12-06-2010 04:00 PM
عندما التقى الزوج صديقته في ( الكوفي شوب ) الحالمة كانت آثار الغضب بادية على وجهه ، فسألته صديقته : " خير كفى الله الشر ؟ ليش هيك معصّب ؟ " فأجابها بحدة : " الله يلعن الساعة اللي الواحد بيتجوّز فيها !! " فرمقته صديقته متسائلة فأضاف : " روتين وملل وتكرار للأخطاء ، يعني الواحد ما بيعرف شو يعمل ؟ " فتجيب ( الصديقة ) : " طيب حبيبي ، شو بدنا بالروتين هلأ ؟ خليك معي ورح تنسى الدنيا " فترتسم ابتسامة المنتصر على شفاه الزوج ، فقد انتصر وغير روتين زوجته تغييراً إيجابياً مع صديقته ، وينظر إليها فيما تشعل سيجارتها وتنفث دخانها في الهواء ، وتقول : " وين راح تعزمني بالإجازة ؟ يعني بدي تغيير منيح هالسنة " فيقول لها : " إنتِ أؤمري ، وين ما بدك حبيبتي " . ويعود الزوج ( غير الروتيني ) إلى بيته فيجد زوجته قد أعدت طعام الغداء ، ورتبت السفرة بشكل جميل وبأطباق مرتّبة غير معتادة لتشعره ببعض التغيير ، فينظر للطعام نظرةً علويةً حادةً ويقول : " ما بدي آكل " فتسأله بحيرة : " خير إن شاء الله ؟ " فيقول لها : " إحنا هيك متعودين ناكل الكبسة ؟ ليش مغيرة طريقة التقديم ؟ من يوم ما تزوجنا وأنا بحب تسكبي الأكل في سدر كبير ، ليش ما بتحترمي عاداتي اللي متعود عليها ؟؟" فتجيب الزوجة بحزن : " يعني حبّيت أغيّر شوي ، كسر للروتين " فيجيب غاضباً : " أنا بحب الروتين ، شو دخلك فيّ ، ما بحب شي يتغيّر من اللي متعوّد عليه ، أنا هيك رجل تقليدي روتيني ، عاجبك وإلا مش عاجبك ؟ " فتقوم الزوجة وتسكب الطعام كما اعتاد زوجها وتفوّض أمرها لله ، في الروتين !!
لمتابعة وكالة سرايا الإخبارية على "فيسبوك" : إضغط هنا
لمتابعة وكالة سرايا الإخبارية على "تيك توك" : إضغط هنا
لمتابعة وكالة سرايا الإخبارية على "يوتيوب" : إضغط هنا
1 - |
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
|
12-06-2010 04:00 PM
سرايا |
لا يوجد تعليقات |