مش قادر أنساها أو أمسح صورتها من بالي ..

05-12-2013 10:15 AM

تعديل حجم الخط:

سرايا - سرايا - انا شاب عمري 25 سنه ..اكنت بحب بنت من كل قلبي وناوي أتقدم لها ..لكن للأسف ..الله يرحمها توفت امام عيوني بحادث سير

ومن ساعتها الدنيا سوداء بوجهي وما عم بقدر أحكي مع أي بنت على طبيعتي حتى ما أتعلق فيها أو أخسرها..
مش عارف أنساها ولا أمسح صورتها من بالي وقت الحادث ..وإني عجزت أساعدها وقتها لحد ما توفت ..

يا ليتني لم اكبر .. يا ليتني لم اتعرف عليها .. يا ليتني لم اعرف الحب ........
رجاء بحاجه لمساعدتكم ..

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 45533


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	05-12-2013 10:15 AM سرايا
2 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	05-12-2013 10:16 AM سرايا التبليغ عن إساءة
3 -	يا اخي انساها فالحياة لاتتوقف عند موت احد من البشر ف الرسول نبي الرحمة قد مات ولم يسر اصحابه على ان تتوقف حياتهم عند موته، استعين بالله على ذلك وتذكر قول الله تعالى ولنبلونكم بشيء من الخوف والجوع ونقص في الاموال والانفس والثمرات وبشر الصابرين.	05-12-2013 11:45 AM فاطمة التبليغ عن إساءة
4 -	انت الي عم تحس فيه مو حب اكتر ما هو احساس بالذنب كانك لو ساعدتها وقت الحادث ما كانت ماتت هاد الشي حرام لان لكل اجل كتاب انت ما رح تنساها لانها ماتت ئدام عنيك هي بدها وقت ورح الحياه تشغلك اطلبلها الرحمه والمغفره هاد احسن شي بتقدملها اياه وفاءا لحبك الها	05-12-2013 12:42 PM مجنونه بس بفهم التبليغ عن إساءة
5 -	انسى بلا حب لا وجع بتتعود بكرة بتشوف	05-12-2013 12:59 PM نسرو التبليغ عن إساءة
6 -	اولا الله يرحمها و يغفر الها... بعرف انه مهما نحكي ما بنكون حاسين بوجعك بس انت طلبت النصيحه و احنا علينا نقدملك نصيحها خالصه لوجه الله, انا ما بحكي تنساها بكبسة زر لانه هدا صعب لكن بحكي انك كل ما تخطر على بالك تدعيلها بالرحمه و المغفره و تكمل حياتك بشكل طبيعي يعني تذكرها و حبها بس ما تخلي هدا الشي يمنعك من الحياة الطبيعيه و اذا كنت بعمر مناسب تزوج و كمل حياتك و اذا اجاك بنت سميها على اسمها و هيك انت بتكون مخلص في حبك و كمان كملت حياتك	05-12-2013 01:35 PM الى صاحب المشكلة التبليغ عن إساءة
7 -	اترك الموضوع للزمن و شوي شوي بتنسى وابتعد عن اي شي بذكرك فيها	05-12-2013 02:18 PM منذر التبليغ عن إساءة
8 -	غدا ستنساها وستتزوج وستسعد مع حبيبتك الاخرى والايام القادمة كفيلة بان تنسيك وستقول الحي ابقى من الميت ورحمها الله	05-12-2013 04:13 PM ورد الحمزات التبليغ عن إساءة
9 -	الله يرحمها ويجعل مثواها الجنه الله يصبرك وان شاء الله مع الوقت بتنسى هذا عمرها فان قال تعالى "كل من عليها فان ويبقى وجه ربك ذو الجلال والاكرام" ادعيلها بالرحمه وعيش حياتك ودائما تصدق عنها كتير ناس فقدت اشخاص عزيزين عليهم بس في امل اللقاء في الجنه ان شاء الله الله يجمعك فيها بالجنه يارب	05-12-2013 08:37 PM ريما احمد التبليغ عن إساءة
10 -	الي بحكولك بكره رح تحب غيرها وتنساها غلطانين الي جرب الحب الحقيقي ما رح ينسى طعمه الحب الاول هو الحب الاخير انا متلك مو قادر انسى حبيبتي ابدا بس هي ما ماتت بعيد الشر عنها لكن اتزوجت من واحد تاني رغم عنها وانا ما قدرت اعمل اشي عشان ما اضرها ما زالت حبيبتي في قلبي ووجداني ولم يستطع قلبي ان يظلم اي انسانه بعدها ااااااااخ يا دنيا اخ	05-12-2013 09:12 PM الحب التبليغ عن إساءة
11 -	الله سبحانه وتعالى كتب هيك، وهدا قضاء ربنا والمكتوب ما منه هروب يا سيدي العزيز ان شا الله ربنا يجمعك فيها بالجنة لكن هدا مو معناته توقف حياتك وتصير سوداء توكل على الله ولا تعقد الامور وربك بفرجها	06-12-2013 10:02 AM خلود التبليغ عن إساءة
12 -	انا صار معي نفس شي بس مش قادر انسى ...الله يفرجها يا اخي عزيز . و يرزقنا بنت حلال تنسينى(يارب)	06-12-2013 11:06 PM ابو يامن التبليغ عن إساءة