أحب فتاة من غير ديني

13-11-2013 09:42 AM

تعديل حجم الخط:

سرايا - سرايا - انا شاب عمري 20 سنة بحب بنت من نفس عمري و بتدرس معي بالجامعة النا سنة مع بعض تعرفت عليها لما دخلت الجامعة و حبيتها و حبتني بس البنت مسيحية و انا مسلم ..
كنت بأول علاقتنا خايف اني ادخل بهيك علاقة لانها شبه متاهة بس جازفت و كملت و جد حبيتها و هي حبتني بس هسا انا قاعد اوعى شوي شوي و خايف اني اخسر البنت و اخسر هالحب لأنو كمان هاي اول مرة بحب فيها ..,
و البنت قاعد بصير معها مشاكل هسا مع اهلها لانهم عرفو انها بعلاقة مع شب مسلم..بس البنت قاعدة بتتحدى باهلها و بكل اشي مشان انكمل انا وياها و بتحكيلي شو ما عملو مش رح يقدرو يغيرو اشي ..و اقترحت علي فكرة انو نسافر انا وياها و نتجوز برا ..
انا مش عارف شو اعمل ..انا جد بحبها للبنت وبعمل اي اشي مشانها بس بنفس الوقت خايف عليها من اهلها و خايف من يلي بدو يجي ..بتمنى تساعدوني و تفهمو حالتي ..لأني جد ضاايع

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 36814


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	13-11-2013 09:42 AM سرايا
2 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	13-11-2013 09:44 AM سرايا التبليغ عن إساءة
3 -	انتبهوا لدراستكم في هذه المرحله والعلاقه اذا بدها توجع راسك وراسها بل منها خاصة وان المرحلة القادة صعبه ونصيحتي بلا من العلاقه سيما وان الاسلام الذي انت تدين به لا يسمح بهذه العلاقه ليس لسبب الدين ولكن لمجرد الالتقاء...	13-11-2013 09:50 AM رقيب التبليغ عن إساءة
4 -	تزوجها واشرح لها الاسلام فاذا قبلت به عن طيب خاطر , بتكون ان شاء الله اكسبت اجر كبير والله يتمم بينكم بالخير	13-11-2013 09:58 AM خير واشراقة في الحياة التبليغ عن إساءة
5 -	تحياتي بما انك طالب جامعي يعني لسه لا عندك بيت والاهم ما عندك مصدر دخل تعيش فيه وتتحمل مصاريف اجار بيت ومياه وكهرباء ومواصلاتك والتزامات البيت من اكل وشرب ولبس لزوجه ومناسبات واحد نجح و واحد مرض لانه العلاقات الاجتماعيه برضه بدها تكاليف للمناسبات فكمل دراستك لتتخرج وتشتغل وبعدين فكر بالارتباط لانه انت هيك رح اتضيع حالك مو لانك حبيت انما كنت رح تنسى اهم الامور يلي لابد انها تتوفر من اجل الارتياط وما بعد الارتباط وغير هيك حتى لو بتحب ما رح تكون مبسوط بوضعك الحالي	13-11-2013 10:32 AM نبيل التبليغ عن إساءة
6 -	اذا بتحبوا بعض ما في اي شي بمنعكم من الزواج والاستقرار شوف واحد من عائلة البنت حكيم ومقنع ووفقك الله	13-11-2013 02:18 PM الحياة هي الجمال التبليغ عن إساءة
7 -	اخي الكريم ليس هناك اي مشكله شرعيه من زواج المسلم من اخت مسيحيه اذا البنت عمالها بتضحي مع اهلها انت لازم تحث اهلك على الموافقه نصيحه اخويه ما في احلا من الزواح عن طريق الحب مش زاوج الاهل امك ولا اختك بتخطبلك وهات يا مشاكل	13-11-2013 03:41 PM ابوجهل التبليغ عن إساءة
8 -	فعلا انك ضايع .... " وصفت نفسك بنفسك " . . . انا مش ضد الزواج من النصارى , لكن قلبي بنحرق على شباب الاسلام , امه ضايعه ... انت فين والحب فين .	13-11-2013 06:27 PM احمدبن بله التبليغ عن إساءة
9 -	هو انت رايح للجامعه عشان تدرس ولا تحب ؟؟؟ ادرس احسن لك وانتبه لدراستك..بعدين بعدك صغير على الحب والارتباط وانتبه لمستقبلك ...وبعدين هذا حب الجامعات حب فاشل وقليل بل نادر منه اللي ينجح...يا اخي فكك من هيك مواضيع	13-11-2013 10:15 PM الصديق الصدوق التبليغ عن إساءة
10 -	بحب اعرف كيف بدك تتجوزها واهلك بيدفعولك اقساط الجامعه ولا بدك توخذها هيك وتعيشها بغرفة مع اهلك / المهم تتجوز وخلص - اذا الناس من نفس الدين قاعدين بطلقوا من قلة الفلوس والمصاري وتكاليف الحياه انتا صاحيتلك وحده عارضا حالها عليك بدون مصاري عشان هيك حب تتجوز بسرعه - القصه مش قصة دين	14-11-2013 09:05 AM ابو طارق التبليغ عن إساءة