-05-2014 02:04 PM لانا التبليغ عن إساءة
12 -	طنشي والله لو بتشوف بناتها في السماء السابعة لتظل تحكي انهن مسكينات وحقهن مهضوم ومظلومات وهذه نوع من الغيره المبطنه ولن تتغير محسوبك له متزوج 19 سنه بنفس القصه امامي ما بتحكي بس تنفرد بزوجتي ما بتخلي ليش شارين ليش عاملين وين المصاري الي معكو ا روحوا شوفو فلانه يتسوي اشي من لاشئ وهيه بنفس الوقت بتصرف عليهم في الاخر صراحة زوجتي باسلوم امي وتفاهمنا انه نسمع ونطنش ونعيش حياتنا	17-05-2014 04:39 PM شاب بنفس المشكله مع امه ومرته التبليغ عن إساءة
13 -	انت بنت اصل وانا مبسوط كثير منك والله يوفقك ومشكلة بسيطة ولا تحمليها اكثر من اللازم سايري حماتك واسمعي وطنشي وهذا طبيعي ومش جديد والبيوت فيها اكثر من هيك واهم شيء انت وجوزك واولادك وبيتك ما دمتم مبسوطين انسي الموضوع والله يعطيك العافيه	18-05-2014 07:16 AM زيزوزيزو التبليغ عن إساءة
14 -	اكيد هو بيعرف كل شيء عن امه وشو بتعمل وشو بتحكي لكن علشان هو وحيد امه مش رايح يحكي معاها حتى ما يزعلها ومش رايحه تسمع منه منه عشان هيك اتحمليها مره كبيره حتى يقضي الله امرا كان مفعولا ولك كل الاحترام والتقدير	18-05-2014 07:20 AM تابع زيزوزيزو التبليغ عن إساءة
15 -	لعلي في هذه المرة اختصر بردي وانصحك بنصيحة واحدة وهي(عليك بكتاب اسمه حماتي ازمة في حياتي)كتاب تستطيعي ان تنزليه عن طريق النت من موقع صيد الفوائد ستجدي فيه كل ما يخطر ببالك وبما انك امرأة تخافي الله سيعينك إن شاء الله على حل مشاكلك مع حماتك...اللهم فرج همها ويسر امرها وانزل عليها وعلى زوجها رحمة تسعد فيها ولا تشقى بعدها ابدا ورقق قلب حماتها عليها ....محب فلا تلوموني	18-05-2014 10:06 AM محب فلا تلوموني التبليغ عن إساءة