سرايا - سرايا - انا مشكلتي انه عندي اخ شكاك كتير يعني انا مش عارفه شو اعمل فيه لحتى يتغير، هو دايما بيفكر حاله صح وكل الناس غلط، ما بيقتنع برأي حدا حتى امي وابي، ومستحيل يعتذر حتى لو تأكد انه غلطان.

بيشك كتير خصوصي اذا بشوفني بحكي بالتلفون، لازم يعرف مع مين او يسمع مع مين، وبيشك اذا طلعت برا الغرفه حتى ارد عالموبايل، وبيمسك موبايلي بيفتش فيه، مع اني بنت متعلمه وواعيه وفهمانه وهو عارف ومتاكد من هالشي وكل شي عندي واضح بخزن اي رقم باسمه سواء شاب او بنت

علاقاتي كتير محدوده مع الشباب زملائي فقط وهو ما بتضايق من هالشي بس انا بموووت لما يشك في وبيطلع غلطان وما بيعتذر، ما بعرف هو حاكي مع كتير بنات بس هو عارف انا مش من هالنوع !!

بس ابدا ما بحس بحنان الاخ منه وهو كتير دفش، يعني مثلا اذا صاحبتي بدها تحكي معي موضوع خاص بطلع برا الغرفه لاحترم خصوصيتها هو لازم ييجي ويسمع انه صوت بنت.. وانا بييجي على بالي انهي المكالمة وابكي من القهر بس بقاوم..

صارله على هالحال سنين وما تغير شو اعمل؟