حماتي ستزورني ومحتارة هل أبقى أم أسافر؟

12-05-2014 09:02 AM

تعديل حجم الخط:

سرايا - سرايا - هلأ حماتي بدها تيجي عنا وتقعد فترة تلات اسبابيع ان شاءالله.. وبعدها انا منسقه اموري مع زوجي انه بدي اسافر بموعد معين اللي بكونوا اهلي اجازة وقبل رمضان عشان ارجع " ارمضن " مع زوجي ...

حكى زوجي مع حماتي وكان السبيكر فاتح .. حكت له بس تسافر مرتك رح اضل قاعده عندك فترة عشان ننبسط ونطلع مع بعض وهيك ..

انا حاسه انو عيب اسافر وهي موجودة وبنفس الوقت مهما اجلت سفرتي هي الفكرة بدها تقعد مع زوجي لحالهم ..مع انها بتحبني وبس تيجي ناويين نطلع وننبسط إن شاء الله

بس استغربت من كلامها ..خصوصي انو بيت ابنها التاني كمان بيستنوا فيها بمنطقه تانيه

استأذنت من زوجي اني احكي معها تلفون واحكي لها انه اذا بتحب أأجل سفري عشان ثقعد فتره اكبر بأجلها ,, لأنه فكرة انها تقعد في البيت وانا مش موجودة مش حاسه انها صح

وخاصة إنها رح تزهق لانه زوجي دوامه للمغرب ليروح والجو مو كتير حلو حتى تطلع تتمشى او تقعد عالبحر ..

بس رفض وحكالي خايف انها تزعل منك وما تفهمك صح ..

انا جد محتارة شو رأيكم ؟؟

طباعة

المشاهدات: 43137


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	12-05-2014 09:02 AM سرايا
2 -	تركت كل المشكله وبدي اعلق عكلمه ارمضن عجبتني !	12-05-2014 09:19 AM بياع الورد التبليغ عن إساءة
3 -	وليش بتتفلسفي يا شيخة والله الي صحيلك مهو صاح لحدا اي احميدي الله انوه عندك جوز زي هيك فلازم انتي كمان ما تقصري معه وتحترمي طلباته يعني كما تدين تدان !!!!	12-05-2014 09:47 AM يعني جوزك مش مقصر معك ! التبليغ عن إساءة
4 -	التصرف المناسب هو التأجيل وان تسافري بعد ما حماتك تسافر	12-05-2014 09:53 AM .... التبليغ عن إساءة
5 -	انا بدي ارمضن مع مصطفى زوجي وحبيبي هههههههههههه الله يعينك ع التفكير هاد انداري	12-05-2014 11:21 AM حلا التبليغ عن إساءة
6 -	سافري لاهلك وخلي حماتك تنبسط مع ابنها لحالها مادامها رغبتها وبهنيكي من قلبي انك شاعرة معها $$خايفة عليها تزهق لحالها...$$ عشان تلحقي ترمضني مع جوزك	12-05-2014 11:22 AM مشكلجي التبليغ عن إساءة
7 -	كلو ولا يرمضن جوزك لوحدو بلاش ما تنقبل رمضنى معه ههههههههههههههههههههههههههههههههه قال رمضن لحالو قال وهلا عمي وهلا خالي ويا همللي ههههههههههههههههههههههههههههههههههههههههههههههههههههههههههههههههههههههههههههه	12-05-2014 01:05 PM رمضنى التبليغ عن إساءة
8 -	احترمي رغبة حماتك واتركيها وابنها وسافري الى حيث اهلك وعودي كي ترمضني مع شريك حياتك ونصفك الثاني	12-05-2014 01:36 PM ورد الحمزات التبليغ عن إساءة
9 -	مشكلتك مش خاشه مخي	12-05-2014 01:46 PM jem التبليغ عن إساءة
10 -	لا تغيري تخطيطك سافري لاهلك وانبسطي ما دمت عرفتي رغبة خالتك(حماتك) تقضي وقت مع ابنها معناته ما في تقصير من ناحيتك اتجاه زوجك ووالدته وانتي كمان رح تقضي وقت لحالك مع امك ..عادي خدي الامور بحسن نية لانك بتحكي حماتك بتحبك بس شو ماكان رح تحب ابنها اكثر..طبيعي جدا. جهزي البيت لاستقبال خالتك وكملي النواقص لراحتها بغيابك...واجازة سعيدة مع الاهل	12-05-2014 03:01 PM لانا التبليغ عن إساءة
11 -	مبدئياً انقعي رز	12-05-2014 03:44 PM حسين التبليغ عن إساءة
12 -	مبدئيا اللي بيستشير ......... بيكون ما يفهم صراحه شوفو كمية التخويث و الاستهزاء بكلام البنت مع انها محترمه بالطرح فعلا انكو شعب .....	12-05-2014 05:44 PM مبدئيا التبليغ عن إساءة
13 -	انا مش عارفة ليش الناس بتحب تتمسخر بحب اقول لكل انسان بتمسخر على غيره من اهتز ابتلى	12-05-2014 08:41 PM الى المعلقين اللي بتمسخروا التبليغ عن إساءة
14 -	الذي اراه...يبدو انك على علاقة جيدة مع ام زوجك وعليه قوي هذه العلاقة بعمل برنامج خاص لها عند قدومها عندكم....والذي اراه إن كان سفرك لأهلك ليس بضروري لا بأس ان تجلسي مع حماتك مدة جلوسها...ويبدو من كلامك ان حماتك على علم بفترة سفرك إلى اهلك فلا بأس إن اردت ان تذهبي لأهلك ان تطلبي الإذن من حماتك وبنفس الوقت تتركيها حسب رغبتها مع ولدها كما يبدو ذلك ملاحظ من مكالمتها معه....الله اسال ان يجمع بينك وبين حماتك على خير وينزل عليك وعلى زوجك رحمة تسعدوا فيها ولا تشقوا بعدها ابدا..محب فلا تلوموني	13-05-2014 07:41 AM محب فلا تلوموني التبليغ عن إساءة